ସୋସିଆଲ ମିଡ଼ିଆ ସର୍ଭର ଡାଉନ୍‌, କାମ କରୁନାହିଁ ଫେସ୍‌ବୁକ୍, ହ୍ୱାଟ୍ସଆପ୍, ଇନଷ୍ଟାଗ୍ରାମ୍

ନୂଆଦିଲ୍ଲୀ: ଡାଉନ୍‌ ହୋଇଗଲା ସୋସିଆଲ ମିଡ଼ିଆ। ସୋସିଆଲ ମିଡ଼ିଆର କୌଣସି ଆପ୍‌ ଚାଲୁନାହିଁ। କିଛି ସମୟ ପୂର୍ବରୁ ଆପ୍‌ ଖୋଲୁନଥିବା ଦେଖାଯାଉଛି। ତେବେ କାହିଁକି ଏମିତି ହୋଇଛି ସେନେଇ ବର୍ତ୍ତମାନ ସୁଦ୍ଧା କିଛି ସୂଚନା ହସ୍ତଗତ ହୋଇନାହିଁ।

Also Read

ପିପିଲି ପୋଷ୍ଟମର୍ଟମ: କାହାର ବଢିଲା, କାହାର କମିଲା?

ଅରିନ୍ଦମଙ୍କ ନାଁରେ OTV ର ସ୍କଲାରସିପ୍‌ ଘୋଷଣା

ମାସକୁ ପାଉଥିଲେ ୮ ହଜାର ଦରମା, ରାତାରାତି କୋଟିପତି ପରେ ଦାନ କଲେ ଲକ୍ଷ ଲକ୍ଷ

ଲୋକେ ସୋସିଆଲ ମିଡ଼ିଆରୁ କିଛି ଖବର ପାଉନାହାନ୍ତି। ହ୍ୱାଟ୍ସଆପ୍‌, ଇନଷ୍ଟା, ଫେସବୁକ୍‌, ମେସେନ୍‌ଜର ଏବଂ କୁ ଆପ୍‌ ଓପନ୍‌ ହେଉନାହିଁ। ୧୦ ମିନିଟ୍‌ ହେବ କିଛି ମେସେଜ୍‌ ମଧ୍ୟ ଯାଉନାହିଁ ଯାହାକୁ ନେଇ ଚିନ୍ତାରେ ସୋସିଆଲ ମିଡ଼ିଆ ବ୍ୟବହାରକାରୀ।

ଖବର ପ୍ରସାରିତ ହେବା ପରେ ଫେସବୁକ୍ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି, ଫେସବୁକ୍ ଏକ ବିବୃତ୍ତିରେ କହିଛି, କିଛି ଲୋକେ ଆମ ଆପ୍ସ ଓ ପ୍ରଡକ୍ଟ ବ୍ୟବହାର କରିବାରେ ସମସ୍ୟାର ସାମ୍ନା କରୁଥିବା ଆମେ ଜାଣିବାକୁ ପାଇଲୁ। ଖୁବଶୀଘ୍ର କିପରି ସବୁକିଛି ପୂର୍ବାବସ୍ଥାକୁ ଫେରିଆସିବ, ସେ ନେଇ ଆମେ କାମ ଚଳାଇଛୁ। ବ୍ୟାଘାତ ପହଞ୍ଚିଥିବାରୁ ଆମେ ଦୁଃଖିତ।

ସର୍ଭର ପାଇଁ ସମସ୍ୟା ହୋଇଥିବା ସ୍ୱୀକାର କଲା ହ୍ୱାଟ୍ସଆପ୍, ସବୁକିଛି ସ୍ୱାଭାବିକ କରିବାକୁ ଉଦ୍ୟମ ଚାଲିଛି, ଖୁବ ଶୀଘ୍ର ଅପଡେଟ୍ କରାଯିବା ନେଇ ହ୍ୱାଟ୍ସଆପ ପକ୍ଷରୁ ସୂଚନା ଦିଆଯାଇଛି। ସର୍ଭର ସମସ୍ୟାକୁ ଟ୍ୱିଟ୍ କରି ସ୍ୱୀକାର କଲା ଇନଷ୍ଟାଗ୍ରାମ୍। ଆମ ସହ ରୁହନ୍ତୁ, ସମସ୍ୟାର ସମାଧାନ କରୁଛୁ ବୋଲି ଇନଷ୍ଟାଗ୍ରାମ କହିଛି।