LIVE TV
ମଧ୍ୟପ୍ରଦେଶର ସାଗର ଜିଲ୍ଲା ଡାକ୍ତରଖାନାର ଶବାଗାରରେ ଦେଖିବାକୁ ମିଳିଛି ମୂଷାମାନଙ୍କ ଆତଙ୍କ। ଶବମାନଙ୍କ ଆଖି କାଟିଦେଉଥିବା ଖବର ଆସିଛି। ଗୁରୁବାର ସକାଳେ ପୋଷ୍ଟମର୍ଟମ ପାଇଁ ଫ୍ରିଜ୍ରୁ ମୃତଦେହ ବାହାର କରାଯିବା ପରେ ଏହି ଘଟଣା ସାମ୍ନାକୁ ଆସିଛି। ମୃତ ଦେହର ଗୋଟିଏ ଆଖି ନଥିବା ଦେଖାଯାଇଛି।
ପୋଷ୍ଟମର୍ଟମ ପାଇଁ ଅଣାଯାଇଥିବା ମୃତ ଶରୀରର ଆଖି ଅଦୃଶ୍ୟ ହୋଇଯିବା ୧୫ ଦିନ ମଧ୍ୟରେ ଏହା ହେଉଛି ଦ୍ୱିତୀୟ ଘଟଣା। ଏହାପୂର୍ବରୁ ଜାନୁଆରୀ ୪ରେ ପୋଷ୍ଟମର୍ଟମ ପାଇଁ ମୃତଦେହ ଟେବୁଲ ଉପରେ ରଖାଯାଇଥିବା ବେଳେ ଏଭଳି ସମାନ ମାମଲା ସାମ୍ନାକୁ ଆସିଥିଲା। ଡାକ୍ତରଖାନା ପରିଚାଳନା ସଂସ୍ଥା ଅନୁସାରେ ମୂଷାମାନେ ମୃତଦେହର ଆଖି ତାଡି ଦେଇଛନ୍ତି।
ସୂଚନାନୁସାରେ, ସିଭିଲ ପୋଲିସ ଷ୍ଟେସନ ଅଞ୍ଚଳରେ ଥିବା ଜୁଭେନାଇଲ କୋର୍ଟ ପଛରେ ରହୁଥିବା ୨୫ ବର୍ଷିୟ ରମେଶ ଅହିରୱାର ଜାନୁଆରୀ ୧୫ରୁ ନିଖୋଜ ଥିଲେ। ଜାନୁଆରୀ ୧୬ରେ ପୋଲିସ ରମେଶଙ୍କୁ ଆହତ ଅବସ୍ଥାରେ ପାଇଥିଲା, ପରେ ତାଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଜାନୁଆରୀ ୧୭ରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା। ମୃତ ଶରୀରକୁ ଶବାଗାରର ଡିପ୍ ଫ୍ରିଜ୍ରେ ରଖାଯାଇଥିଲା।
Also Read
ଡାକ୍ତରମାନେ କହିଛନ୍ତି ଯେ ରମେଶଙ୍କର ଅପସ୍ମାର ବେମାରୀ ହୋଇଥିଲା, ଯେଉଁଥିପାଇଁ ତାଙ୍କର ମୃତ୍ୟୁ ହୋଇଥିଲା। ମୃତ ଶରୀର ଚିହ୍ନଟ ହୋଇ ନ ଥିବାରୁ ତାହାକୁ ଦୁଇ ଦିନ ଫ୍ରିଜ୍ରେ ରଖାଯାଇଥିଲା। ଗୁରୁବାର ସକାଳେ ଯେତେବେଳେ ସମ୍ପର୍କୀୟମାନେ ମୃତଦେହକୁ ଚିହ୍ନିବା ପାଇଁ ଶବାଗାରରେ ପହଞ୍ଚିଥିଲେ, ସେତେବେଳେ ତାଙ୍କର ଗୋଟିଏ ଆଖି ନଥିଲା।
