BMC Office Violence: ଜଗନ୍ନାଥଙ୍କ ଯୁକ୍ତି, ସବୁ ଆମ ପରିବାର, ପୋଲିସ ନେବ ଆକ୍ସନ

ସମଗ୍ର ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ । ଏହା ହେବାର କଥା ନୁହେଁ, ହୋଇଛି; ଏହା ନିନ୍ଦନୀୟ ବୋଲି ସେ କହିଛନ୍ତି । ଏଭଳି ଘଟଣାକୁ କେହି ଘଣ୍ଟ ଘୋଡ଼ାଇବେ ନାହିଁ । ଆମ ସରକାର ଲୋକଙ୍କ ସରକାର, ଅପେକ୍ଷା କରନ୍ତୁ ବୋଲି କହିଛନ୍ତି ଜଗନ୍ନାଥ ।

ବିଏମସି ଅଫିସରେ ଅତିରିକ୍ତ କମିଶନର ରତ୍ନାକର ସାହୁଙ୍କୁ ଘୋଷାଡି ଘୋଷାଡି ମାଡ଼ ମରାଯିବା ଘଟଣାରେ ପ୍ରତିକ୍ରିୟା ରଖିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ । ଜଗା ଭାଇଙ୍କ ସହ କଥା ହୋଇଥିଲେ କି ବୋଲି ପଚାରି ମାଡ଼ ମାରିଥିଲେ ଦୁର୍ବୃତ୍ତ । ଆପଣ ତାଙ୍କୁ କିଛି ମିସବିହେଭ୍ କରିଥିଲେ କି ବୋଲି ମଧ୍ୟ ପଚାରିଥିଲେ । ଏହି ଅଭିଯୁକ୍ତମାନେ ବିଜେପି ନେତା ଜଗନ୍ନାଥ ପ୍ରଧାନଙ୍କ ସମର୍ଥକ ବୋଲି କୁହାଯାଉଛି ।

ବିଜେପି ନେତା ଜଗନ୍ନାଥ ପ୍ରଧାନ ଏହି ଘଟଣା ଉପରେ କହିଛନ୍ତି, ଏହି ଘଟଣା ନିନ୍ଦନୀୟ । ସେମାନଙ୍କ ଭିତରୁ ଜଣେ ଦୁଇ ଜଣଙ୍କୁ ମୁଁ ଜାଣିଛି । ସେମାନଙ୍କୁ ଡାକି ଘଟଣା ବିଷୟରେ କଥା ହୋଇଛି ବୋଲି କହିଛନ୍ତି । ଏହି ଦୁଇ ଜଣ ଆପଣଙ୍କ ପିଲା କି ପଚରାଯିବାରୁ ଜଗନ୍ନାଥ କହିଛନ୍ତି, ଆମର ବିଜେପି ସରକାର ହେଉଛି ଲୋକଙ୍କ ସରକାର । ଅତିରିକ୍ତ କମିଶନର କଣ ଆମର ନୁହଁନ୍ତି ବୋଲି ପାଲଟା ପ୍ରଶ୍ନ କରିଛନ୍ତି ଜଗନ୍ନାଥ ପ୍ରଧାନ । ସେ କହିଛନ୍ତି, ମୋ ପିଲା କହିଲେ ହେବନି, ଆମକୁ ଆଡମିଟ୍ କରିବାକୁ ପଡିବ ।

ବିଜେପି ଆମ ପରିବାର । ଏଇଟା ଲୋକଙ୍କ ସରକାର, ଆମ ପରିବାରର ସରକାର ଚାଲିଛି ବୋଲି କହିଛନ୍ତି ଜଗନ୍ନାଥ । ଏହି ଘଟଣା ସଂପର୍କରେ ଜଗନ୍ନାଥ ପୋଲିସ ସହ କଥା ହୋଇଥିବାର କହିଛନ୍ତି । ପୋଲିସ ଆକ୍ସନ ନେବ । କେଉଁ କଥାକୁ ନେଇ ଏ ଘଟଣା ଘଟିଲା ବୋଲି ପଚରାଯିବାରୁ ସେ କହିଛନ୍ତି, ଖା ଭୁଞ୍ଜ୍ ଗିଳି କୁ ନେଇ ଏମିତି ଘଟିଛି ବୋଲି ଜଗନ୍ନାଥ କହିଛନ୍ତି । ତେବେ ଯାହା ଘଟିଛି ଘଟିଛି, ଆଗକୁ ଏମିତି ଆଉ ଘଟିବ ନାହିଁ, ତାହା ଉପରେ ତାଙ୍କ ପ୍ରତିକ୍ରିୟା ପଚରାଯାଇଥିଲା । ସେ କହିଥିଲେ, ଆଗକୁ କଣ ଘଟିବ ତାହା କହି ହେବ ନାହିଁ । କିଛି ବି ଗ୍ୟାରେଣ୍ଟି ଦେଇ ହେବନି ବୋଲି କହିଛନ୍ତି ଜଗନ୍ନାଥ । ସବୁ କଥାର ରିପ୍ଲାଏ ଦେଇ ହେବନି ବୋଲି ସେ କହିଛନ୍ତି । ବିଜେଡିର ଇତିହାସ ସମସ୍ତେ ଜାଣିଛନ୍ତି, ସେମାନେ ଏବେ ନୂଆ ପ୍ରହସନ କରୁଥିବା ସେ କହିଛନ୍ତି ।

ଅଧିକ ପଢ଼ନ୍ତୁ : ଭୟଙ୍କର ଘଟଣା: ଅତିରିକ୍ତ କମିଶନରଙ୍କୁ ଘୋଷାଡ଼ି ଘୋଷାଡ଼ି ପିଟିଲେ...