ଦେଶର ସବୁଠାରୁ ଧନୀ ଗାଁ ମଧାପର : ୭,୬୦୦ ଘର, ୧୭ ବ୍ୟାଙ୍କ

ଭାରତରେ ଏପରି ଏକ ଗାଁ ଅଛି ଯେଉଁଠି ୭,୬୦୦ ପରିବାର ରହୁଛନ୍ତି। ପ୍ରତ୍ୟେକ ଘର ଗୋଟିଏରୁ ଆରକ। ବ୍ୟାଙ୍କ ବ୍ୟବସାୟୀଙ୍କ ପାଇଁ ଏହି ଗାଁ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେଥିପାଇଁ ଏହି ଗାଁରେ ୨ଟି କି ୪ଟି ନୁହେଁ, ଏଠାରେ ୧୭ଟି ବ୍ୟାଙ୍କ ଅଛି। ଏହି ବ୍ୟାଙ୍କଗୁଡିକରେ ମୋଟା ରକମର ଜମା ମଧ୍ୟ ହୋଇଥାଏ। ଏହି ଗାଁର ଲୋକଙ୍କର କେବଳ ଲଣ୍ଡନ ସହିତ ଏକ ବିଶେଷ ସଂଯୋଗ ନାହିଁ, ବରଂ ଏଠାକାର ଅଧାରୁ ଅଧିକ ଲୋକ ଲଣ୍ଡନ ଓ ୟୁରୋପରେ ରୁହନ୍ତି। ଏହା ଏତେ ସମୃଦ୍ଧ ଗ୍ରାମ ଯେ ପୃଥିବୀର ବିଭିନ୍ନ ସ୍ଥାନରୁ ଲୋକମାନେ ଏହାକୁ ଦେଖିବାକୁ ଆସନ୍ତି।

ଧନୀ ଗାଁ ମଧାପର

ଏହି ଗାଁ ଗୁଜୁରାଟ ପ୍ରଦେଶର ହୋଇଥିବା ବେଳେ ଏହାର ନାମ ମଧାପର। ଗାଁର ଅଧାରୁ ଅଧିକ ଲୋକ ଲଣ୍ଡନରେ ରୁହନ୍ତି। ଆପଣ ହୁଏତ ଶୁଣି ନ ଥିବେ ଭାରତର କୌଣସି ଗାଁର ଲୋକମାନେ ବିଦେଶରେ ନିଜ ନିଜର କ୍ଲବ ଗଠନ କରିଛନ୍ତି। କିନ୍ତୁ ଏହି ଗାଁର ଲୋକମାନେ ଲଣ୍ଡନରେ ନିଜସ୍ୱ କ୍ଲବ ଗଠନ କରିଛନ୍ତି, ଯାହାର ଏକ କାର୍ଯ୍ୟାଳୟ ମଧ୍ୟ ଅଛି।

Also Read

ଇତିହାସ ପାଲଟିବ ସାତଭାୟା : ମା ପଞ୍ଚୁ ବରାହୀଙ୍କ ମନ୍ଦିର ଦେଖି ପାରିବେନି ଆଗାମୀ ପୀଢ଼ି

ଥାନାରେ ଓକିଲଙ୍କୁ ଥାର୍ଡ଼ ଡିଗ୍ରୀ ଅଭିଯୋଗ

ସଫଳତା ପଛରେ ରହିଛି ହୃଦୟଥରା ସଂଘର୍ଷର କାହାଣୀ, ଅଲିମ୍ପିକ୍ସରେ ଭାଗ ନେବା ନଥିଲା ସହଜ କଥା

୧୯୬୮ ମସିହାରେ ଲଣ୍ଡନରେ ମାଧାପର୍ ଭିଲେଜ୍ ଆସୋସିଏସନ୍ ନାମକ ଏକ ସଂଗଠନ ଗଠନ କରାଯାଇଥିଲା। ଏହି କାର୍ଯ୍ୟାଳୟ ଏଥିପାଇଁ ଖୋଲା ଯାଇଥିଲା ଯେ ଯାହା ଦ୍ୱାରା ବ୍ରିଟେନରେ ରହୁଥିବା ମାଧପର୍ ଗାଁର ସମସ୍ତ ଲୋକ କିଛି ସାମାଜିକ କାର୍ଯ୍ୟକ୍ରମର ବାହାନାରେ ପରସ୍ପରକୁ ଭେଟି ପାରିବେ। ସେହିଭଳି ଗାଁରେ ଏକ କାର୍ଯ୍ୟାଳୟ ଖୋଲା ଯାଇଥିଲା ଯାହାଦ୍ୱାରା ଏହା ଲଣ୍ଡନ ସହିତ ସିଧାସଳଖ ସଂଯୋଗ କରିପାରିବ।

