LIVE TV
ପୁଣି ବିମାନ ଭିତରେ ଯାତ୍ରୀଙ୍କ ଦୁର୍ବ୍ୟବହାର । ବିମାନ ବିଳମ୍ବ କାରଣରୁ ପାଇଲଟକୁ ପିଟିଲେ ଜଣେ ଯାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ଇଣ୍ଡିଗୋ ବିମାନରେ । ବିମାନଟି ବିଳମ୍ୱରେ ଉଡାଣ କରିବା ନେଇ ଘୋଷଣା କରିଥିଲେ ପାଇଲଟ୍ । ହେଲେ ଏଥିରେ ଉତ୍ତକ୍ଷୀପ୍ତ ହୋଇ ଜଣେ ଯାତ୍ରୀ ସିଧା ପାଇଲଟଙ୍କ ନିକଟକୁ ଯାଇ ତାଙ୍କୁ ଚାପୁଡା ମାରିଥିଲେ । ବିମାନ ପରିଚାରିକା ସଂପୃକ୍ତ ଯାତ୍ରୀଙ୍କ ଏଥିରୁ ନିବୃତ୍ତ କରିବା ସହ ଘଟଣାରେ କ୍ଷୋଭ ପ୍ରକାଶ କରିଛନ୍ତି ।
ଦେଖନ୍ତୁ କିଭଳି ହଳଦିଆ ଡ୍ରେସ ପିନ୍ଧିଥିବା ଯୁବକ ଜଣଙ୍କ ନିଜ ସିଟରୁ ଉଠି ପାଇଲଟଙ୍କୁ ନିକଟକୁ ଯାଉଛନ୍ତି । ଆଉ ତାପରେ ନିର୍ଧୂମ ମାଡ ମାରି ଚାଲିଛନ୍ତି । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ହେଲେ ଏହା କେଉଁ ସ୍ଥାନରେ ଓ କେବେ ତାହା ସ୍ପଷ୍ଟ ହୋଇନି ।
Also Read
A passenger punched an Indigo capt in the aircraft as he was making delay announcement. The guy ran up from the last row and punched the new Capt who replaced the previous crew who crossed FDTL. Unbelievable ! @DGCAIndia @MoCA_GoI pic.twitter.com/SkdlpWbaDd
— Capt_Ck (@Capt_Ck) January 14, 2024
ଇଣ୍ଡିଗୋ ବିମାନ (6E-2175) ଦିଲ୍ଲୀରୁ ଗୋଆ ଅଭିମୁଖେ ଯାତ୍ରା କରିବାରେ ଥିଲା । ହେଲେ ଖରାପ ପାଗ ବା କୁହୁଡ଼ି ଯୋଗୁଁ ଉଡ଼ାଣ ଭରିବାରେ ବିଳମ୍ବ ହୋଇଥିଲା । ଯାହାକୁ ନେଇ ଯାତ୍ରୀ ଜଣକ ଖୁବ୍ ରାଗିଯିବା ସହ ପାଇଲଟ୍ଙ୍କୁ ମାଡ଼ ମାରିଥିବା ଜଣା ପଡ଼ିଛି । ଯାତ୍ରୀ ଜଣକଙ୍କ ନାଁ ସାହିଲ କାଟାରାୟା ବୋଲି ଜଣାପଡିଛି । ତେବେ ତାଙ୍କ ବିରୋଧରେ ଅଭିଯୋଗ ହୋଇଛି । ଅଭିଯୋଗ ଅନୁସାରେ ତଦନ୍ତ ମଧ୍ୟ ଜାରି ରହିଛି ।
ତେବେ ଭାଇରାଲ ହେଉଥିବା ଏହି ଭିଡିଓକୁ ନେଇ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଲାଗି ରହିଛି । ଅନେକ ୟୁଜର୍ସ ଏହି ଘଟଣାକୁ ନାପସନ୍ଦ କରିବା ସହିତ ଏହାକୁ ନିନ୍ଦା କରିଛନ୍ତି । କିଛି ୟୁଜର୍ସ ନିଜର ମତାମତ ମଧ୍ୟ ଦେଇଥିବା ଦେଖିବାକୁ ମିଳିଛି ।
