LIVE TV
ଅଚାନକ୍ ଫାଟିଲା ଜମି, ଆଉ ତା’ପରେ ଭୁସ୍ ଭୁସ୍ ହୋଇ ଉପରକୁ ଉଠିଲା ପାଣି । ପାଣିର ସ୍ରୋତ ଦେଖି ଲୋକେ ଭୟଭୀତ ହୋଇ ପଡ଼ିଥିଲେ । ମହାରାଷ୍ଟ୍ରର ୟବତମାଲରୁ ଏପରି ଏକ ଚକିତ କଲା ପରି ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେଉଛି । ରାସ୍ତା ଫଟାଇ ପାଣି ବାହାରିବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ୟବତମାଳର ଏକ ଛକ ନିକଟରେ ହଠାତ୍ ଏକ ଅଣ୍ଡରଗ୍ରାଉଣ୍ଡ ପାଇପଲାଇନର ବିସ୍ଫୋରଣ ହୋଇଥିଲା । ଦୁର୍ଭାଗ୍ୟବଶତଃ ସେହି ରାସ୍ତା ଦେଇ ଜଣେ ଯୁବତୀ ସ୍କୁଟିରେ ରାସ୍ତାରେ ଯାଉଥିଲେ, ଆଉ ପାଣିର ପ୍ରଖର ସ୍ରୋତରେ ସେ ଗଭୀର ଭାବରେ ଆହତ ହୋଇଛନ୍ତି ।
ମହାରାଷ୍ଟ୍ରର ୟବତମାଲରେ ଘଟିଛି ଘଟଣା । ଏଠାରେ ସହର ତଳ ଦେଇ ଯାଇଥିବା ଏକ ପାଇପ୍ ଲାଇନ୍ ହଠାତ୍ ଫାଟି ଯାଇଥିଲା । ରାସ୍ତା ଫାଟି ଜୋରରେ ପାଣି ବାହାରିବା ଭିଡିଓ ଅତ୍ୟନ୍ତ ଆଶ୍ଚର୍ଯ୍ୟଜନକ । ଏଥି ଯୋଗୁଁ ରାସ୍ତାର ଏକ ବଡ଼ ଅଂଶ ବାହାରକୁ ବାହାରି ଆସିଥିଲା । ପାଣିର ପ୍ରବଳ ସ୍ରୋତ ଭାରି ଭୟଙ୍କର ଦିଶୁଥିଲା । ଏହି ସମୟରେ ଜଣେ ଯୁବତୀ ସ୍କୁଟିରେ ସେହି ରାସ୍ତା ଦେଇ ଯାଉଥିଲେ, ଆଉ ସେ ପାଣିର ସ୍ରୋତରେ ଗଳି ପଡ଼ିଥିଲେ । ଏଥିରେ ସେ ଆହତ ହୋଇଥିବା ବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
Also Read
#WATCH महाराष्ट्र: यवतमाल के मेनडे चौक के पास अचानक भूमिगत पाइप लाइन फटने की घटना CCTV कैमरे में कैद हुई। पाइप लाइन फटने के दौरान एक युवती स्कूटी से वहां से गुजर रही थी। बताया जा रहा है कि इस घटना में युवती घायल हो गई है।
— ANI_HindiNews (@AHindinews) March 4, 2023
(सोर्स: CCTV) pic.twitter.com/1uZBMq75GK
ସୂଚନା ଅନୁସାରେ, ନିକଟରେ ସେହି ପାଇପ୍ ଲାଇନ୍ କାମ ଶେଷ ହୋଇଛି । ଏହି ପାଇପ ଲାଇନର କାମ ଅମୃତ ଯୋଜନା ଅନୁସାରେ କରାଯାଇଛି । ତେବେ ଅଳ୍ପ ଦିନ ଭିତରେ ପାଇପ୍ ଲାଇନ୍ ଫାଟି ଏପରି ଦୁର୍ଘଟଣା ଘଟିବା ପରେ କାମର କାମକୁ ନେଇ ପ୍ରଶ୍ନ ଉଠୁଛି । ଭାଇରାଲ ହେଉଥିବା ଭିଡିଓକୁ ଦେଖି ଅନେକ ପ୍ରକାରର ମନ୍ତବ୍ୟ ଆସୁଛି ।