ମ୍ୟାନେଜମେଣ୍ଟ୍ ତରଫରୁ କେବଳ ଥରେ ମୃତଦେହକୁ ଦେଖିବା ପାଇଁ ଅନୁମତି ଦିଆଯାଇଥିଲା, କିନ୍ତୁ ଯେତେବେଳେ ସମ୍ପର୍କୀୟମାନେ ଦ୍ୱିତୀୟ ଥର ଦେଖିବା ପାଇଁ କହିଥିଲେ, ସେତେବେଳେ ମ୍ୟାନେଜମେଣ୍ଟ୍ କର୍ମଚାରୀମାନେ ମନା କରିଦେଇଥିଲେ।
ଯେତେବେଳେ ପୋଲିସ ଏଥିରେ ହସ୍ତକ୍ଷେପ କଲା, ମୃତଦେହକୁ ପୁଣି ଦେଖାଯିବାର ସୁଯୋଗ ଦିଆଗଲା। ଏଥିରେ ଗୋଟିଏ ଆଖି ନଥିବା ଦେଖାଯାଇଥିଲା। ଡାକ୍ତରଖାନା ପରିଚାଳନା ସଂସ୍ଥା ମାନବ ଅଙ୍ଗକୁ ଚୋରା ଚାଲାଣ କରୁଥିବା ସମ୍ପର୍କୀୟମାନେ ଅଭିଯୋଗ କରିଛନ୍ତି। ତେବେ ପୋଲିସ କୌଣସି ପ୍ରକାରେ ପରିସ୍ଥିତିକୁ ନିୟନ୍ତ୍ରଣ କରିବାରେ ସକ୍ଷମ ହୋଇଛି।
ଏହି ପ୍ରସଙ୍ଗରେ ମ୍ୟାନେଜମେଣ୍ଟ କହିଛି ଯେ ଶବାଗାରର ଡିପ୍ ଫ୍ରିଜ୍ରେ ମୂଷା ପଶିଯାଇଥିଲେ ଏବଂ ସେମାନେ ମୃତ ଦେହର ଆଖିକୁ କାଟିଦେଇଥିଲେ। ବୁଝାଶୁଝା କରିବା ପରେ ସମ୍ପର୍କୀୟମାନେ ମୃତଦେହକୁ ନେଇଥିଲେ।
ଏହାପୂର୍ବରୁ, ଜାନୁୟାରୀ ୪ରେ, ଜିଲ୍ଲା ଡାକ୍ତରଖାନାର ଶବାଗାରରୁ, ଆମେଟ୍ ଗାଁର ବାସିନ୍ଦା ୩୨ ବର୍ଷିୟ ମୋତିଙ୍କ ବାପା ବାରେଲାଲ୍ ଗୌଡଙ୍କ ଆଖିକୁ ମଧ୍ୟ ମୂଷା କାଟିଦେଇଥିବା ଖବର ଆସିଥିଲା। ତା’ପରେ CMHO ଡକ୍ଟର ମମତା ତିମୋରୀ ଏକ ଯାଞ୍ଚ କମିଟି ଗଠନ କରିଥିଲେ, କିନ୍ତୁ ଆଜି ପର୍ଯ୍ୟନ୍ତ ଏହି ଯାଞ୍ଚ କମିଟି କୌଣସି ରିପୋର୍ଟ ଉପସ୍ଥାପନ କରିପାରି ନାହିଁ।
ଏହି ସମୟରେ ଡାକ୍ତରଖାନାର ଉଭୟ ଫ୍ରିଜ୍ର ମରାମତି କରାଯାଇଥିଲା। ମୃତଦେହକୁ ସେହି ସ୍ଥାନରେ ରଖାଯାଇଥିଲା, କିନ୍ତୁ ଫ୍ରିଜର୍ ଭିତରୁ ମୃତ ଦେହର ଆଖି ଅଦୃଶ୍ୟ ହୋଇଯିବା ପରେ ଡାକ୍ତରଖାନାର ବ୍ୟବସ୍ଥାକୁ ନେଇ ଅନେକ ପ୍ରଶ୍ନ ଉଠିଛି।
