LIVE TV
ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀଙ୍କ ସମ୍ପର୍କରେ କହୁକହୁ ହଠାତ୍ ବନ୍ଦ ହୋଇଯାଇଥିଲା ମାଇକ୍ । ୩ ସେନାର ମୁଖ୍ୟ ତଥା ଦେଶର ପ୍ରଥମ ନାଗରିକ ଭାଷଣ ଦେବା ବେଳେ କଟିଯାଇଥିଲା ବିଜୁଳି । ମିନିଟ୍ କି ୨ ମିନିଟ୍ ନୁହେଁ ପୂରା ୯ ମିନିଟ୍ ପର୍ଯ୍ୟନ୍ତ କଟିଗଲା ଲାଇଟ୍ । ସ୍ଥିତି ଏମିତି ହୋଇଥିଲା ଯେ ଅନ୍ଧାରରେ ରାଷ୍ଟ୍ରପତିଙ୍କ ଛଡ଼ା ତାଙ୍କ ଅଙ୍ଗରକ୍ଷୀ ବି ଦେଖାଗଲେ ନାହିଁ ।
ରାଷ୍ଟ୍ରପତି ଅଭିଭାଷଣ ଦେଲାବେଳେ ଘଟିଲା ଲଜ୍ଜାକର ଘଟଣା
୯ ମିନିଟ୍ ଯାଏଁ କଟିଗଲା ଲାଇନ୍
ଦେଶର ପ୍ରଥମ ନାଗିରକଙ୍କ ସଭାରେ ଏଭଳି ବିଭ୍ରାଟ ହୋଇପାରିଲା କେମିତି?
Also Read
ଗୁରୁତର ବିଭ୍ରାଟ ପାଇଁ ଦାୟୀ କିଏ?
ଏତେ ବଡ଼ କାର୍ଯ୍ୟକ୍ରମ ଲାଗି ଦାୟିତ୍ବହୀନ ବ୍ୟବସ୍ଥା କାହିଁକି?
ବିକଳ୍ପ ବ୍ୟବସ୍ଥା କରାଯାଇନଥିଲା କାହିଁକି?
ଅଧିକ ପଢ଼ନ୍ତୁ: ରାଷ୍ଟ୍ରପତିଙ୍କ ଅଭିଭାଷଣ ବେଳେ ଚାଲିଗଲା ବିଜୁଳି: ବିଭ୍ରାଟକୁ ନେଇ IDCO-ଟାଟାପାୱାର ଦୋଷ ଲଦାଲଦି
ରାଷ୍ଟ୍ରପତିଙ୍କ ଅଭିଭାଷଣ ବେଳେ ବିଜୁଳି ଚାଲିଯିବା ଘଟଣାକୁ ନେଇ ପୂରା ରାଜ୍ୟରେ ଚର୍ଚ୍ଚା । ଏତେ ବଡ଼ କାର୍ଯ୍ୟକ୍ରମ ଆୟୋଜନ ହେବା ପରେ ବି ସଠିକ୍ ବ୍ୟବସ୍ଥା ହୋଇନଥିବା କାରଣରୁ ଅନ୍ଧାରରେ ଅଭିଭାଷଣ ରଖିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବ ବେଳେ ଏଭଳି ଭୟଙ୍କର ସମସ୍ୟା ଦେଖିବାକୁ ମିଳିଛି । ମଞ୍ଚରେ ଉପସ୍ଥିତ ଥିଲେ ରାଷ୍ଟ୍ରପତିଙ୍କ ସମେତ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ବିଶ୍ୱବିଦ୍ୟାଳୟର କୁଳପତି । ମିଳିଥିବା ସୂଚନା ଅନୁସାରେ ୧୧ଟା ୫୬ରୁ ୧୨ଟା ୫ ପର୍ଯ୍ୟନ୍ତ ପାୱାର ଟ୍ରିପ୍ ଥିଲା । ବିଜୁଳି ଚାଲିଯିବା ପରେ ଅଭିଭାଷଣରେ ରାଷ୍ଟ୍ରପତି କହିଥିଲେ ‘ଅନ୍ଧାର ଯେତିକି ଆଲୁଅ ସେତିକି ଏହି ଯେ ଗହନ ବନ’ ।
