LIVE TV
କୁହାଯାଏ ପ୍ରେମ ଭଳି ଜିନିଷ କାହା ହାତରେ ନ ଥାଏ। ଏହା କେତେବେଳେ, କାହାସହ, କେଉଁଠି, କିପରି ହେବ ତାହା କହିହେବନି। କୁହାଯାଏ ପ୍ରେମ ମାନେ ନାହିଁ ଜାତି, ଧର୍ମ, ଗୋତ୍ର, ସଂପ୍ରଦାୟ କି ବୟସର ତାରତମ୍ୟ। ଏମିତି ଅନେକ ଉଦାହରଣ ମଧ୍ୟ ରହିଛି କେବେତେବେଳେ ପୁଅର ବୟସ ଝିଅ ଠାରୁ ଢେର ଅଧିକ ହୋଇଛି ତ ପୁଣି କେତେବେଳେ ୬୦ ବର୍ଷର ମହିଳାକୁ ୨୦ ବର୍ଷର ପୁଅ ହୃଦୟ ଦେଇ ବସିଛି।
ବର୍ତ୍ତମାନ ଏମିତି ଏକ ଘଟଣା ସାମ୍ନାକୁ ଆସିଛି। ବୃଦ୍ଧାବସ୍ଥାରେ ଦୁଇ ବ୍ୟକ୍ତିଙ୍କ ମଧ୍ୟରେ ପ୍ରେମ ହୋଇଛି। ୮୦ ବର୍ଷର ଆଇମା’ ତାଙ୍କଠାରୁ ୨୩ ବର୍ଷ ସାନ ୫୭ ବର୍ଷର ଜଣେ ବ୍ୟକ୍ତିଙ୍କୁ ହୃଦୟ ଦେଇବସିଛନ୍ତି। ସବୁଠାରୁ ଆଶ୍ଚର୍ଯ୍ୟର କଥା ହେଉଛି ମହିଳା ଜଣକ ଧନୀ ଥିବାବେଳେ ସେ ଯେଉଁ ବ୍ୟକ୍ତିଙ୍କ ପ୍ରେମରେ ପଡିଛନ୍ତି ସେ ଭୂମିହୀନ। କୌଣସି ପ୍ରକାରେ ସେ ନିଜ ଜୀବନକୁ ଛୋଟମୋଟ କାମ କରି ବିତାଇଥାନ୍ତି।
Also Read
କେମିତି ହେଲା ପ୍ରେମ:
ଏକ ରିପୋର୍ଟ ଅନୁଯାୟୀ, କେରୋଲିନ୍ ହଲାଣ୍ଡ ନାମକ ଜଣେ ୮୦ ବର୍ଷ ମହିଳା ତାଙ୍କ ଠାରୁ ୨୩ ବର୍ଷ ସାନ ଡେଭିଡ୍ ଫାଉଟେଙ୍କୁ ପ୍ରେମ କରିଥିଲେ। କାଲିଫର୍ନିଆର କାୟୁକୋସର ବାସିନ୍ଦା ଡେଭିଡ୍ଙ୍କର ସ୍ଥାୟୀ ଚାକିରି ନାହିଁ, ବରଂ ସେ ଜଣେ ହ୍ୟାଣ୍ଡ୍ମ୍ୟାନ୍, ଯିଏ କେରୋଲିନ୍ଙ୍କ ଘରକୁ ଜିନିଷ ମରାମତି କରିବାକୁ ଆସୁଥିଲେ।
କିଛି ସପ୍ତାହ ପରେ, ଜେଜେମା ଘୋଷଣା କଲେ ଯେ ସେ ଡେଭିଡଙ୍କୁ ବହୁତ ଭଲ ପାଉଛନ୍ତି। ଡେଭିଡ୍ ଜଣେ ଭୂମିହୀନ ବ୍ୟକ୍ତି ଏବଂ ସେ ଡ୍ରଗ୍ ମାମଲାରେ ମଧ୍ୟ ଜଡିତ ଥିଲେ। ଏନେଇ କାରୋଲିନଙ୍କ ପରିବାର କହିଛନ୍ତି ଯେ ଏହା ପ୍ରେମ ନୁହେଁ, କିନ୍ତୁ ଡେଭିଡ୍ ତାଙ୍କ ମା’ଙ୍କର ଫାଇଦା ନେଇଥିଲେ।
ପ୍ରେମର ଶତ୍ରୁ ହେଲା ପରିବାର:
କେରୋଲିନଙ୍କର ବହୁତ ଧନ ଥିଲା ଏବଂ ଦୁଇ ଝିଅ ମଧ୍ୟ ଥିଲେ। ପରିବାର ଲୋକେ ଡେଭିଡଙ୍କ ଉପରେ ଅଭିଯୋଗ କରିଥିଲେ ଯେ, ସେ କେବଳ ଧନ ପାଇଁ ତାଙ୍କ ପଛରେ ପଡିଛନ୍ତି। ସେମାନେ ଦାବି କରିଛନ୍ତି ଯେ କେରୋଲିନ ତାଙ୍କ ସମ୍ପତ୍ତି ବିକ୍ରୟରୁ ୫ କୋଟି ଟଙ୍କା ତାଙ୍କୁ ଦେବାକୁ ମଧ୍ୟ ପ୍ରତିଶୃତି ଦେଇଛନ୍ତି।
ଏହାରି ଭିତରେ କାରୋଲିନ ଅସୁସ୍ଥ ହୋଇପଡିଥିଲେ ଏବଂ କୋଭିଡ୍ କାରଣରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା। ଶାରୀରିକ ଏବଂ ମାନସିକ ଅବସ୍ଥା ଖରାପ ହେତୁ ତାଙ୍କର ଦୁଇ ଝିଅଙ୍କ ପାଖକୁ ପାୱାର୍ ଅଫ୍ ଆଟର୍ଣ୍ଣୀ ଆସିଗଲା ଏବଂ ମହିଳାଙ୍କର ମୃତ୍ୟୁ ହୋଇଗଲା। ଏହି କାରଣରୁ, ଡେଭିଡ ନିଜ ସମ୍ପତ୍ତିରୁ ଗୋଟିଏ ପଇସା ମଧ୍ୟ ପାଇପାରିଲେ ନାହିଁ। ବର୍ତ୍ତମାନ ସେ ନିଜର ପ୍ରକୃତ ପ୍ରେମକୁ ସାବ୍ୟସ୍ତ କରିବା ପାଇଁ ଭୂମିହୀନ ଭାବେ ରହୁଛନ୍ତି।
