ଚୀନ୍ ସୀମାନ୍ତ ଅଂଚଳକୁ ନୂଆ ନାଁ ଦିଆଯାଉ: ବୈଜୟନ୍ତ ପଣ୍ତା

ଅରୁଣାଚଳ ପ୍ରଦେଶର କିଛି ଅଂଚଳକୁ ଅକ୍ତିଆର ପାଇଁ ପୁନଃ ନାମକରଣ କରଛି ଚୀନ୍। ତେଣୁ ବର୍ତ୍ତମାନ ସମୟ ଆସିଛି ଆମେ ମଧ୍ୟ ଭାରତ ସହ ଐତିହାସିକ ସମ୍ପର୍କ ଥିବା ଚୀନ ସୀମାନ୍ତ ଅଂଚଳକୁ ନୂଆ ନାଁ ଦେବାର । ଟ୍ୱିଟ୍ କରି ଏନେଇ ମତାମତ ଲୋଡିଛନ୍ତି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ।

ଟ୍ୱିଟରେ ବୈଜୟନ୍ତ, ଶେନ୍ଦୁକୁ ସିନ୍ଧୁ ନଗର, କୁଆନଝୁ ସହରକୁ ନ୍ୟୁ କାଞ୍ଚିପୂରମ, ଗାଂସୁ ଅଂଚଳରେ ଥିବା ମୋଗାଓ ଗୁମ୍ପାକୁ ଅଜନ୍ତା ଇଷ୍ଟ ଏବଂ ଜିନଜିଆଙ୍ଗ ପ୍ରୋଭିନ୍ସକୁ ଗନ୍ଧର୍ବ ପ୍ରଦେଶ ଭାବେ ନାମିତ କରିବାକୁ ପ୍ରସ୍ତାବ ଦେଇଛନ୍ତି । କିଛି ଦିନ ତଳେ ଅରୁଣାଚଳ ପ୍ରଦେଶର ୧୧ଟି ଅଂଚଳକୁ ପୁନଃ ନାମକରଣ କରିଥିଲା ଚୀନ୍ । ଭାରତ ପକ୍ଷରୁ ଏହାକୁ କଡ଼ା ବିରୋଧ କରାଯାଇଥିଲା ।