Snake: ଯୁବକଙ୍କୁ ସାପ କାମୁଡ଼ିବାକୁ ଯାଉଥିଲା, କିନ୍ତୁ ସେ ସାପକୁ ହିଁ ଚାପି ମାରି ଦେଲା

ଗୋବିନ୍ଦ ସାପର ମୁହଁକୁ ଏତେ ଜୋରରେ ଚାପି ଧରିଥିଲା ଯେ ସାପ କିଛି କରି ପାରିଲା ନାହିଁ। ଗୋବିନ୍ଦ ଅଧ ଘଣ୍ଟା ଧରି ସାପକୁ ହାତରେ ଚାପି ରହିଥିଲା। ଏହି ସମୟରେ ସାପର ଜୀବନ ଚାଲିଗଲା। ସାପ ଏକ ଏପରି ଜୀବ ଯେ ତାହା ବିଷାକ୍ତ ହେଉ କି ନାହିଁ, ମଣିଷ ତାକୁ ଡରେ। ତଥାପି, କିଛି ଲୋକ ଅଛନ୍ତି ଯେଉଁମାନେ ସାପକୁ ଡରନ୍ତି ନାହିଁ। ଯେପରି ସେନାର ସ୍ପେଶାଲ ଫୋର୍ସ ଏବଂ ସର୍ପମିତ୍ର।

କିନ୍ତୁ ଉତ୍ତର ପ୍ରଦେଶର ଲଲିତପୁରର ଜଣେ ଯୁବକ ଗୋବିନ୍ଦ ଫୋର୍ସ ନୁହେଁ କି ସର୍ପ ମିତ୍ର ନୁହଁନ୍ତି । ତଥାପି, ଯେତେବେଳେ ସାପ ତାକୁ କାମୁଡ଼ିବାକୁ ଆସୁଥିଲା, ସେତେବେଳେ ସେ ଚତୁରତାର ସହ ତାକୁ ହାତରେ ଚାପି ମାରି ଦେଲା।

ଉତ୍ତର ପ୍ରଦେଶର ଲଲିତପୁରର ମଡ଼ାଓ୍ଵାରା ଥାନା ଅଞ୍ଚଳର ତିସଗନା ଗାଁର ୩୨ ବର୍ଷୀୟ ଗୋବିନ୍ଦ । ଅଗଷ୍ଟ ୧୮ ତାରିଖରେ ଗୋବିନ୍ଦ ନିଜ ଘରେ ଶୋଇ ଆରାମ କରୁଥିଲେ। ସେହି ସମୟରେ ଏକ କଳା ସାପ ତାଙ୍କ ଉପରେ ପଡ଼ିଗଲା ଏବଂ ତାଙ୍କ ହାତରେ ଚାଲିଲା । ଗୋବିନ୍ଦ ହଠାତ୍ ଆଶ୍ଚର୍ଯ୍ୟ ହୋଇ ଡରିଯାଇଥିଲେ । କିନ୍ତୁ ଶୀଘ୍ର ସେ ନିଜକୁ ସମ୍ଭାଳି ନେଲେ। ଗୋବିନ୍ଦଙ୍କୁ ଲାଗିଲା ଯେ ଯଦି ଏହି ସାପ ତାଙ୍କୁ କାମୁଡ଼ି ଦିଏ, ତେବେ ମୃତ୍ୟୁ ହେବ। ଏହା ଅପେକ୍ଷା ଗୋଟିଏ ପ୍ରୟାସ କରିବା ଭଲ।

ଏହା ଭାବି ଗୋବିନ୍ଦ ସାପର ମୁଣ୍ଡ ପାଖକୁ ଜୋରରେ ଚାପି ଧରିଥିଲେ । ସାପ କିଛି କରି ପାରିଲା ନାହିଁ। ଗୋବିନ୍ଦ ଅଧଘଣ୍ଟା ଧରି ସାପକୁ ହାତରେ ଚାପି ରହିଥିଲେ। ଏହି ସମୟରେ ସାପର ଜୀବନ ଚାଲିଗଲା। ସାପକୁ ଧରି ରହିବା ସମୟରେ ଗୋବିନ୍ଦ ମଧ୍ୟ ସାହାଯ୍ୟ ପାଇଁ ଚିତ୍କାର କରିଥିଲେ ଏବଂ ଭୟରେ ସେ ବିଛଣାରୁ ତଳେ ପଡ଼ିଗଲେ। କିନ୍ତୁ ତଥାପି ସେ ସାପକୁ ଛାଡ଼ି ନଥିଲେ। ଏହା ପରେ ଗୋବିନ୍ଦଙ୍କ ପରିବାର ଲୋକେ ତାକୁ ମଡ଼ାଓ୍ଵାରା ସ୍ବାସ୍ଥ୍ୟ କେନ୍ଦ୍ରକୁ ନେଇଗଲେ ।

ସେଠାରେ ଡାକ୍ତରମାନେ ତାଙ୍କର ପରୀକ୍ଷା କଲେ। ଡାକ୍ତରମାନେ କହିଲେ ଯେ ଗୋବିନ୍ଦଙ୍କୁ ସାପ କାମୁଡ଼ି ନାହିଁ। ତାଙ୍କ ଶରୀରରେ କୌଣସି ବିଷର ଚିହ୍ନ ନାହିଁ।

ଏହି ଘଟଣା ପରେ ସମଗ୍ର ଗାଁରେ ଗୋବିନ୍ଦଙ୍କ ପ୍ରଶଂସା ହେଉଛି। ଲୋକମାନେ ତାଙ୍କର ସାହସିକତାର ତାରିଫ କରୁଛନ୍ତି । ସେ ସାପ ପରି ବିପଜ୍ଜନକ ଜୀବକୁ ମଧ୍ୟ ଡରି ନଥିଲେ। ବର୍ତ୍ତମାନ ଗୋବିନ୍ଦ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ତାକୁ ହସ୍ପିଟାଲରୁ ଡିସଚାର୍ଜ କରାଯାଇଛି । ତେବେ ସାପଟି ମରିଯାଇଥିବାରୁ ଅନେକ ଦୁଃଖ ପ୍ରକାଶ କରୁଛନ୍ତି । ସାପଟିକୁ ଧରାଗଲା । ତିନ୍ତୁ ତାକୁ ନମାରି ଜଙ୍ଗଲରେ ଛାଡି ଦିଆଯିବାର ଥିଲା ବୋଲି ଅନେକ ମତ ଦେଉଛନ୍ତି । ତୁରନ୍ତ ବିଶେଷଜ୍ଞଙ୍କୁ ମଧ୍ୟ ଡକାଯାଇ ପାରିଥାଆନ୍ତା ।

ଅଧିକ ପଢ଼ନ୍ତୁ: ଲୋକଙ୍କ ମନ ଜିଣିଲେ ଆମ୍ୱଲାନ୍ସ ଡ୍ରାଇଭର, ବଞ୍ଚାଇଲେ ୬୦ରୁ ଅଧିକ ଜୀବନ