ଚାଲିଗଲେ ବୈଜ୍ଞାନିକ ତନୁ ପଦ୍ମନାଭନ୍

ପୁଣେ : ଜଣାଶୁଣା ବୈଜ୍ଞାନିକ ତନୁ ପଦ୍ମନାଭନ୍‌ଙ୍କ ପରଲୋକ। ଶୁକ୍ରବାର ପୁଣେରେ ହୃଦଘାତରେ ମୃତ୍ୟୁବରଣ କରିଛନ୍ତି। ତାଙ୍କର ଜଣେ ପୂର୍ବତନ ସହକର୍ମୀ ଏହି ସୂଚନା ଦେଇଛନ୍ତି। ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ହୋଇଥିଲା। ସୂଚନା ମୁତାବକ ହୃଦଘାତରେ ପୀଡ଼ିତ ହେବା ପରେ ପଦ୍ମନାଭନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ସେ ଚିକିତ୍ସା ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ପରିବାରରେ ତାଙ୍କ ପତ୍ନୀଙ୍କ ସହିତ ଗୋଟିଏ ଝିଅ ଅଛନ୍ତି। ଇଣ୍ଟର-ୟୁନିଭର୍ସିଟି ସେଣ୍ଟର ଫର୍‌ ଜ୍ୟୋତିର୍ବିଜ୍ଞାନ(IUCAA) ର ପ୍ରଫେସର ପଦ୍ମନାଭନ୍ ବ୍ରହ୍ମାଣ୍ଡରେ ମାଧ୍ୟାକର୍ଷଣ ଏବଂ ଏହାର ସଂରଚନା ଉପରେ ଗବେଷଣା କରିଥିଲେ।

ତନୁ ପଦ୍ମନାଭନ୍ ଅନ୍ତର୍ଜାତୀୟ ପତ୍ରିକାରେ ୩୦୦ରୁ ଅଧିକ ଲେଖା ତଥା ଅନେକ ପୁସ୍ତକ ଲେଖିଥିଲେ ଏବଂ କ୍ୱାଣ୍ଟମ୍ ମାଧ୍ୟାକର୍ଷଣର ଉପରେ ବିଭିନ୍ନ ଗବେଷଣା କରିଥିଲେ। IUCAA ନିର୍ଦ୍ଦେଶକ ସୋମକ ରାୟଚୌଧୁରୀ ପଦ୍ମନାଭନଙ୍କ ମୃତ୍ୟୁ ବିଷୟରେ ସୂଚନା ସୋସିଆଲ ମିଡିଆରେ ସେୟାର କରିଛନ୍ତି। କେନ୍ଦ୍ର ସରକାରଙ୍କ ମୁଖ୍ୟ ବୈଜ୍ଞାନିକ ପରାମର୍ଶଦାତା କେ. ବିଜୟ ରାଘବନ ଟ୍ୱିଟ୍‌ କରି ପ୍ରସିଦ୍ଧ ବୈଜ୍ଞାନିକ ପଦ୍ମନାଭନଙ୍କ ମୃତ୍ୟୁକୁ ସମବେଦନା ଜଣାଇଛନ୍ତି।

Also Read

“ଆଫଗାନୀସ୍ତାନରେ ମହିଳାଙ୍କ ସୁରକ୍ଷା ସବୁଠୁ ବଡ଼ ଚିନ୍ତାର କାରଣ”

ଦୁନିଆର ବିପଦପୂର୍ଣ୍ଣ ପୋଲ; ଜୀବନ ଛଡେଇ ପାରିହେବାକୁ ପଡେ

ମୋଦୀଙ୍କ ଜନ୍ମଦିନରେ ରେକର୍ଡ : ଦିନକରେ ଦୁଇ କୋଟି ଟିକାକରଣ

ପଦ୍ମନାଭନ୍ ତାତ୍ତ୍ୱିକ ପଦାର୍ଥ ବିଜ୍ଞାନ, ବ୍ରହ୍ମାଣ୍ଡ ବିଜ୍ଞାନ, ମାଧ୍ୟାକର୍ଷଣ, ବ୍ରହ୍ମାଣ୍ଡର ସଂରଚନା ଏବଂ କ୍ୱାଣ୍ଟମ୍ ମାଧ୍ୟାକର୍ଷଣ କ୍ଷେତ୍ରରେ ଦଶଟି ପୁସ୍ତକ ପ୍ରକାଶ କରିଥିଲେ। ସେ ବ୍ରହ୍ମାଣ୍ଡରେ ଅନ୍ଧକାର ଶକ୍ତିର ବିଶ୍ଳେଷଣ ଏବଂ ମଡେଲିଂ, ମାଧ୍ୟାକର୍ଷଣର ଏକ ଆକସ୍ମିକ ଘଟଣା ସହିତ ଜଡିତ ଅନେକ ତଥ୍ୟ ଉପରେ ଅନୁସନ୍ଧାନ କରିଥିଲେ।

ପଦ୍ମନାଭନ୍ ୧୦ ମାର୍ଚ୍ଚ ୧୯୫୭ରେ କେରଳର ଥିରୁବନନ୍ତପୁରମରେ ଜନ୍ମଗ୍ରହଣ କରିଥିଲେ ଓ ସେଠାରେ ହିଁ ସ୍କୁଲ୍ ଶିକ୍ଷା ଲାଭ କରିଥିଲେ। ସେ କେରଳ ବିଶ୍ୱବିଦ୍ୟାଳୟ କଲେଜରୁ ଉଭୟ ବିଏସ୍‌ସି ଓ ଏମ୍ଏସ୍‌ସି କରିଥିଲେ। ୧୯୭୯ରେ ମୁମ୍ବାଇର ଟାଟା ଇନଷ୍ଟିଚ୍ୟୁଟ୍ ଅଫ୍ ଫଣ୍ଡାମେଣ୍ଟାଲ୍ ରିସର୍ଚ୍ଚ (TIFR)ରୁ ପିଏଚ୍‌ଡି କରିଥିଲେ। ପରେ ସେ ସେଠାରେ ଶିକ୍ଷାଦାନ ଆରମ୍ଭ କରିଥିଲେ। ଏହା ପରେ ସେ କେମ୍ବ୍ରିଜ୍ର ଇନଷ୍ଟିଚ୍ୟୁଟ୍ ଅଫ୍ ଆଷ୍ଟ୍ରୋନୋମୀରେ କାର୍ଯ୍ୟ କରିଥିଲେ। ସେ ୧୯୯୨ରେ IUCAAକୁ ଆସିଥିଲେ ଏବଂ ୧୮ ବର୍ଷ ପର୍ଯ୍ୟନ୍ତ ବିଭିନ୍ନ ପଦବୀରେ କାର୍ଯ୍ୟ କରିଥିଲେ।

OTV is now on Whatsapp

Join and get latest news update delivered to you via whatsapp

Join Now