LIVE TV
ଭାଇରାଲ ହେଉଛି ସଚିନ୍ଙ୍କ ଭିଡିଓ । ଭିଡିଓରେ ସଚିନ୍ ତାଙ୍କ ଫ୍ୟାନ୍ସଙ୍କ ସହ ମିଠା ମିଠା କଥା ହେଉଥିବା ଦେଖିବାକୁ ମିଳୁଛି । ତହା ସହିତ ନିଜ ଗାଡ଼ି ଅଟକାଇ ତାଙ୍କ ସହ ଅନେକ କଥା ହେଉଛନ୍ତି ସଚିନ୍ । ଭିଡିଓରେ ଦେଖିବାକୁ ମିଳୁଛି ଯେ, ପୂର୍ବତନ କ୍ରିକେଟର ସଚିନ ତେନ୍ଦୁଲକର କାର୍ରେ ଆସୁଛନ୍ତି । ଆଉ କାର୍ ଆଗରେ ଜଣେ ଯୁବକ ଟିମ୍ ଇଣ୍ଡିଆର ଜର୍ସି ପିନ୍ଧି ବାଇକ୍ରେ ଯାଉଛନ୍ତି ।
ସେହି ସମୟରେ କାର୍ ଅଟକାଇ ସଚିନ୍ ଯୁବକଙ୍କୁ ଅଟକାଉଛନ୍ତି । ଆଉ ଏୟାରପୋର୍ଟ କେଉଁଠି ବୋଲି ମିଛରେ ପ୍ରଶ୍ନ କରୁଛନ୍ତି । ହେଲେ ଯୁବକ ଜଣକ ସଚିନ୍ଙ୍କୁ ଏତେ ପାଖରେ ଦେଖି ଆଶ୍ଚର୍ଯ୍ୟ ହେବା ସହ ନମସ୍କାର କରୁଛନ୍ତି । ପରେ ପରେ ସଚିନ୍ ତାଙ୍କୁ କେମିତି ଅଛ ବୋଲି ପଚାରୁଛନ୍ତି ? ସଚିନ୍ଙ୍କ ଠାରୁ ଏପରି ପ୍ରଶ୍ନ ଶୁଣିବା ପରେ ଯୁବକ ଜଣକ ଭଗବାନଙ୍କୁ ଧନ୍ୟବାଦ ଜଣାଇବା ସହିତ ତାଙ୍କ ସହ ହାତ ମେଳାଉଛନ୍ତି ।
Also Read
Sachin meets TENDULKAR. 😋
It fills my heart with joy when I see so much love showered on me. It is the love from the people that keeps coming from unexpected corners which makes life so special. pic.twitter.com/jTaV3Rjrgm— Sachin Tendulkar (@sachin_rt) February 1, 2024
ପରେ ପରେ ଯୁବକ ଜଣକ ତାଙ୍କୁ କିଛି ମନେପକାଇବାକୁ ଚେଷ୍ଟା କରୁଛନ୍ତି ଆଉ କିଛି ଫଟୋ ମଧ୍ୟ ସଚିନଙ୍କୁ ଦେଖାଉଛନ୍ତି । ସଚିନ୍ ଫଟୋଗୁଡ଼ିକୁ ଦେଖି ବେଶ୍ ପ୍ରଶଂସା କରିବା ସହିତ ଖୁବ୍ ଖୁସି ମଧ୍ୟ ହେଉଛନ୍ତି । ପରେ ପରେ ଯୁବକଙ୍କୁ ନିଜର ସୁରକ୍ଷା ପ୍ରତି ସଚେତନ କରାଉଛନ୍ତି । ସଚିନ୍ ତାଙ୍କୁ ହେଲମେଣ୍ଟ ପିନ୍ଧିବାକୁ କହିବା ସହ ନିଜେ କାର୍ରେ ସିଟ୍ବେଲ୍ଟ ପିନ୍ଧୁଥିବା ସେ କହୁଛନ୍ତି ।
ପରେ ଯୁବକଙ୍କ ଡାଏରୀରେ ଅଟୋଗ୍ରାଫ୍ ଦେଉଛନ୍ତି ସଚିନ୍ । ସଚିନ୍ଙ୍କ ଠାରୁ ଅଟୋଗ୍ରାଫ୍ ନେବା ପରେ ବହୁତ ଖୁସି ହୋଇ ତାଙ୍କୁ ବିଦାୟ ଦେଉଛନ୍ତି । ଶେଷରେ ଉଭୟଙ୍କ ବାର୍ତ୍ତାଳପ ଜୟ ହିନ୍ଦରେ ଶେଷ ହେଉଛି ।
ସୋସିଆଲ ମିଡିଆରେ ଏହି ଭିଡିଓଟିକୁ ଫେବ୍ରୁଆରୀ ୧ ତାରିଖ ଅର୍ଥାତ୍ ଏଇ ମାତ୍ର ୨୧ ଘଣ୍ଟା ପୂର୍ବରୁ ସଚିନ୍ ନିଜେ ପୋଷ୍ଟ କରିଛନ୍ତି । ଯାହାକି ଖୁବ୍ ଭାଇରାଲ ହେବା ସହ ୧ ମିଲିୟନ୍ରୁ ଅଧିକ ୟୁଜର୍ସ ଦେଖିସାରିଲେଣି । ବହୁଲୋକ ଏହି ପୋଷ୍ଟରେ ନିଜର ମତାମତ ମଧ୍ୟ ଦେଇଛନ୍ତି ।
