Onlineରେ ବାହାଘର, Zomatoରେ ଭୋଜି

ବିଶ୍ୱରେ କରୋନା ଏବେ ହଇଚଇ ସୃଷ୍ଟି କରି ରଖିଛି । କୋଭିଡ୍‌ ଗାଇଡ୍‌ଲାଇନ୍‌ ଯୋଗୁଁ ବିବାହରେ ମଧ୍ୟ ବିଶେଷ ପ୍ରଭାବ ପଡିଛି । ଏମିତି କି ଅନେକ ରାଜ୍ୟରେ ବିବାହ ସମ୍ବନ୍ଧରେ କରୋନା ନିର୍ଦ୍ଦେଶାବଳୀ ଜାରି କରାଯାଇଛି । ଯେଉଁଥିପାଇଁ ବିବାହକୁ ଆସୁଥିବା ଅତିଥି ଏବଂ ସମ୍ପର୍କୀୟଙ୍କ ସଂଖ୍ୟା ସୀମିତ ରଖାଯାଇଛି ।

କରୋନା କାଳରେ ଲୋକମାନେ ବିଭିନ୍ନ କାର୍ଯ୍ୟ ପାଇଁ ଅନ୍‌ଲାଇନ୍‌ ଉପରେ ନିର୍ଭର କରି ରହିଥାନ୍ତି । ଏମିତିକି ଏହାର ପ୍ରଭାବ ଅନଲାଇନ୍ ମିଟିଂ ଏବଂ ଅନଲାଇନ୍ କ୍ଲାସ୍ ମାଧ୍ୟମରେ ଦେଖାଯାଉଛି ଏବଂ ଲୋକମାନେ ନିଜ ଅଫିସ୍‌ କାମ ମଧ୍ୟ ୱର୍କ ଫର୍ମ ହୋମ୍‌ ମାଧ୍ୟମରେ କରୁଛନ୍ତି । ଯେଉଁଥିପାଇଁ କରୋନା ବୃଦ୍ଧି ହେବାର ଆଶଙ୍କା ମଧ୍ୟ କମିଯାଉଛି ।

ଏହି ସମୟରେ ପଶ୍ଚିମବଙ୍ଗର ଏକ ଦମ୍ପତି ସେମାନଙ୍କ ବିବାହ ପାଇଁ ସ୍ୱତନ୍ତ୍ର ଆୟୋଜନାର ପ୍ରସ୍ତୁତ କରି ନିଜ ବିବାହ ଉତ୍ସବକୁ ନିଆରା ଢ଼ଙ୍ଗରେ ପାଳନ କରିଛନ୍ତି । ଗତ ୨୪ ଜାନୁୟାରୀରେ ଉଭୟେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏଥିପାଇଁ କରୋନା ପ୍ରୋଟୋକଲ୍ ଅନୁସରଣ କରି ସେ ମୋଟ ୪୦୦ ଲୋକଙ୍କ ମଧ୍ୟରେ ତାଙ୍କ ବିବାହ ଉତ୍ସବ ପାଳନ କରୁଥିବା ଦେଖିବାକୁ ମିଳିଛି । ହେଲେ ଏଠାରେ ପ୍ରଶ୍ନ ଉଠୁଛି କି , ଯଦି ୪୦୦ ଲୋକଙ୍କ ମଧ୍ୟରେ ବିବାହ ହୁଏ ତେବେ ଏଠାରେ କୋଭିଡ୍ ପ୍ରୋଟୋକଲ୍ କେଉଁଠାରେ ଅନୁସରଣ କରାଯାଇଛି ?

ସୂଚନା ଅନୁସାରେ,ସାଣ୍ଡିପନ୍ ସାର୍କ ଏବଂ ଆଦିତ୍ୟ ଦାସଙ୍କ ବିବାହ ଗୁଗୁଲ୍ ମିଟ୍ ତଥା ଜୁମ୍‌ ଆପ୍‌ ମାଧ୍ୟମରେ ହୋଇଛି । ଯାହା ଅଧୀନରେ ତାଙ୍କ ଘରେ ହେବାକୁ ଥିବା ବିବାହରେ ସମୁଦାୟ ଶହେ ଲୋକ ଯୋଗଇଛନ୍ତି । ଏହାସ ଗୁଗୁଲ୍ ମିଟ୍‌ରେ ୩୦୦ ଅତିଥି ଯୋଗ ହେଦେଇଛନ୍ତି । ବିବାହରେ ଅତିଥିଙ୍କ ପାଇଁ ଜୋମାଟୋ ମାଧ୍ୟମରେ ସୁସ୍ୱାଦୁ ଖାଦ୍ୟ ବିତରଣ କରାଯାଇଛି । ନୂତନ ବିବାହିତ ଦମ୍ପତିଙ୍କୁ ଆଶୀର୍ବାଦ ଦେଇ ଅତି ଆନନ୍ଦରେ ଏହି ବିବାହ ଉତ୍ସବ ସମ୍ପୂର୍ଣ୍ଣ ହୋଇଛି । କୋଭିଡ୍‌ ଗାଇଡ୍‌ଲାଇନ୍‌ ମାନି ନିଜ ସମ୍ପର୍କୀୟଙ୍କ ସହ ଏକ ନିଆରା ବିବାହ କରି ଉଭୟ ଦମ୍ପତ୍ତି ଚର୍ଚ୍ଚାରେ ଆସିଛନ୍ତି ।