LIVE TV
ଉଦଘା୍ଟିତ ହୋଇଛି ଦେଶର ପ୍ରଥମ ହଇଡ୍ରୋଜେନ୍ ଏନର୍ଜି ବୋଟ୍ । ତାମିଲନାଡୁ କୋଏମ୍ବାଟୁର କୁମାରାଗୁ ଇଜିନିୟରିଂ କଲେଜର ଛାତ୍ରଛାତ୍ରୀମାନେ ଏହାକୁ ନିର୍ମିତ କରିଛନ୍ତି । ଦେଶରେ ଏହା ପ୍ରଥମ ବୋଟ୍ ଯାହାକି ହାଇଡ୍ରୋଜେନ୍ ଗ୍ୟାସରେ ଚାଲିବ ବୋଲି ଛାତ୍ରଛାତ୍ରୀମାନ ଦାବି କରିଛନ୍ତି। କଲେଜର ‘ସି ଶକ୍ତି’ ଟିମ୍ର ୧୦ ଜଣିଆ ସଦସ୍ୟ ଏହି ବୋଟର ନିର୍ମାଣ ଓ ଡିଜାଇନ କରିଛନ୍ତି।
Also Read
ବୋଟ ନିର୍ମାଣରେ ୧୫ରୁ ୧୮ ଲକ୍ଷ ଟଙ୍କା ଖର୍ଚ୍ଚ କରାଯାଇଛି । ଏହା ସଂପୂର୍ଣ୍ଣ ଭାବେ ପେଟ୍ରୋଲ ଓ ଡିଜେଲ ବିହୀନ ବୋଟ । ୨ କିଲୋୱାଟ ହାଇଡ୍ରୋଜେନ୍ ଫୁଏଲ ସେଲ ସହ ୮.୪ କିଲୋୱାଟ୍ ଲିଥିୟମ୍ ବ୍ୟାଟରୀ ଦ୍ୱାରା ଏହା ପରିଚାଳିତ । ଏଥିରେ ପରିବେଶ ପ୍ରଦୂଷଣର ଭୟ ନଥିବାବେଳେ ବିଭିନ୍ନ ରେସିଂ ପ୍ରତିଯୋଗିତାରେ ଏହା ସହଜରେ ଟ୍ରାକ ଉପରେ ବିନା ବାଧାରେ ଚାଲିପାରିବ ।
ଆସନ୍ତା ଜୁଲାଇ ପ୍ରଥମ ସପ୍ତାହରେ ମୋନାକୋ ଏନର୍ଜି ବୋଟ ଚ୍ୟାଲେଞ୍ଜ ପ୍ରତିଯୋଗିତାରେ ଭାରତ ପକ୍ଷରୁ ‘ସି ଶକ୍ତି’ ଟିମ୍ ଭାରତ ପାଇଁ ପ୍ରତିନିଧିତ୍ୱ କରିବେ । ପ୍ରତିଯୋଗିତାରେ ବିଶ୍ୱର ୧୦ଟି ଦେଶରୁ ୧୭ଟି ଟିମ୍ ଅଶଂ ଗ୍ରହଣ କରିବେ । ଗତ ସପ୍ତାହରେ ଏହି ବୋଟର ଟ୍ରାଏଲ କରାଯାଇଥିଲା । ପରେ ସଫଳତାର ସହ ଏହା ଭାରତ ପାଇଁ ପ୍ରତିନିଧିତ୍ୱ କରିବ ବୋଲି ବିବେଚିତ ହୋଇଥିଲା । ଆଗାମୀ ଦିନରେ ଏହି ଏନେର୍ଜି ବୋଟକୁ ନୌସେନାରେ ସାମିଲ କରିବାର ବ୍ୟବସ୍ଥା କରାଯିବ ବୋଲି ନୌସେନା ଅଧିକାରୀ କହିଛନ୍ତି ।
