ଭଦ୍ରକରେ ଝୁଲି ପଡ଼ିଲେ ଜଣେ ଯୁକ୍ତ ୩ ଛାତ୍ରୀ; ଘରୋଇ ମେସର ବାଥରୁମରୁ ମୃତଦେହ ଉଦ୍ଧାର

ଭଦ୍ରକରେ ଯୁକ୍ତ ୩ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର। ଏକ ଘରୋଇ ମେସର ବାଥରୁମରୁ ମୃତଦେହ ଉଦ୍ଧାର ହୋଇଛି। ମୃତ ଛାତ୍ରୀ ଭଦ୍ରକ ସ୍ବୟଂ ଶାସିତ ମହାବିଦ୍ୟାଳୟର ଯୁକ୍ତ-୩ ପ୍ରଥମ ବର୍ଷ ଛାତ୍ରୀ। ତାଙ୍କ ଘର ବାସୁଦେବପୁରରେ ହୋଇଥିବାବେଳେ ରାକ୍ଷୀ ପାଇଁ ଘରକୁ ଯାଇ ଗତକାଲି ଭଦ୍ରକ ଫେରିଥିଲେ। ଆଜି ସକାଳେ କ୍ଲାସ ଯାଇଥିଲେ। ସେଠାରୁ ଫେରି ରୁମରେ ଥିଲେ। ଏମିତି କଣ ହେଲା ଯେ ସେ ଜୀବନ ହାରିବାକୁ ନିଷ୍ପତ୍ତି ନେଲେ ଜଣା ପଡିନି। ଘଟଣାସ୍ଥଳରେ ଟାଉନ୍ ଥାନା ପୋଲିସ ଓ ଭଦ୍ରକ ଏସପି ପହଞ୍ଚି ତଦନ୍ତ କରୁଛନ୍ତି।