Aadhaar Card: ଏଣିକି ସରକାରୀ ସୁବିଧା ପାଇଁ ‘ଆଧାର୍ କାର୍ଡ଼’ ବାଧ୍ୟତାମୂଳକ...

ଏଣିକି ରାଜ୍ୟରେ ସମସ୍ତ ପ୍ରକାରର ସରକାରୀ ସୁବିଧା ପାଇଁ ‘ଆଧାର୍ କାର୍ଡ଼’ ବାଧ୍ୟତାମୂଳକ। ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗ ବିଭିନ୍ନ ସରକାରୀ ପ୍ରମାଣପତ୍ର ପାଇବା ପାଇଁ ଆଧାରକୁ ବାଧ୍ୟତାମୂଳକ କରିଛି। ସେବା ପ୍ରଦାନକୁ ସୁଗମ କରିବା, ସ୍ୱଚ୍ଛତା ବୃଦ୍ଧି କରିବା ଏବଂ ପରିଚୟ ପ୍ରମାଣ ଭାବରେ ଆଧାର ମାଧ୍ୟମରେ ହିତାଧିକାରୀଙ୍କ ଯୋଗ୍ୟତା ଯାଞ୍ଚ କରି ସିଧାସଳଖ ଲାଭ ହସ୍ତାନ୍ତର ସୁନିଶ୍ଚିତ କରିବା ଲକ୍ଷ୍ୟ ରଖିଛି। 

ଜାତି, ଆୟ, ଆଇନଗତ ଉତ୍ତରାଧିକାରୀ, ଜମି ରେକର୍ଡ ଏବଂ ପଞ୍ଜିକରଣ ସହିତ ଜଡ଼ିତ ପ୍ରମାଣପତ୍ର ପାଇଁ ଆବେଦନ କରୁଥିବା ବ୍ୟକ୍ତିମାନଙ୍କୁ ଏବେ ସେମାନଙ୍କର ଆଧାର ନମ୍ବର ପ୍ରଦାନ କରିବାକୁ ପଡ଼ିବ। ଏହାକୁ ସହଜ କରିବା ପାଇଁ, ବିଭାଗ ଓଡ଼ିଶା କମ୍ପ୍ୟୁଟର ଆପ୍ଲିକେସନ୍ ସେଣ୍ଟର-ଓକାକ୍ ଏବଂ ଜାତୀୟ ସୂଚନା ବିଜ୍ଞାନ କେନ୍ଦ୍ର ମାଧ୍ୟମରେ ତଥା କୌଣସି କେନ୍ଦ୍ର ନଥିବା ଅଞ୍ଚଳରେ ଆଧାର ପଞ୍ଜୀକରଣ ସୁବିଧା ପ୍ରଦାନ କରିବ। 

ଅଧିକ ପଢ଼ନ୍ତୁ: ଲଣ୍ଡନ ଯିବା ସ୍ୱପ୍ନ ହୋଇଗଲା ଚୁରମାର; ଜଳିଗଲେ ବାପାମା’ ଓ ୩ ଛୁଆ

ଆଧାର ନମ୍ବର ନିର୍ଦ୍ଧାରିତ ନହେବା ପର୍ଯ୍ୟନ୍ତ, ଆବେଦନକାରୀମାନେ ସେମାନଙ୍କର ଆଧାର ପଞ୍ଜୀକରଣ ପରିଚୟ ସ୍ଲିପ୍ ସହିତ ପ୍ୟାନ୍ କାର୍ଡ, ପାସପୋର୍ଟ କିମ୍ବା ଭୋଟର ପରିଚୟପତ୍ର ଭଳି ଅନ୍ୟାନ୍ୟ ନିର୍ଦ୍ଦିଷ୍ଟ ଡକ୍ୟୁମେଣ୍ଟ ବ୍ୟବହାର କରିପାରିବେ ବୋଲି ବିଜ୍ଞପ୍ତିରେ ଦର୍ଶାଯାଇଛି।

ନିକଟରେ ଆଧାରକାର୍ଡକୁ ୟୁପିଆଇ ଭଳି କ୍ୟୁ ଆର୍ କୋଡ୍ ସ୍କାନ୍ କରିବା ମାତ୍ରେ ହେବ ସବୁ କାମ। ମୋବାଇଲ ଆପରେ ଫେସ୍ ଆଇଡି ଅଥଣ୍ଟିକେସନ୍ ସହ ସବୁ ତଥ୍ୟ ସୁରକ୍ଷିତ ଭାବେ ଜାଣିପାରିବେ। କେନ୍ଦ୍ର ସରକାର ଏକ ନୂଆ ଆଧାର ଆପ୍ ଆଣିଥିଲେ। କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ ନିଜେ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ଏହାର ସୂଚନା ଓ ବ୍ୟବହାର ସମ୍ପର୍କରେ କହିଥିଲେ । ନୂଆ ଆଧାର ଆପ୍ ଦ୍ବାରା ୟୁଜର ଏବେ ନିଜ ଇଛା ଅନୁସାରେ କେବଳ ଜରୁରୀ ତଥ୍ୟ ସେୟାର କରିପାରିବେ। ୟୁପିଆଇ ପେମେଣ୍ଟରେ କ୍ୟୁ ଆର୍ କୋଡ୍ ସ୍କାନ ଭଳି ସହଜ ହେବ ଆଧାର ଭେରିଫିକେସନ୍। ଏହି ପ୍ରକ୍ରିୟା ଶହେ ପ୍ରତିଶତ ଡିଜିଟାଲ୍ ଏବଂ ସୁରକ୍ଷିତ। ଆଧାର କାର୍ଡ ସହ ଜଡିତ ତଥ୍ୟ ଲିକ୍ ହୋଇପାରିବ ନାହିଁ।