କୋଲକାତା ଗଲେ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀ: ଭୁବନେଶ୍ୱର ଏମସରୁ ବିମାନବନ୍ଦର ନେଲା ଇଡିର ଟିମ୍

ଭୁବନେଶ୍ୱର ଏମ୍ସ ସଂପୂର୍ଣ୍ଣ ଫିଟ୍ ସାର୍ଟିଫିକେଟ୍ ଦେବା ପରେ କୋଲକାତା ଗଲେ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀ । ଆଜି ଭୋରରୁ ତାଙ୍କୁ ଇଡିର ଟିମ୍ ଭୁବନେଶ୍ୱର ଏମସରୁ ବିମାନବନ୍ଦର ନେଇଥିଲା । ପରେ ବିମାନ ଯୋଗେ କୋଲକାତା ଯାଇଥିବା ଜଣାପଡିଛି ।

Odisha | West Bengal Minister & former Education Minister Partha Chatterjee reaches Bhubaneswar airport, after being discharged from AIIMS there.

He's being taken to the CGO complex in Kolkata as ED custody was ordered for him till 3rd August. pic.twitter.com/n2MbWOlbj1

— ANI (@ANI) July 26, 2022

ଇଡି ଜେରା ଟାଳିବାକୁ ସ୍ବାସ୍ଥ୍ୟ ସମସ୍ୟାକୁ ଆଳ କରିଥିଲେ ପାର୍ଥ । ମାତ୍ର ଏମଏସରେ ପରୀକ୍ଷା ନିରୀକ୍ଷା ପରେ ତାଙ୍କର ଫନ୍ଦିଫିକରରେ ପାଣି ଫେରିଯାଇଥିଲା । ଶିକ୍ଷକ ନିଯୁକ୍ତି ସ୍କାମରେ ପାର୍ଥଙ୍କୁ ଇଡି ଗିରଫ କରିଥିବାବେଳେ ଦେହ ଅସୁସ୍ଥ ଥିବା ଦର୍ଶାଇ ସେ କୋଲକାତା ହସପିଟାଲରେ ଭର୍ତ୍ତି ହୋଇଥିଲେ । ମାତ୍ର ଇଡି ଏହାକୁ ଚ୍ୟାଲେଞ୍ଜ କରିବା ପରେ ଭୁବନଶ୍ୱର ଏମ୍ସରେ ସ୍ୱାସ୍ଥ୍ୟ ପରୀକ୍ଷା ପାଇଁ କଲିକତା ହାଇକୋର୍ଟ ନିର୍ଦ୍ଦେଶ ଦେଇଥିଲେ । ପଶ୍ଚିମବଙ୍ଗରେ ସରକାରୀ ଶିକ୍ଷକ ନିଯୁକ୍ତି ଦୁର୍ନୀତି ଲିଙ୍କରେ ସମ୍ପର୍କୀୟ ଅର୍ପିତା ମୁଖାର୍ଜୀଙ୍କ ଘରୁ ୨୧ କୋଟି ଟଙ୍କା ଜବତ ପରେ ପାର୍ଥ ଚାଟାର୍ଜୀଙ୍କୁ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଏହା ପରେ ତାଙ୍କୁ ରିମାଣ୍ଡରେ ନେଇଥିଲା ଇଡି ।

West Bengal minister Partha Chatterjee reaches Odisha airport, after being discharged from AIIMS

Read @ANI Story | https://t.co/5y7xfLeMqV#Odisha #ParthaChatterjee #WestBengalSSCscam pic.twitter.com/yZ2FDJs632

— ANI Digital (@ani_digital) July 26, 2022

ସୂଚନା ଅନୁସାରେ, ଗତ ଶନିବାର ଦିନ ଇଡି ଶିକ୍ଷକ ନିଯୁକ୍ତି ସ୍କାମକୁ ନେଇ ପାର୍ଥ ଓ ତାଙ୍କ ସହଯୋଗୀ ତଥା ଓଡ଼ିଆ ଫିଲ୍ମରେ ଅଭିନୟ କରିଥିବା ଅଭିନେତ୍ରୀ ଅର୍ପିତା ମୁଖାର୍ଜୀଙ୍କୁ ଗିରଫ କରିଥିଲା । ଏହାସହ ଇଡି ଅର୍ପିତାଙ୍କ ଆପାର୍ଟମେଣ୍ଟରୁ ନଗଦ ୨୦ କୋଟି ଟଙ୍କା ଜବତ କରିଥିଲା । ଏହାକୁ ନେଇ ବିଜେପି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଥିବା ବେଳେ ଟିଏମସୀ ନିଜ ହାତ ଝାଡି ଦେଇଛି । ଏମିତିକି ଗିରଫ ହେବାପରେ ପାର୍ଥ ବିଳମ୍ବିତ ରାତିରେ ମମତାଙ୍କୁ ୩ ଥର ଫୋନ କରିଥିଲେ ମଧ୍ୟ ଦିଦି ଫୋନ୍ ଉଠାଇ ନ ଥିବା କୁହାଯାଉଛି ।

ଶିକ୍ଷକ ନିଯୁକ୍ତି ସ୍କାମ୍ ମନି ଲଣ୍ଡରିଂ ମାମଲାକୁ ନେଇ ଗିରଫ ପାର୍ଥ ଇଡି ଜେରା ଟାଳିବା ଉଦ୍ଦେଶ୍ୟରେ ତାଙ୍କ ସ୍ୱାସ୍ଥ୍ୟ ଭଲ ନଥିବା ଆଳ ଦେଖାଇଥିଲେ । ଏପରିକି କୋଲକାତାର SSKM ହସପିଟାଲରେ ଭର୍ତ୍ତି ହୋଇଥିଲେ । ହେଲେ ଇଡି ଏହାକୁ ହାଇକୋର୍ଟରେ ଚ୍ୟାଲେଞ୍ଚ କରିଥିଲା । ଆବେଦନର ବିଚାର କରି ଇଡି ଜେରାରୁ ବର୍ତ୍ତିବା ଲାଗି ପାର୍ଥ ସ୍ୱାସ୍ଥ୍ୟ ସମସ୍ୟାକୁ ଢାଲ କରୁଥିବା କୋର୍ଟ ଅନୁଭବ କରିବା ସହ ତାଙ୍କୁ ଭର୍ତ୍ସନା ବି କରିଥିଲେ । ପାର୍ଥ ଜଣେ କ୍ଷମତାଶାଳୀ ମନ୍ତ୍ରୀ ହୋଇଥିବା ଦର୍ଶାଇ କୋକାତା ବଦଳରେ ଭୁବନେଶ୍ୱର ଏମ୍ସରେ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଇବାକୁ ହୋଇକୋର୍ଟ ନିର୍ଦ୍ଦେଶ ଦେଇଥିଲେ । କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ମୁତାବକ, ଆଜି ସକାଳେ ପାର୍ଥଙ୍କୁ ଏୟାର ଆମ୍ବୁଲାନ୍ସ ଯୋଗେ ଭୁବନେଶ୍ୱର ଏମ୍ସ ଅଣାଯାଇଥିଲା ।

OTV is now on Whatsapp

Join and get latest news update delivered to you via whatsapp

Join Now