କେନ୍ଦ୍ର ସରକାରଙ୍କ ନୂଆ ପଦକ୍ଷେପ; ହ୍ୱାଟ୍ସଆପ୍‌ରେ ଡିଜିଟାଲ୍‌ ଲକର୍ ସେବା

ସରକାରୀ ସେବାର ସୁଯୋଗ ନେବାକୁ କେନ୍ଦ୍ର ସରକାର ଆଉ ଏକ ନୂଆ ପଦକ୍ଷେପ ଆରମ୍ଭ କରିଛନ୍ତି। ସାଧାରଣ ଜନତାଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସରକାର ଏକ ସ୍ୱତନ୍ତ୍ର ସୁବିଧା ଆରମ୍ଭ କରିଛନ୍ତି। MyGov କହିଛି ଯେ ବର୍ତ୍ତମାନଠାରୁ ଆପଣ ହ୍ୱାଟସ୍ ଆପ୍ ମାଧ୍ୟମରେ MyGov ହେଲ୍ପଡେସ୍କରେ ଡିଜିଲକର୍ ସେବା ବ୍ୟବହାର କରିପାରିବେ।

ସରକାରଙ୍କ ଦ୍ୱାରା ଆରମ୍ଭ ହୋଇଥିବା ଏହି ପଦକ୍ଷେପ ମାଧ୍ୟମରେ ଲୋକଙ୍କର ସରକାରୀ ସେବାରେ ପ୍ରବେଶ ଅଧିକ ସହଜ ହେବ। ଡିଜିଟାଲ୍‌ ଲକର୍, ଡିଜିଟାଲ୍ ଇଣ୍ଡିଆ କାର୍ଯ୍ୟକ୍ରମ ଅନ୍ତର୍ଗତ ଏକ ପ୍ରମୁଖ ପଦକ୍ଷେପ।

ଯେ ଡିଜିଲକର୍ ମାଧ୍ୟମରେ ଲୋକମାନେ ସେମାନଙ୍କର ସମସ୍ତ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟକୁ ଡିଜିଟାଲ୍ ୱାଲେଟ୍‌ରେ ସୁରକ୍ଷିତ ରଖିପାରିବେ। ଏହା ସହିତ, ଏହି ଡିଜିଟାଲ୍ ଫର୍ମାଟ୍‌ରେ ରଖାଯାଇଥିବା ସମସ୍ତ ଡକ୍ୟୁମେଣ୍ଟ୍ ସଂପୂର୍ଣ୍ଣ ପ୍ରାମାଣିକ ଏବଂ ବୈଧ ବୋଲି ବିବେଚନା କରାଯାଏ।

କୁହାଯାଇଛି ଯେ ହ୍ୱାଟସ୍ ଆପ୍‌ରେ MyGov ହେଲ୍ପଡେସ୍କ ମାଧ୍ୟମରେ ନାଗରିକମାନେ ଡିଜି ଲକର୍‌ ସେବାକୁ ଉପଭୋଗ କରିପାରିବେ। ହ୍ୱାଟସ୍ ଆପ୍‌ରେ MyGov ଦ୍ୱାରା ପ୍ରଦାନ କରାଯାଇଥିବା ଡିଜିଲକର୍ ଏକ ଗୁରୁତ୍ୱପୂର୍ଣ୍ଣ ନାଗରିକ ସେବା ହେବ।

ଏହି ସେବାଗୁଡିକରେ, ଡିଜି ଲକର୍ ଆକାଉଣ୍ଟ୍ ସୃଷ୍ଟି କରିବା ଏବଂ ପ୍ରାମାଣିକିକରଣ କରିବାକୁ ହେବ। ଏହା ସହିତ, ପାନ୍ କାର୍ଡ, ଡ୍ରାଇଭିଂ ଲାଇସେନ୍ସ, ଯାନ ପଞ୍ଜିକରଣ ପ୍ରମାଣପତ୍ର ପରି ଡକ୍ୟୁମେଣ୍ଟ ଡାଉନ୍‌ଲୋଡ୍ କରିବା ସାମିଲ ଅଛି। ସାରା ଦେଶରେ ହ୍ୱାଟସ୍ ଆପ୍ ବ୍ୟବହାରକାରୀମାନେ ହ୍ୱାଟସ୍ ଆପ୍ ନମ୍ବର +91 9013151515 କୁ 'ହେଲୋ' କିମ୍ବା 'ହାଏ' କିମ୍ବା 'ଡିଜିଲକର୍' ପଠାଇ ଏହାର ଫାଇଦା ନେଇପାରିବେ।

MyGovର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଅଭିଷେକ ସିଂ କହିଛନ୍ତି ଯେ ହ୍ୱାଟସ୍ଆପର ଏକ ସହଜ ପ୍ଲାଟ୍‌ଫର୍ମ ମାଧ୍ୟମରେ ନାଗରିକଙ୍କ ପାଇଁ ଅତ୍ୟାବଶ୍ୟକ ସେବା ଉପଲବ୍ଧ କରାଇବା ଏହି ପଦକ୍ଷେପର ଉଦ୍ଦେଶ୍ୟ। ଏହି ନୂଆ ପଦକ୍ଷେପ ଉପରେ ମନ୍ତବ୍ୟ ଦେଇ ହ୍ୱାଟସ୍ଆପ୍ ନିର୍ଦ୍ଦେଶକ ଶିବନାଥ ଠୁକ୍‌ରାଲ କହିଛନ୍ତି ଯେ ଦେଶକୁ ଡିଜିଟାଲ୍ ସଶକ୍ତିକରଣ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।