ଏହି ଗାଁରେ ଥିବା ୧୭ଟି ବ୍ୟାଙ୍କ ସବୁ ଜଣାଶୁଣା ବ୍ୟାଙ୍କର ଶାଖା। ଏଥିରେ ୫,୦୦୦ କୋଟି ଟଙ୍କା ଜମା ହୋଇଛି। ସାଧାରଣତଃ ଏଠାରୁ ଲୋକମାନେ ଭାରତର ଅନ୍ୟ ସହରକୁ ଯିବା ଅପେକ୍ଷା କେନିଆ, ଲଣ୍ଡନ, କାନାଡା, ଆମେରିକା, କେନିଆ, ଉଗାଣ୍ଡା, ମୋଜାମ୍ବିକ, ଦକ୍ଷିଣ ଆଫ୍ରିକା ଏବଂ ତାଞ୍ଜାନିଆକୁ ଯାଇଥିଲେ। ପରେ ସେମାନେ ସେଠାରେ ସ୍ଥାୟୀ ହୋଇଗଲେ।

ସବୁଠୁ ବଡ କଥା ହେଲା ଲୋକମାନେ ଏହି ଗାଁରୁ ବାହାରକୁ ଯାଇଥିଲେ କିନ୍ତୁ ଗାଁକୁ ଭୁଲି ନ ଥିଲେ। ଗାଁ ସହିତ ସେମାନଙ୍କ ସମ୍ପର୍କ ସର୍ବଦା ରହିଲା। ମଧାପର୍ ଗାଁର ଲୋକମାନେ ବିଦେଶରୁ ଟଙ୍କା ରୋଜଗାର କରି ଗାଁରେ ଜମା କରନ୍ତି। ଏହି ଗାଁର ପ୍ରତ୍ୟେକ ଘରୁ ଅତି କମରେ ୨ ଜଣ ବିଦେଶରେ ରୁହନ୍ତି।

ଧନୀ ଗାଁ ମଧାପର

ଗୁଜୁରାଟର କଚ୍ଛ ଜିଲ୍ଲାର ଏହି ଗାଁରେ ହିନ୍ଦୀ ଓ ଇଂରାଜୀ ମାଧ୍ୟମ ପ୍ଲେ ସ୍କୁଲ୍ ଠାରୁ ଇଣ୍ଟର୍‌ କଲେଜ ପର୍ଯ୍ୟନ୍ତ ସବୁ ଅଛି। ଗାଁର ନିଜସ୍ୱ ସପିଂ ମଲ୍ ଅଛି, ଯେଉଁଠାରେ ସାରା ବିଶ୍ୱରୁ ବଡ ବ୍ରାଣ୍ଡ୍‌ ରହିଛି। ଗାଁରେ ପୋଖରୀ ଅଛି ଏବଂ ପିଲାମାନେ ଗାଧୋଇବା ପାଇଁ ଏକ ଚମତ୍କାର ସୁଇମିଂ ପୁଲ୍ ମଧ୍ୟ ଅଛି।

ଏହି ଗାଁର ଲୋକମାନେ ଏବେ ମଧ୍ୟ ଚାଷ କାର୍ଯ୍ୟ କରୁଛନ୍ତି, କେହି ସେମାନଙ୍କ ଚାଷ ଜମି ବିକ୍ରି କରି ନାହାଁନ୍ତି। ଏହି ଗାଁରେ ଏକ ଅତ୍ୟାଧୁନିକ ଗୋଶାଳା ମଧ୍ୟ ଅଛି। ଏହି ଗାଁରେ ଅତ୍ୟାଧୁନିକ ସୁବିଧା ଥିବା ଏକ ସ୍ୱାସ୍ଥ୍ୟ କେନ୍ଦ୍ର ରହିଛି। ଗାଁର ନିଜସ୍ୱ କମ୍ୟୁନିଟି ହଲ୍ ଅଛି। ଗାଁର ଡାକଘରେ ୨୦୦ କୋଟି ଟଙ୍କା ସ୍ଥିର ଜମା ମଧ୍ୟ ଅଛି।

OTV is now on Whatsapp

Join and get latest news update delivered to you via whatsapp

Join Now