ବୁଲା କୁକୁରଙ୍କ ଆକ୍ରମଣରେ ପରାଗ ଦେଶାଇଙ୍କ ମୃତ୍ୟୁ

ବୁଲା କୁକୁରଙ୍କ ଆକ୍ରମଣରେ ଚାଲିଗଲା ଜୀବନ । କୁକୁର ଆକ୍ରମଣରେ ଗୁରୁତର ହୋଇ ଚିକିତ୍ସିତ ହେଉଥିବା ୱାଗ ବକରୀ ଚା’ କମ୍ପାନୀର ଏକ୍ସିକ୍ୟୁଟିଭ୍ ଡାଇରେକଟର ପରାଗ ଦେଶାଇଙ୍କ ମୃତ୍ୟୁ ହୋଇଛି । ଗତ ୧୫ ତାରିଖ ଦିନ ପରାଗଙ୍କୁ ବୁଲା କୁକୁରମାନେ ଆକ୍ରମଣ କରିଥିଲେ । କୁକୁର ମାନଙ୍କ ଆକ୍ରମଣରେ ପରାଗ ଦେଶାଇ ଗୁରୁତର ହୋଇଥିଲେ ।

ପରେ ଘଟଣାସ୍ଥଳରୁ ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଚିକିତ୍ସା ଚାଲିଥିବା ବେଳେ ତାଙ୍କର ମୃତ୍ୟୁ ହୋଇଥିବା ସୂଚନା ଦିଆଯାଇଛି । ସୂଚନା ଅନୁସାରେ ଗତ ୧୫ ତାରିଖରେ ନିଜ ଅହମଦାବାଦ୍ ସ୍ଥିତ ବାସଭବନକୁ ଯିବାବେଳେ କିଛି ବୁଲା କୁକୁର ହାବୁଡରେ ପଡ଼ିଥିଲେ ପରାଗ ଦେଶାଇ ।

ବୁଲା କୁକୁରମାନେ ତାଙ୍କୁ ଆକ୍ରମଣ କେରିବା ସହ ଲହୁଲୁହାଣ କେରିଥିଲେ । ଫଳରେ ସେ ଗୁରୁତର ହୋଇଥିଲେ । ପରେ ତାଙ୍କୁ ସଲବାଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏକ ସପ୍ତାହ ଧରି ଚିକିତ୍ସା ଚାଲିଥିବାବେଳେ ଗତକାଲି ବିଳମ୍ବିତ ରାତିରେ ବ୍ରେନ ହାମରେଜ୍ ହେବାରୁ ତାଙ୍କର ପରଲୋକ ହୋଇଛି । ପରାଗ ଦେଶାଇ ଦେଶର ଚା ପତି ଉଦ୍ୟୋଗର ଜଣେ ପ୍ରତିଷ୍ଠିତ ବ୍ୟବସାୟୀ ରାସେସ ଦେଶାଇଙ୍କ ପୁଅ ।