LIVE TV
ପ୍ରଧାନମନ୍ତ୍ରୀ ଆବାସ ଟଙ୍କା ଚାଲିଯାଇଛି ମହାରାଷ୍ଟ୍ରର ଜଣେ ବ୍ୟକ୍ତିଙ୍କ ଆକାଉଣ୍ଟକୁ । ଆବାସ ଯୋଜନାରେ କାର୍ଯ୍ୟାଦେଶ ପାଇଲେ ହିତାଧିକାରୀ । କିନ୍ତୁ ମହାରାଷ୍ଟ୍ରର ଜଣେ ବ୍ୟକ୍ତି ପାଇଲେ ଆବାସ ଯୋଜନାର ଦୁଇଟି କିସ୍ତି। କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକ ଖୁରୁସିଆ ଗ୍ରାମର ରଂଜିତ ବେହେରା ଦୁଇ ବର୍ଷ ହେଲା ଦୌଡ଼ି ଦୌଡ଼ି ନୟାନ୍ତ ହେଲେଣି । ହେଲେ ଲାଭ ପାଉନାହାନ୍ତି ବରଂ ସରକାରୀ ବ୍ୟବସ୍ଥାର ଦାୟିତ୍ୱ ହୀନତା ପାଇଁ ସେ ଦୁଃଖ ସହୁଛନ୍ତି । କାରଣ ତାଙ୍କ ଟଙ୍କା ମହାରାଷ୍ଟ୍ରର ଅନ୍ୟ ଜଣଙ୍କ ବ୍ୟାଙ୍କ୍ ଆକାଉଣ୍ଟକୁ ଦୁଇଟି କିସ୍ତିରେ ୫୦ହଜାର ଟଙ୍କା ଲେଖାଏଁ ଦେଇଦେଇଛନ୍ତି ବିଭାଗୀୟ ଅଧିକାରୀ । ଅନ୍ୟପଟେ ମୁଖ୍ୟ ଉନ୍ନୟନ ଅଧିକାରୀ କହିଛନ୍ତି, ଏ ନେଇ ନିଆଯିବ କାର୍ଯ୍ୟନୁଷ୍ଠାନ । ହିତାଧିକାରୀ କିଭଳି ଫେରି ପାଇବେ ଟଙ୍କା, ସେ ନେଇ ପଦକ୍ଷେପ ନିଆଯାଉଛି ।
ଜାଣି ଆଶ୍ଚର୍ଯ୍ୟ ହେବେ କି, ପ୍ରଧାନମନ୍ତ୍ରୀ ଆବାସ ଯୋଜନା ପାଇବା ପରେ ରଂଜନ ମୁଣ୍ଡ ଗୁଞ୍ଜିଥିବା ଚାଳ ଛପର ଘରଟିକୁ ଭାଙ୍ଗି ପକ୍କା ଘର କାର୍ଯ୍ୟ ଆରମ୍ଭ କରିଥିଲେ । ହାତରେ ଟଙ୍କା ନଥିବାରୁ ଧାର କରଜ କରିବା ସହିତ ସିମେଂଟ, ବାଲି ଓ ଗୋଡ଼ି ଆଜି ସାମଗ୍ରୀ ବାକିରେ ଆଣି ଘର କାର୍ଯ୍ୟ ଆରମ୍ଭ କରିଥିଲେ । ଘର କାମ ସିନା ଆରମ୍ଭ ହେଲା ହେଲେ ଦୀର୍ଘ ଦିନ ହେବ ହିତାଧୀକାରୀ ରଂଜନଙ୍କ ଆକାଉଣ୍ଟକୁ ଆବାସ ସହାୟତା ଟଙ୍କା ଆସିନଥିଲା । ଇତି ମଧ୍ୟରେ ରଂଜିତ ଜିଲ୍ଲା ପ୍ରଶାସନ ଠାରୁ ବ୍ଲକ୍ କାର୍ଯ୍ୟାଳୟ ପର୍ଯ୍ୟନ୍ତ ଏବଂ ପଂଚାୟତକୁ ଦୌଡ଼ି ଦୌଡି ନିଜର ହକ ଟଙ୍କା ପାଇଁ ନିରାଶ ହୋଇଛନ୍ତି । ହେଲେ ବିଭାଗୀୟ ଅଧିକାରୀ କହିଲେ, ଆକାଉଣ୍ଟକୁ ଟଙ୍କା ଯାଇଛି । କିନ୍ତୁ ଟଙ୍କା ମିଳିଲାନି। ଶେଷରେ ବହୁତ ଖୋଳତାଡ ପରେ ଜଣାପଡିଲା ତାଙ୍କ ଟଙ୍କା ନିଜ ଆକାଉଣ୍ଟକୁ ନଆସି ମହାରାଷ୍ଟ୍ରର ଅନ୍ୟ ଜଣେ ବ୍ୟକ୍ତିଙ୍କ ଆକାଉଣ୍ଟକୁ ଚାଲିଯାଇଛି ।
ଏ ନେଇ ପ୍ରକଳ୍ପ ନିର୍ଦ୍ଦେଶକ କହିଛନ୍ତି, ଟଙ୍କା ମହାରାଷ୍ଟ୍ରର ଜଣଙ୍କ ଆକାଉଣ୍ଟକୁ ଭୁଲରେ ଚାଲିଯାଇଛି। କିଭଳି ଟଙ୍କା ଫେରିବ ସେ ନେଇ ବ୍ୟାଙ୍କକୁ ଚିଠି କରାଯାଇଛି । ହେଲେ ଏମିତି କାମ ଯିଏ କରିଛନ୍ତି ବା ଯାହାଙ୍କ ଭୁଲ ଲାଗି ଟଙ୍କା ଭୁଲ୍ ଆକାଉଣ୍ଟକୁ ଯାଇଛି ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । ଗୁରୁତ୍ୱପୂର୍ଣ୍ଣ କଥା ହେଲା ପ୍ରଧାନମନ୍ତ୍ରୀ ଆବାସ ଯୋଜନାରେ ଟଙ୍କା ଆସିଲା, ହେଲେ ବିଭାଗୀୟ ଅଧିକାରୀଙ୍କ ଭୁଲ୍ ପାଇଁ ଟଙ୍କା ଅନ୍ୟତ୍ର ପଳାଇଗଲା । ଯାହାକୁ ନେଇ ଏବେ ବଡ ଦହଗଞ୍ଜ ହେଉଛନ୍ତି ହିତାଧିକାରୀ ।
Also Read
- Reported by:
- MANOJ SWAIN
