LIVE TV
ହୋଲି ପରି ପବିତ୍ର ଦିନରେ ବଡ଼ ଅଘଟଣ । ବ୍ରାହ୍ମଣୀ ନଦୀରେ ବୁଡ଼ି ୨ ଭାଇଙ୍କ ଜୀବନ ଚାଲିଗଲା । ହୋଲି ଖେଳ ସାରି ଗାଧୋଇବା ବେଳେ ପାଣିରେ ଭାସି ଯାଇ ୨ ଭାଇ ପ୍ରାଣ ହରାଇଥିବା ସୂଚନା ମିଳିଛି । ମୃତ ୨ ଭାଇ କେନ୍ଦ୍ରାପଡ଼ା ବ୍ଲକ କେଶପୁର ପଞ୍ଚାୟତ ମୂଷାଡ଼ିହା ଗାଁର ।
ସୂଚନା ଅନୁସାରେ ,ଆଜି ଅପରାହ୍ନରେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଥାନା କେଶପୁର ପଂଚାୟତ ମୁଷlଡ଼ିଆ ଗ୍ରାମରେ ହୋଲି ଖେଳି ସlରି ବ୍ରାହ୍ମଣୀ ନଦୀରେ ଗାଧୋଉଥିବା ବେଳେ ଦୁଇ ଭାଇ ହଠାତ ବୁଡି ଯାଇଥିଲେ । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ପଟ୍ଟାମୁଣ୍ଡାଇ ଉପଖଣ୍ଡ ସ୍ତରୀୟ ମେଡିକାଲରେ ଭର୍ତ୍ତି କରିଥିଲେ । ହେଲେ ସେତେବେଳେକୁ ବିଳମ୍ବ ହୋଇ ସାରିଥିଲା । ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଥିଲେ ।
Also Read
ମୃତକ ଦୁଇ ଜଣ ହେଲେ ପଟ୍ଟାମୁଣ୍ଡାଇ ଥାନା ମୂଷାଡିଆ ଗ୍ରାମର ୪୩ ବର୍ଷୀୟ ସୁଜିତ ଦାସ ଓ ୨୪ବର୍ଷୀୟ ଚିନ୍ମୟ ଦାସ । ଉଭୟ ଦୁଇ ଜଣ ସମ୍ପର୍କୀୟ ଭାଇ ବୋଲି ଜଣା ପଡିଛି । ତେବେ ଏହି ଘଟଣା ପରେ ଚାରିଆଡ଼େ ଶୋକର ଲହରୀ ଖେଳିଯାଇଛି । ପରିବାର ଲୋକଙ୍କ କାନ୍ଦବୋବାଳିରେ ଫାଟି ପଡ଼ୁଛି ମେଡିକାଲ ପରିସର ।
