LIVE TV
ସୁବର୍ଣ୍ଣପୁର ଉଲୁଣ୍ଡା ରେଞ୍ଜ ହାତିଲିମୁଣ୍ଡା ଜଙ୍ଗଲରେ ଅଭାବନୀୟ ଘଟଣା । ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ୨ ଶିଶୁ ମୃତ । ବିଦ୍ୟୁତ୍ ଆଘାତରେ ଆସି ସଂପର୍କରେ ପୁଅ ଓ ପୁତୁରାର ମୃତ୍ୟୁ ହୋଇଥିବା ବେଳେ ବାପା ଗୁରୁତର ହୋଇଛନ୍ତି । ମୃତ ଦୁଇ ନାବାଳକ ହେଲେ ସିଂହପାଲି ଗାଁର ନବୀନ ଡୁଙ୍ଗଡୁଙ୍ଗଙ୍କ ପୁଅ ଜିତ ଏବଂ ପୁତୁରା ରମେଶ ।
ଗତକାଲି ରାତିରେ ଘଟିଛି ଏହି ଅଘଟଣ । ଗାଁ ପାଖ ହାତିଲିମୁଣ୍ଡା ଜଙ୍ଗଲରେ ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାରରେ ଉଭୟ ନାବାଳକ ଲାଗିଯାଇଥିଲେ l ପାଖରେ ଥିବା ନବୀନ ଉଭୟଙ୍କୁ ଉଦ୍ଧାର କରିବାକୁ ଯାଇ ଆହତ ହୋଇଛନ୍ତି । ଆହତ ନବୀନ ଉଲୁଣ୍ଡା ଡାକ୍ତରଖାନରେ ଚିକିତ୍ସାଧୀନ ଅଛନ୍ତି । ସେପଟେ ଦୁଇ ନାବାଳକଙ୍କ ମୃତଦେହକୁ ଜବତ କରି ଉଲୁଣ୍ଡା ପୋଲିସ ତଦନ୍ତ ଆରମ୍ଭ କରିଛି ।
Also Read
ତେବେ କେଉଁ ଭଳି ପରିସ୍ଥିତିରେ ଏଭଳି ଏକ ଅଘଟଣ ଘଟିଲା, ତାହା ତଦନ୍ତ ପରେ ଜଣାପଡିବ ବୋଲି ଉଭୟ ବନ ବିଭାଗ ଓ ପୋଲିସ ସୂଚନା ଦେଇଛନ୍ତି ।
