LIVE TV
୨୦୨୨ର OPSC ପରୀକ୍ଷାରେ କମାଲ୍ କଲେ ବଣ୍ଡାଘାଟି ଝିଅ । OPSC ପରିଚାଳିତ ଓଡ଼ିଶା ସିଭିଲ ସର୍ଭିସ ପରୀକ୍ଷାରେ ପ୍ରଥମ ଥର ପାଇଁ କୃତକାର୍ଯ୍ୟ ହୋଇ ଅଞ୍ଚଳରେ ଇତିହାସ ରଚିଛନ୍ତି ବଣ୍ଡାଘାଟିର ବିନି ମୁଦୁଲି । ବିନିଙ୍କ ବାପା ଆଶ୍ରମ ବିଦ୍ୟାଳୟର ରୋଷେୟା । ମା ଅଙ୍ଗନବାଡ଼ି କେନ୍ଦ୍ରରେ କାର୍ଯ୍ୟ କରନ୍ତି ।
ପିଲାବେଳୁ ଜଣେ ଅଫିସର ହେବା ପାଇଁ ଇଚ୍ଛା ରଖିଥିବା ବିନିଙ୍କ ପାଇଁ ଅର୍ଥ ସାଜିଥିଲା ବାଧକ । ବଣ୍ଡାଘାଟିର ପ୍ରାଥମିକ ବିଦ୍ୟାଳୟରୁ ପାଠପଢ଼ା ଆରମ୍ଭ କରି କ୍ରମେ ନବୋଦୟ ସ୍କୁଲରେ ଆଡମିଶନ କରିଥିଲେ । ସେଇଠି ପାଠପଢ଼ା ପରେ ଘରେ ରହି you tubeରୁ ଶିଖିଥିଲେ OPSC ପାଇବାର ଫର୍ମୁଲା ।
Also Read
୨୦୨୨ର OPSC ପରୀକ୍ଷାରେ କମାଲ୍ କଲେ ବଣ୍ଡାଘାଟି ଝିଅ। OPSC ପରିଚାଳିତ ଓଡ଼ିଶା ସିଭିଲ ସର୍ଭିସ ପରୀକ୍ଷାରେ ପ୍ରଥମ ଥର ପାଇଁ କୃତକାର୍ଯ୍ୟ ହୋଇ ଅଞ୍ଚଳରେ ଇତିହାସ ରଚିଛନ୍ତି ବଣ୍ଡାଘାଟିର ବିନି ମୁଦୁଲି।#BandaGhati #OAS #Malkangiri #BiniMuduli #OPSC #OTV pic.twitter.com/uMuipZrFGO
— ଓଟିଭି (@otvkhabar) October 20, 2024
କଠିନ ପରିଶ୍ରମ ଆଜି ତାଙ୍କୁ ଦେଇଛି ସଫଳତା । ଆଗାମୀ ଦିନରେ ଲୋକଙ୍କ ସେବା ସହ ଅଞ୍ଚଳର ବିକାଶ ଉପରେ ପ୍ରାଧାନ୍ୟ ଦେବାକୁ ମନସ୍ଥ କରିଥିବା କହିଛନ୍ତି ବିନି । ଗତକାଲି ୨୦୨୨ ଓଏଏସ୍ ରେଜଲ୍ଟ ପ୍ରକାଶ ପାଇଥିଲା । ମୋଟ୍ ୬୮୩ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଥିଲେ । ଟପ୍ ଟେନ୍ରେ ରହିଛନ୍ତି ୫ ମହିଳା ଓ ୫ ପୁରୁଷ । ଶ୍ୱେତାଶ୍ରୀ ମହାପାତ୍ର ଓଏଏସ୍ ଟପ୍ପର ହୋଇଛନ୍ତି ।
୧. ଶ୍ୱେତାଶ୍ରୀ ମହାପାତ୍ର
୨. ପ୍ରିଙ୍କିଲ ପରବୀନ ପରିଡ଼ା
୩. ଦୀପ୍ତିରଞ୍ଜନ ପତି ତୃତୀୟ
୪- ପ୍ରଜ୍ଞା ପାରଙ୍ଗମ
୫- ଆଜାଦ ସାହୁ
୬- ଦୀପମ ରାଉତ
୭- ଦେବବ୍ରତ ଗୌଡ଼
୮- ଆଦିତ୍ୟ ଦୀପଙ୍କର ଷଡ଼ଙ୍ଗୀ
୯- କପିଳ କୁମାର ମହାନ୍ତି
୧୦- ଅମ୍ରିତା ସାହୁ
ଓଟିଭିକୁ OAS ଟପ୍ପର ଶ୍ୱେତାଶ୍ରୀ ମହାପାତ୍ର ସୂଚନା ଦେଇ କହିଛନ୍ତି, ପ୍ରଥମ ଚେଷ୍ଟାରେ ସଫଳତା ପାଇ ବହୁତ ଖୁସି । କଠିନ ପରିଶ୍ରମ କଲେ ନିଶ୍ଚିତ ସଫଳତା ମିଳିବ ବୋଲି କହିଛନ୍ତି । ଦୈନିକ ୭ରୁ ୮ ଘଣ୍ଟା ପରିଶ୍ରମ କରୁଥିଲି । ଚାକିରି ଛାଡ଼ି OAS ପାଇଁ ପ୍ରସ୍ତତି କରୁଥିଲି । NIT ଦୁର୍ଗାପୁରରେ ବିଟେକ୍ ପରେ ଚେଷ୍ଟା କରିଥିଲି ବୋଲି କହିଛନ୍ତି ।
