LIVE TV
ରାଜସ୍ଥାନ କୋଟାରେ କୋଚିଂ ପାଇଁ ଆସୁଥିବ ଛାତଛାତ୍ରୀଙ୍କ ଆତ୍ମହତ୍ୟା ବୃଦ୍ଧିକୁ ନେଇ ଚିନ୍ତାରେ ସରକାର। ଗତକାଲି ଗୋଟିଏ ଦିନରେ ଦୁଇ ଦୁଇଟି ଆତ୍ମହତ୍ୟା ସରକାରଙ୍କ ନିଦ ହଜାଇଛି । ଏହାକୁ ରୋକିବା ପାଇଁ ସରକାର ଭିନ୍ନ ଭିନ୍ନ ପଦକ୍ଷେପ । ଉଚ୍ଚ ଶିକ୍ଷା ବିକଗ ବୈଠକ ଡାକି କୋଚିଂ କ୍ଲାସମାନଙ୍କୁ ଏଥିପାଇଁ ନିର୍ଦ୍ଦେଶନାମା ଜାରି କରିଛି ।
ଆତ୍ମହତ୍ୟା ରୋକିବାକୁ ସରକାର ପ୍ରସ୍ତୁତ କରିଛନ୍ତି ଆକ୍ସନ ପ୍ଲାନ । ରାଜସ୍ଥାନର ଉଚ୍ଚ ଶିକ୍ଷା ଓ ବୈଷୟିକ ବିଭାଗର ପ୍ରିନ୍ସିପାଲ ସେକ୍ରେଟାରୀ ଭୱାନୀ ସିଂ ଦେଠାଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ କୋଟାର ସମସ୍ତ କୋଚିଂ ସେଣ୍ଟର କର୍ତ୍ତୃପକ୍ଷ ଉପସ୍ଥିତ ଥିଲେ । ନିଟ୍ ପାଇଁ ପ୍ରସ୍ତୁତି ଚଳାଇଥିବା ଛାତ୍ରଛାତ୍ରୀଙ୍କୁ ଚାପମୁକ୍ତ କରିବା ନିମନ୍ତେ ଏହି ଅନ ଲାଇନ୍ ମିଟିଂରେ ବହୁ ନିଷ୍ପତ୍ତି ନିଆଯାଇଛି ।
Also Read
ଏଥିମଧ୍ୟରେ ରହିଛି ସପ୍ତାହରେ ଗୋଟିଏ ଦିନ ଅଧା ପାଠପଢ଼ା- ଅଧା ଖେଳକୁଦ କରିବା, ଏହାର ପରବର୍ତ୍ତୀ ୨ ଦିନ ପର୍ଯ୍ୟନ୍ତ କୌଣସି ଟେଷ୍ଟ ନ କରିବା, ପିଲାମାନଙ୍କୁ ପ୍ରେରଣାଦାୟୀ ବାର୍ତ୍ତା ଦେବା ପାଇଁ ଅନଲାଇନ୍ ମୋଟିଭେସନାଲ କ୍ଲାସ୍ କରିବା, ଆତ୍ମହତ୍ୟା ପ୍ରବଣତା ଛାତ୍ରଛାତ୍ରୀଙ୍କୁ ଚିହ୍ନଟ କରି ସେମାନଙ୍କୁ ମନୋସ୍ତାତ୍ତ୍ୱିକ କାଉନସେଲିଂ କରିବା । ସେହିଭଳି ଆଗାମୀ ଦୁଇ ମାସ ଯାଏଁ କୋଚିଂ କେନ୍ଦ୍ରରେ କୌଣସି ଟେଷ୍ଟ ନକରିବାକୁ ନିର୍ଦ୍ଦେଶ ଦିଆଯାଇଛି ।
ବିଭିନ୍ନ ବିଷୟର ବିଶେଷଜ୍ଞଙ୍କୁ ନେଇ ଏକ କମିଟି ଗଠନ କରି ପିଲାଙ୍କ ଉପରୁ ପାଠପଢ଼ା ଚାପ କମ କରିବା ପାଇଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିବାକୁ କୋଚିଂ କେନ୍ଦ୍ରମାନଙ୍କୁ କୁହାଯାଇଛି । ଏହି କମିଟି ଆସନ୍ତା ୨ ତାରିଖରେ କୋଟା ପରିଦର୍ଶନରେ ଯାଇ ସିଧାସଳଖ ସମସ୍ୟା ବୁଝିବ ବୋଲି ନିଷ୍ପତ୍ତି ନିଆଯାଇଛି । ଏଥିସହ କୋଟାରେ ପିଲାଙ୍କ ନିମନ୍ତେ ଏକ ଥାନା ଗଠନ ନିମନ୍ତେ ପ୍ରସ୍ତାବ ଦିଆଯାଇଛି । ତେବେ ଛାତ୍ରଛାତ୍ରୀଙ୍କ ମଧ୍ୟର ବଢୁଥିବା ଆତ୍ମହତ୍ୟା ପାଇଁ କୋଚିଂ କେନ୍ଦ୍ରକୁ ଦାୟୀ କରିଛନ୍ତି ରଜସ୍ଥାନର ମନ୍ତ୍ରୀ ।
ଗତ ରବିବାର କୋଟାରେ ଏକ କୋଚିଂ ସେଣ୍ଟରରେ ପରୀକ୍ଷା ପରେ ୨ ଜଣ ଛାତ୍ର ଆତ୍ମହତ୍ୟା କରିଥିଲେ । ଏଥିସହିତ ଏପର୍ଯ୍ୟନ୍ତ କୋଟାରେ କୋଚିଂ ପାଇଁ ଆସୁଥିବା ୨୪ ଜଣ ଛାତ୍ରଛାତ୍ରୀ ଜୀବନ ହାରିସାରିଲେଣି । ଗତବର୍ଷ ମଧ୍ୟ ୨୩ ଜଣ ଛାତ୍ରଛାତ୍ରୀ ଆତ୍ମହତ୍ୟା କରିଥିଲେ । ରଜସ୍ଥାନର କୋଟା, ଦେଶର ଏକ କୋଚିଂ ହବ୍ ଭାବେ ପରିଗଣିତ ହେଉଛି ଯେଁଉଠାକୁ NEET ପରୀକ୍ଷା କୋଚିଂ ପାଇଁ ପ୍ରାୟ ୨ ଲକ୍ଷ ଛାତ୍ରଛାତ୍ରୀ ଆସିଥାନ୍ତି ।
