Odisha Cabinet Restructuring: ଆଗ ଭଳି ପାୱାରଫୁଲ ରହିବେନି ସଚିବ, ମନ୍ତ୍ରୀ ନେବେ କ୍ୟାବିନେଟ୍ ନିଷ୍ପତ୍ତି

ରାଜ୍ୟ କ୍ୟାବିନେଟ୍‌ ଢ଼ାଞ୍ଚାରେ ପରିବର୍ତ୍ତନ ହୋଇଛି । ଏଣିକି ସଚିବମାନେ ପୂର୍ବ ଭଳି ପାୱାରଫୁଲ ରହିବେ ନାହିଁ । ଅର୍ଥାତ୍, ସଚିବଙ୍କଠାରୁ ମନ୍ତ୍ରୀଙ୍କ କ୍ଷମତା ଅଧିକ ରହିବ । ମନ୍ତ୍ରୀଙ୍କ ନିର୍ଦ୍ଦେଶରେ କାମ କରିବେ ସଚିବ ।  ପୂର୍ବ ସରକାର ଭଳି ମନ୍ତ୍ରୀଙ୍କୁ ଗୌଣ କରାଯାଇ ସଚିବଙ୍କୁ ଅଧିକ ଗୁରୁତ୍ୱ ଦିଆଯିବ ନାହିଁ ।  କ୍ୟାବିନେଟ୍ ସଂପର୍କରେ ସଂସଦୀୟ ବ୍ୟାପାର ବିଭାଗ ପକ୍ଷରୁ ଏକ ନିର୍ଦ୍ଦେଶନାମା ଜାରି ହୋଇଛି । ସବୁ ବିଭାଗକୁ ଏନେଇ ସଂସଦୀୟ ବ୍ୟାପାର ସଚିବ  ଚିଠି ଲେଖିଛନ୍ତି। ୫ ଦିନ ପୂର୍ବରୁ କ୍ୟାବିନେଟ୍‌ ବୈଠକର  ତାରିଖ ଧାର୍ଯ୍ୟ ହେବ । 

#ସଚିବଙ୍କ_କ୍ଷମତା_ସଂକୁଚିତ
-ପରିବର୍ତ୍ତନ ହେଲା ରାଜ୍ୟ କ୍ୟାବିନେଟ୍‌ ଢ଼ାଞ୍ଚା
-କ୍ୟାବିନେଟ୍‌ ବୈଠକରେ ସଚିବଙ୍କ କ୍ଷମତା ସଂକୁଚିତ
-ମନ୍ତ୍ରୀଙ୍କ କ୍ଷମତା ବୃଦ୍ଧି ପାଇଁ ହେଲା ନିଷ୍ପତ୍ତି
-ସଂସଦୀୟ ବ୍ୟାପାର ବିଭାଗ ପକ୍ଷରୁ ନିର୍ଦ୍ଦେଶନାମା
-ସବୁ ବିଭାଗକୁ ଏନେଇ ଚିଠି ଲେଖିଲେ ସଂସଦୀୟ ସଚିବ
-୫ ଦିନ ପୂର୍ବରୁ ଚୂଡ଼ାନ୍ତ ହେବ କ୍ୟାବିନେଟ୍‌… pic.twitter.com/oJ1P2w7ct2

— ଓଟିଭି (@otvkhabar) May 20, 2025

ସେହିପରି ୩ ଦିନ ପୂର୍ବରୁ କ୍ୟାବିନେଟର ସମସ୍ତ ପ୍ରସ୍ତାବ ଚୂଡାନ୍ତ ହେବ । ଆଉ ୨ ଦିନ ପୂର୍ବରୁ କ୍ୟାବିନେଟ ପ୍ରସ୍ତାବ ମନ୍ତ୍ରୀଙ୍କ ପାଖକୁ ଯିବ । ମୁଖ୍ୟମନ୍ତ୍ରୀଙ୍କ ବିନା ଅନୁମତିରେ ବିଭାଗୀୟ କ୍ୟାବିନେଟ୍ ବସି ପାରିବ ନାହିଁ । କେବଳ ଆବଶ୍ୟକସ୍ଥଳେ ବିଭାଗୀୟ ସଚିବ କ୍ୟାବିନେଟ ରୁମକୁ ଯାଇପାରିବେ ।  ପାରିତ ପ୍ରସ୍ତାବକୁ ତୁରନ୍ତ କାର୍ଯ୍ୟକାରୀ କରିବା ଲାଗି ମନ୍ତ୍ରୀଙ୍କୁ ଦାୟିତ୍ବ ଦିଆଯାଇଛି । 

ଅଧିକ ପଢନ୍ତୁ : CJI ହୋଇ ପ୍ରଥମ ଥର ନିଜ ରାଜ୍ୟକୁ ଗଲେ ଗବାଇ, ସ୍ୱାଗତ ପାଇଁ ଆସିଲେନି ମୁଖ୍ୟ ଶାସନ ସଚିବ ଓ ଡିଜିପି