LIVE TV
ଉତ୍ତରପ୍ରଦେଶର କୌଶମ୍ବୀରେ ଏକ ନିର୍ବାଚନ ରାଲିରେ ଯୋଗ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କଂଗ୍ରେସ ଉପରେ କଡ଼ା ଟିପଣୀ ଦେଇଛନ୍ତି । ଅମିତ ଶାହ କହିଛନ୍ତି ଯେ, କଂଗ୍ରେସ ଚାହୁଁଛି ଆମେ ପାକିସ୍ତାନକୁ ସମ୍ମାନ କରୁ। ଏହି ନିର୍ବାଚନ ରାଲିକୁ ସମ୍ବୋଧିତ କରି ଅମିତ ଶାହ କହିଛନ୍ତି ଯେ ମଣିଶଙ୍କର ଆୟାର ଏବଂ ଫାରୁକ ଅବଦୁଲ୍ଲା କହିଛନ୍ତି ଯେ ପରମାଣୁ ବୋମା ଥିବାରୁ ପାକିସ୍ତାନକୁ ସମ୍ମାନ ଦିଅ, ପାକିସ୍ତାନ ଦଖଲ କରିଥିବା କାଶ୍ମୀର କଥା କୁହ ନାହିଁ। ତେବେ ଶାହ କହିଛନ୍ତି ‘ରାହୁଲ ବାବା, ଯଦି ଆପଣ ପରମାଣୁ ବୋମାକୁ ଡରିବାକୁ ଚାହାଁନ୍ତି, ତେବେ ଡରନ୍ତୁ। ଆମେ ଭୟଭୀତ ନୁହଁ। ପାକିସ୍ତାନ ଅଧିକୃତ କାଶ୍ମୀର ଭାରତର ଅଟେ ଏବଂ ଆମେ ଏହାକୁ ଫେରାଇ ଆଣିବୁ’ ବୋଲି କହିଛନ୍ତି ଶାହ ।
Also Read
ସେ ଆହୁରି କହିଛନ୍ତି କଂଗ୍ରେସ କାଶ୍ମୀରକୁ ବର୍ଷ ବର୍ଷ ଧରି ସାବତ ପୁଅ ପରି ରଖିଥିଲା । କିନ୍ତୁ ଆମେ ୨୦୧୯ ଅଗଷ୍ଟ ୫ରେ ଧାରା ୩୭୦ ରଦ୍ଦ କରିଥିଲୁ। ସେଠାରେ ଆତଙ୍କବାଦକୁ ସମାପ୍ତ କରି ଆମର ସୀମା ସୁରକ୍ଷିତ କରିଥିଲୁ । ଭୋଟ୍ ବ୍ୟାଙ୍କ ତୁଷ୍ଟିକରଣ ପାଇଁ କଂଗ୍ରେସ ଏବଂ ସମାଜବାଦୀ ପାର୍ଟିକୁ ସମାଲୋଚନା କରି ଅମିତ ଶାହ କହିଛନ୍ତି ଯେ ‘ଏହି ରାଜନୈତିକ ପାର୍ଟି ଭବ୍ୟ ରାମ ମନ୍ଦିର ନିର୍ମାଣକୁ ୭୦ ବର୍ଷ ବିଳମ୍ବ କରିଛନ୍ତି । ଆମେ ତାଙ୍କୁ ମନ୍ଦିରର ଉଦଘାଟନ ପାଇଁ ନିମନ୍ତ୍ରଣ କରିଥିଲୁ, କିନ୍ତୁ ଭୋଟ୍ ବ୍ୟାଙ୍କ ଯୋଗୁଁ ସେ ଆସି ନ ଥିଲେ। ସେମାନଙ୍କର ଭୋଟ୍ ବ୍ୟାଙ୍କ ହିଁ କାଶୀ ବିଶ୍ୱନାଥ ମନ୍ଦିରକୁ ଭାଙ୍ଗି ଦେଇଥିଲା ଏବଂ ମୋଦୀ ଜୀ ଏହାକୁ ପୁନଃନିର୍ମାଣ କରିଥିଲେ ।
ଗୃହମନ୍ତ୍ରୀ ଲୋକମାନଙ୍କୁ ପଚାରିଥିଲେ ଯେ ଯଦି ଇଣ୍ଡିଆ ବ୍ଲକ୍ ନିର୍ବାଚନରେ ଜିତିବ ତେବେ ସେମାନଙ୍କର ପ୍ରଧାନମନ୍ତ୍ରୀ କିଏ ହେବେ ? ଶରଦ ପାୱାର, ମମତା ବାନାର୍ଜୀ, ଉଦ୍ଧବ ଠାକରେ, ଷ୍ଟାଲିନ ହେବ ନା ରାହୁଲ ବାବା ? ଯଦି କରୋନା ପୁଣି ଫେରି ଆସେ ତେବେ ଲୋକମାନଙ୍କୁ କିଏ ରକ୍ଷା କରିବ? ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହିଁ ଥିଲେ, ଯିଏ ୧୩୦ କୋଟି ଲୋକଙ୍କୁ ଟୀକାକରଣ କରାଯିବା ପାଇଁ ସୁନିଶ୍ଚିତ କରିଥିଲେ । ଯେତେବେଳେ ଟୀକାକରଣ ଆରମ୍ଭ ହେଲା, ଅଖିଳେଶ ଯାଦବ କହିଥିଲେ ଯେ ଏହା ମୋଦିଙ୍କ ଟିକା, କିନ୍ତୁ ପରେ ଚୁପ୍ ଚାପ୍ ନିଜ ଅନ୍ଧାରରେ ନିଜ ପତ୍ନୀଙ୍କ ସହ ଟୀକାକରଣ କରିବାକୁ ଯାଇଥିଲେ ।
ଅମିତ ଶାହା ଆହୁରି ମଧ୍ୟ କହିଛନ୍ତି ଯେ ସପା ଶାସନକାଳରେ ଲ୍ୟାଣ୍ଡ ମାଫିଆ ସକ୍ରିୟ ଥିଲା, କିନ୍ତୁ ଯୋଗୀ ଆଦିତ୍ୟନାଥ ମାଫିଆଙ୍କୁ ରାଜ୍ୟ ବାହାରକୁ ଫିଙ୍ଗି ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ କଂଗ୍ରେସ ସର୍ବଦା ଡକ୍ଟର BR ଆମ୍ବେଦକରଙ୍କୁ ଅପମାନିତ କରିଆସୁଛି, କିନ୍ତୁ ଆମ୍ବେଦକରଙ୍କ ସହ ଜଡିତ ସମସ୍ତ ସ୍ଥାନ ପୁନଃନିର୍ମାଣ କରିବାକୁ ପ୍ରଧାନମନ୍ତ୍ରୀ ମୋଦି ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି ଗୃହମନ୍ତ୍ରୀ ଅମିତ ଶାହ ।
