ଟିକେଟ କରି ମଧ୍ୟ ଚଢ଼ିପାରିଲେନି, ରାଗରେ ଭାଙ୍ଗିଦେଲେ ଟ୍ରେନ୍ ଝରକା; ଦେଖନ୍ତୁ ଭିଡିଓ

ଟିକେଟ କରି ମଧ୍ୟ ଟ୍ରେନରେ ଚଢ଼ିପାରିଲେନି ଯୁବକ । ରାଗରେ ଭାଙ୍ଗିଲେ ଟ୍ରେନ ଝରକାର କାଚ । ଏସି କୋଚରେ ଚଢ଼ିବାକୁ ଚେଷ୍ଟା କରୁଥିଲେ, କିନ୍ତୁ ଠିକ୍ ଟାଇମରେ ଚ୍ରେନ ଛାଡ଼ିଦେଲା । ଆଉ ଏହା ସହ ଟ୍ରେନର ଡୋର୍ ମଧ୍ୟ ବନ୍ଦ ହୋଇଗଲା । ଫଳରେ ଯାତ୍ରୀଜଣକ ଭୀଷଣ ଭାବେ ରାଗି ଯାଇଥିଲେ ଓ ଟ୍ରେନ ଝରକାର କାଚ ଭାଙ୍ଗି ଦେଇଥିଲେ ।

ଏହି ଘଟଣାଟି ପୂରା ଇଣ୍ଟରନେଟ୍ କୁ ଚକିତ କରି ଦେଇଛି । ସୋସିଆଲ ମିଡିଆ ସାଇଟ X ରେ ଏକ ଭିଡିଓଟି ପ୍ରବଳ ମାତ୍ରାରେ ଭାଇରାଲ ହେଉଛି । ଘର୍ କେ କଲେଶ ନାମକ ଏକ ଲୋକପ୍ରିୟ ଆକାଉଣ୍ଟ ଏହି ଭିଡିଓ ପୋଷ୍ଟ କରିଛି । ଏପ୍ରିଲ ୧୯ ତାରିଖରେ ସୋସିଆଲ ମିଡିଆରେ ଏହି ୩୨ ସେକେଣ୍ତର ଭିଡିଓଟି ପୋଷ୍ଟ ହୋଇଛି । ପୋଷ୍ଟର କ୍ୟାପସନ୍ ଅନୁଯାୟୀ ଘଟଣାଟି କଫିଆତ୍ ସୁପରଫାଷ୍ଟ ଏକ୍ସପ୍ରେସରେ ଘଟିଛି ।

ବ୍ୟକ୍ତି ଜଣକ ଟ୍ରେନରେ ଏସି ଟିକେଟ କାଟିଥିବା ବେଳେ, ଟିକେଟ କରିନଥିବା ଲୋକମାନେ ତାଙ୍କୁ ଚଢ଼େଇ ଦେଇନଥିଲେ । ଫଳରେ ବ୍ୟକ୍ତିଜଣକ ଭୀଷଣ ଭାବେ ରାଗି ଯାଇ ଟ୍ରେନର କାଚ ଭାଙ୍ଗି ଦେଇଥିଲେ । ଭିଡିଓରେ ଦେଖାଯାଉଛି ଯେ,ଟ୍ରେନର ଡୋର୍ ସାମ୍ନାରେ ପ୍ରବଳ ଲୋକ ରହିଛନ୍ତି ।

Kalesh b/w Passengers in india railway (train no. 12226 kaifiyaat SF express) over ye bande 3rd ac mai jiski seat reserved hai usko under nhi jaane de rahe so he broke the glass
pic.twitter.com/cBpZ5pFERb

— Ghar Ke Kalesh (@gharkekalesh) April 18, 2024

ସେ ସମୟରେ ବ୍ୟକ୍ତିଜଣକ ଡୋର୍ ଖୋଲିବାକୁ କହିଥିବା ବେଳେ, ଅନ୍ୟ ଯାତ୍ରୀମାନେ କହିଥିଲେ ଜାଗା ନାହିଁ । ଏଥିରେ ରାଗିଯାଇ କବାଟର କାଚ ଭାଙ୍ଗିଥିଲେ ଯୁବକ । ଫଳରେ ପରବର୍ତ୍ତୀ ସମୟରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା । ତେବେ ପ୍ରାୟ ଏକ ସପ୍ତାହ ପୂର୍ବରୁ କାଶୀ ଏକ୍ସପ୍ରେସର ଏସି-୨ କୋଚରେ ଯାତ୍ରା କରୁଥିବା ଜଣେ ଯାତ୍ରୀ ଏକ ଭିଡିଓ ପୋଷ୍ଟ କରିଥିଲେ ।

ସେଥିରେ ସେ କହିଥିଲେ, ବଗିରେ ଏସି କାମ କରୁନି, ଖାଦ୍ୟ କିମ୍ବା ଜଳ ମଧ୍ୟ ଦିଆଯାଉ ନାହିଁ । ଭାରତୀୟ ରେଳବାଇ ସହିତ ଜଡିତ ଅନ୍ୟ ଏକ ଘଟଣାରେ ଜଣେ ମହିଳା ବିନା ଟିକେଟରେ ଯାତ୍ରା କରୁଥିବା ବେଳେ ସହଯାତ୍ରୀଙ୍କ ସହ ଯୁକ୍ତିତର୍କ କରୁଥିବା ଭିଡିଓ ମଧ୍ୟ ଇଣ୍ଟରନେଟରେ ଭାଇରାଲ ହୋଇଛି ।

ମହିଳାଙ୍କର ଏପରି ଆଚରଣକୁ ଇଣ୍ଟରନେଟ ଘୃଣା କରିଛି । ଉକ୍ତ ଭିଡିଓରେ ସେ ଜବରଦଖଲ କରିଥିବା ଏକ ଆସନ ଖାଲି କରିବାକୁ ମନା କରିଦେଇଥିଲେ । ତେବେ ରେଳବାଇ ତୁରନ୍ତ ଉକ୍ତ ଭାଇରାଲ ଭିଡିଓର ଜବାବ ମଧ୍ୟ ରଖିଥିଲା ।