LIVE TV
ଉତ୍ତରାଖଣ୍ଡର ଉତ୍ତରକାଶୀ ଟନେଲର ୧୪ ଦିନ ହେଲା ଫସିଛନ୍ତି ୪୧ ଜଣ ଶ୍ରମିକ । ଉଦ୍ଧାର ପାଇଁ ଚାଲିଛି ପ୍ରାଣମୂର୍ଛା ଉଦ୍ୟମ । ତଥାପି ଶ୍ରମିକଙ୍କ ପାଖରେ ପହଞ୍ଚି ପାରୁନି ରେସ୍କ୍ୟୁ ଟିମ୍ । ଅଗର ମେସିନ୍ ସାହାଯ୍ୟରେ ଧସିଥିବା ମାଟିକୁ ଡ୍ରିଲ୍ କରି ଶ୍ରମିକଙ୍କ ନିକଟରେ ପହଞ୍ଚିବାକୁ ଉଦ୍ୟମ ଚଳାଇଛନ୍ତି ରେସ୍କ୍ୟୁ ଟିମ୍ । ହେଲେ ପୁଣି ବାଧକ ସାଜିଛି ଲୁହା ଛଡ଼ ।
ଅଗର ମେସିନ ଆଗରେ ଲୁହା ଛଡ଼ ପଡ଼ିବାରୁ ରେସ୍କୁ ଅପରେସନରେ ବାଧା ସୃଷ୍ଟି ହୋଇଛି । କେବଳ ଲୁହା ଛଡ଼ ନୁହେଁ, କିଛି ଧାତବ ପଦାର୍ଥ ପଡ଼ିବାରୁ ଅଗର ମେସିନ୍ ସାହାଯ୍ୟରେ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି । ତେଣୁ ହାତରେ ବ୍ୟବହୃତ କଟର ଜରିଆରେ ମାଟି ଖୋଳିବାକୁ ଯୋଜନା କରାଯାଉଛି ।
ଟନେଲ୍ ରେସ୍କ୍ୟୁକୁ ନେଇ ଏବେ ବଡ଼ ଅପଡେଟ୍ ସାମ୍ନାକୁ ଆସିଛି। ଅଗର୍ ମେସିନ୍ ବାରମ୍ବାର ଭାଙ୍ଗିବା ଯୋଗୁଁ ଏବେ ମାନୁଆଲରେ ଡ୍ରିଲିଂ ପାଇଁ ଯୋଜନା ପ୍ରସ୍ତୁତ ହୋଇଛି । ଓଟିଭିକୁ EXCLUSIVE ସୂଚନା ଦେଇଛନ୍ତି ଉତ୍ତରକାଶୀ NDRF ସେକେଣ୍ଡ ଇନ୍ କମାଣ୍ଡ ରବିଶଙ୍କର ବଦ୍ଧାନୀ#TunnelTragedy #Uttarkashi pic.twitter.com/X6Gv8I4NMM
— ଓଟିଭି (@otvkhabar) November 25, 2023
Also Read
ହାତ କଟରରେ ଖୋଳିବାକୁ ୧୮ରୁ ୨୪ ଘଣ୍ଟା ଲାଗିବ ବୋଲି ଆକଳନ କରାଯାଉଛି । ଅଗର ମେସିନ୍ ବାରମ୍ବାର ଫେଲ୍ ଯୋଗୁ ଭର୍ଟିକାଲ ଡ୍ରିଲିଂ ମେସିନ୍ ଅଣାଯାଇଛି ।ଟନେଲ ଉପରୁ ଡ୍ରିଲିଂ କରିବା ପାଇଁ ଯୋଜନା ଚାଲିଛି।
ଶ୍ରମିକଙ୍କ ପାଖରେ ପହଞ୍ଚିବାକୁ ଆଉ ମାତ୍ର ୧୦ରୁ ୧୨ ମିଟର ଦୂର ଥିବା ପୂର୍ବକୁ ସୂଚନା ଦିଆଯାଇଥିଲା । ତେବେ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହେଉଥିବାକୁ ଶ୍ରମିକଙ୍କ ପାଖରେ ପହଞ୍ଚିବା ବିଳମ୍ବ ହେଉଛି । ଟନେଲ୍ ବାହାରେ ଆମ୍ବୁଲାନସ୍ ଓ ମେଡିକାଲ୍ ଟିମ୍ ସଜାଗ ରହିଛି ।
ଶ୍ରମିକମାନେ ବାହାରିବା କ୍ଷଣି ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯିବ। ଗତ ୧୪ ଦିନ ଧରି ଚାଲିଛି ରେସ୍କ୍ୟୁ ଅପରେସନ୍ । ଟନେଲ୍ ତଳେ ଜୀବନ ବଞ୍ଚାଇବାକୁ ଚାଲିଛି ଉଦ୍ୟମ ।