ତେବେ ଖୋଦ୍ ରାଷ୍ଟ୍ରପତି ଅଭିଭାଷଣ ଦେବା ପରେ ଏମିତି ଭୟଙ୍କର ଭୁଲ୍କୁ ସ୍ୱୀକାର କରିଛି ସୂଚନା ଓ ଲୋକ ସମ୍ପର୍କ ବିଭାଗ । ରାଷ୍ଟ୍ରପତିଙ୍କ କାର୍ଯ୍ୟକ୍ରମ ବେଳେ ହୋଇଥିବା ସାଙ୍ଘାତିକ୍ ଭୁଲ୍ ପାଇଁ କ୍ଷମା ପ୍ରାର୍ଥନା କରିଛି । ସେପଟେ ବିଶ୍ୱବିଦ୍ୟାଳୟ ପରିସରରେ ଘଟିଥିବା ଏମିତି ଘଟଣାକୁ ନେଇ ମୁହଁ ଖୋଲିଛନ୍ତି କୁଳପତି । MSCBU କୁଳପତି ପ୍ରଫେସର ସନ୍ତୋଷ ତ୍ରିପାଠୀ କ୍ଷମା ପ୍ରାର୍ଥନା କରିବା ସହିତ ଏଭଳି ତ୍ରୁଟି ପାଇଁ ମୁଁ ନିଜେ ନିଜକୁ ଦାୟୀ କରୁଛି ବୋଲି କହିଥିଲେ । ଏହାସହ ବିଲଡିଂ ଇଡକୋ ତିଆରି କରିଥିଲା, ଜେନେରେଟର ବି ସଜାଡ଼ିଥିଲା । ଡେଡିକେଟେଡ ଜେନେରେଟର ଥିଲା, ସେଇଟା ବି କାମ ଦେଲାନି । ଆମକୁ ଏଥିପାଇଁ ଲଜ୍ଜିତ ହେବାକୁ ପଡ଼ିଲା, ଦୁଃଖ ପ୍ରକାଶ କରୁଛି ବୋଲି କହିଛନ୍ତି କୁଳପତି ।
ସେପଟେ, ଆମର କିଛି ଦୋଷ ନାହିଁ କହିଥିଲା ବିଦ୍ୟୁତ ବିତରଣ କଂପାନୀ । ଓଟିଭିକୁ TPNODL ସିଇଓ ଭାସ୍କର ସରକାର ପ୍ରତିକ୍ରିୟା ଦେଇ କହିଥିଲେ, ଆମ ପକ୍ଷରୁ କୌଣସି ସମସ୍ୟା ନଥିଲା । ବିଦ୍ୟୁତ୍ ଯୋଗାଣ ଠିକ୍ ଥିଲା । ରୁମର କେବଳ ଲାଇଟ୍ ପଳେଇଥିଲା, ଏସି ମାଇକ୍ ଚାଲିଥିଲା । ଇଣ୍ଟରନାଲ୍ ଓୟାରିଂରେ ସମସ୍ୟା ଥିଲା , ତାହା ଇଡକୋ ଅଧିନ ବୋଲି କହିଲେ ସିଇଓ । ତେବେ ରାଷ୍ଟ୍ରପତିଙ୍କ କାର୍ଯ୍ୟକ୍ରମ ପୂର୍ବରୁ ସବୁ ବିଭାଗ ଅବଗତ ଥିଲେ, ଜିଲ୍ଲାର ସବୁ ପ୍ରଶାସନିକ ଅଧିକାରୀମାନେ ଗସ୍ତକୁ ତ୍ୱିରାନ୍ୱିତ ବି କରିଥିଲେ । ହେଲେ ଏହାପରେ ବି ଏମିତି ଭୁଲ୍ ପାଇଁ ଆଜି ଦେଶରେ ରାଜ୍ୟ ନିନ୍ଦିତ ହୋଇଛି ବୋଲି କହିଲେଣି ବୁଦ୍ଧିଜୀବୀ ।
