• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

ଆମ ଦେଶରେ ବାରମ୍ବାର ଏଭଳି ଘଟଣା ଏବେ ସାମ୍ନାକୁ ଆସୁଛି । ଅବିଶ୍ୱାସ କଲା ଭଳି ବିଭିନ୍ନ ଉପାୟରେ ଦେଶ ଭିତରକୁ ହ୍ରଗ୍ସ, ହେରୋଇନ୍‌, ବ୍ରାଉନ୍ ସୁଗର ଭଳି ନିଶାଦ୍ରବ୍ୟ ଆଦି ଚୋରା ଚାଲାଣ କରାଯାଉଛି । ତେବେ ପୁଣି ଏକ ଅଭିନବ ଢ଼ଙ୍ଗରେ ଦେଶ ଭିତରକୁ ହେରୋଇନ୍‌ ଆଣୁଥିବା ବେଳେ ବିମାନବନ୍ଦରରେ ଜଣଙ୍କୁ ଧରିଛି କଷ୍ଟମ ବିଭାଗ ।

ଉକ୍ତ ବ୍ୟକ୍ତି ଜଣକ ନିଜ ପେଟ ଭିତରେ ପାଖାପାଖି ୯ କୋଟି ଟଙ୍କାର ହେରୋଇନ୍‌ ଲୁଚାଇ ଆଣୁଥିଲା । ଯାହାର ଓଜନ ପ୍ରାୟ ଏକ କିଲୋ ୨୬୬ ଗ୍ରାମ ହେବ । ତାନ୍‌ଜାନିଆର ଏହି ବ୍ୟକ୍ତି ଚେନ୍ନାଇ ଇଣ୍ଟରନାସନାଲ ଏୟାରପୋର୍ଟରେ କଷ୍ଟମ ବିଭାଗ ହାତରେ ଧରାପଡ଼ିଛି । ତାକୁ ଅଟକ ରଖି ପଚରାଚରା କରିବା ବେଳେ ଅନେକ ତଥ୍ୟ ସାମ୍ନାକୁ ଆସିଛି । ସେ ୧୪ ଜୁଲାଇରେ ସହରକୁ ପ୍ରବେଶ କରିଛି । ସେ ୟୁଗାଣ୍ଡାର ଏଣ୍ଟେବ୍‌ରୁ ଇଥୋପିଆନ୍‌ ଏୟାରଲାଇନ୍‌ସ ଫ୍ଲାଇଟ୍‌ ନମ୍ବର ET335/692ରେ ଚେନ୍ନାଇରେ ପହଞ୍ଚିଥିଲା । କଷ୍ଟମ ବିଭାଗ ହାତରେ ଧରା ପଡ଼ିବା ପରେ ତା’ ପେଟରେ ଥିବା ସମସ୍ତ ହେରୋଇନ୍‌ ବାହାର କରାଯାଇଛି । ପେଟ ଭିତରେ ଛୋଟ ଛୋଟ କ୍ୟାପ୍‌ସୁଲ୍‌ ଦ୍ୱାରା ହେରୋଇନ୍‌ ଗୁଡ଼ିକ ପ୍ୟାକ୍‌ ହୋଇ ରହିଥିଲା ।

ସୂଚନାଯୋଗ୍ୟ, ଗତ ମେ’ ମାସରେ ମଧ୍ୟ ଚେନ୍ନାଇ କଷ୍ଟମ ବିଭାଗକୁ ଏଭଳି ଏକ ବଡ଼ ସଫଳତା ମିଳିଥିଲା । ପାଖାପାଖି ୫.୫୬ କୋଟି ଟଙ୍କାର ହେରୋଇନ୍‌ ଜବତ କରିଥିଲା କଷ୍ଟମ ବିଭାଗ । ଜଣକ ପେଟରୁ ହେରୋଇନ୍‌ର ଏଭଳି ୬୩ଟି କ୍ୟାପ୍‌ସୁଲ କଢ଼ାଯାଇଥିଲା ।