୨ରୁ ୬ ବର୍ଷର ପିଲାମାନଙ୍କ ପାଇଁ ଟିକା ପରୀକ୍ଷା ଜାରି

ନୂଆଦିଲ୍ଲୀ : କରୋନାଭାଇରସର ତୃତୀୟ ଲହର ଭୟ ମଧ୍ୟରେ ପିଲାମାନଙ୍କ ପାଇଁ ଟିକା ଉପରେ ଚାଲିଥିବା ପରୀକ୍ଷାକୁ ନେଇ ଏକ ଖୁସି ଖବର ଆସିଛି। ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଆସନ୍ତା ସପ୍ତାହ ସୁଦ୍ଧା ପରୀକ୍ଷାରେ ଜଡିତ ୬ ରୁ ୧୨ ବର୍ଷର ପିଲାମାନଙ୍କୁ କୋଭାକ୍ସିନ୍‌ର ଦ୍ୱିତୀୟ ଡୋଜ୍ ଦିଆଯାଇପାରିବ। ଭାରତ ବାୟୋଟେକ୍‌ର ଏହି ଟିକା ପରୀକ୍ଷା AIIMS ରେ ଚାଲିଛି। ଏହି ପରୀକ୍ଷଣରେ ଭାଗ ନେଇଥିବା ୬ ରୁ ୧୨ ବର୍ଷ ବୟସର ପିଲାମାନଙ୍କୁ କୋଭାକ୍ସିନ୍‌ର ପ୍ରଥମ ଡୋଜ୍‌ ଦିଆଯାଇଛି।

ଏଥି ସହିତ, ଆସନ୍ତା ସପ୍ତାହରେ, ଏହି ପରୀକ୍ଷଣରେ ଜଡିତ ୨-୬ ବର୍ଷ ବୟସର ପିଲାମାନଙ୍କୁ ଦ୍ୱିତୀୟ ଟିକା ଦିଆଯିବ। ଏହାପୂର୍ବରୁ AIIMS ନିର୍ଦ୍ଦେଶକ ଡ. ରଣଦୀପ ଗୁଲେରିଆ ଆଶା କରିଥିଲେ ଯେ ସେପ୍ଟେମ୍ବର ସୁଦ୍ଧା ପିଲାମାନଙ୍କ ପାଇଁ ଏହି ଟିକା ଉପଲବ୍ଧ ହେବ। ତୃତୀୟ ଲହରର ଚେତାବନୀ ମଧ୍ୟରେ, ମେ ୧୨ ରେ ବିଷୟ ବିଶେଷଜ୍ଞ କମିଟି ପିଲାମାନଙ୍କ ଉପରେ କୋଭାକ୍ସିନ୍‌ର୍ ପରୀକ୍ଷା କରିବାକୁ ପରାମର୍ଶ ଦେଇଥିଲେ। ଗମ୍ଭୀରତା ଏବଂ ପରିସ୍ଥିତିକୁ ଅନୁଧ୍ୟାନ କରି ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI) ଏହି ପରୀକ୍ଷାକୁ ଅନୁମୋଦନ କରିଥିଲା।

Also Read

ସାଂଘାତିକ ବର୍ଷା, ରାତିରୁ ସକାଳ ଯାଏ ବର୍ଷିଲା ! ଅବସ୍ଥା ବେହାଲ..

ଭାରତୀୟ ରେଳବାଇର ସଫଳତା : ଯାତ୍ରୀଙ୍କ ସେବାରେ ଭିସ୍ତାଡୋମ୍ କୋଚ୍‌

ଅଗଷ୍ଟ ୨୭ରେ ଓଏଏସ୍ ପ୍ରିଲିମ୍ ପରୀକ୍ଷା

ଏହି ସପ୍ତାହ ପୂର୍ବରୁ, କେନ୍ଦ୍ର ସରକାର ଦିଲ୍ଲୀ ହାଇକୋର୍ଟଙ୍କୁ ସୂଚନା ଦେଇଥିଲେ ଯେ ୧୮ ବର୍ଷରୁ କମ୍ ପିଲାମାନଙ୍କ ପାଇଁ କୋଭିଡ୍-୧୯ ଟିକା ମାନବ ପରୀକ୍ଷା ଶେଷ ହେବାକୁ ଯାଉଛି। ଗୁଜୁରାଟଭିତ୍ତିକ ଫାର୍ମାସ୍ୟୁଟିକାଲ୍ କମ୍ପାନୀ ଜାୟଡସ୍ କ୍ୟାଡିଲା ତରଫରୁ କୁହାଯାଇଛି ଯେ ୧୨ ବର୍ଷରୁ ଅଧିକ ବୟସ୍କଙ୍କ ପାଇଁ ଏହାକୁ ପରୀକ୍ଷା କରାଯାଇଛି, ତେବେ ଏହାକୁ ୧୮ ବର୍ଷ ବୟସ ପର୍ଯ୍ୟନ୍ତ ପିଲାମାନଙ୍କୁ ଦିଆଯାଇପାରିବ।

ଜୁଲାଇ ୧ ରେ, ଫାର୍ମାସ୍ୟୁଟିକାଲ୍ କମ୍ପାନୀ ଜାୟଡସ୍ କ୍ୟାଡିଲା କୋଭିଡ -୧୯ ଟିକା ZyCoV-D (ତିନୋଟି ଡୋଜ)ର ଜରୁରୀକାଳୀନ ବ୍ୟବହାର ପାଇଁ ଡ୍ରଗ୍ କଣ୍ଟ୍ରୋଲର ଜେନେରାଲଙ୍କ ଆଗରେ ଦାବି କରିଥିଲା। ସେ ଦୁଇ ଡୋଜ୍‌ ଟିକା ମୂଲ୍ୟାଙ୍କନର ତଥ୍ୟ ଉପସ୍ଥାପନ କରିଥିଲେ। ଏହି ତଥ୍ୟ ୨୮୦୦୦ ସ୍ୱେଚ୍ଛାସେବୀମାନଙ୍କ ଉପରେ କରାଯାଇଥିବା ପର୍ଯ୍ୟାୟ-୩ ପରୀକ୍ଷଣର ଫଳାଫଳ ଥିଲା।

OTV is now on Whatsapp

Join and get latest news update delivered to you via whatsapp

Join Now