LIVE TV
ଆର୍ଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ପୁଅ ତଥା ମନ୍ତ୍ରୀ ଜେଜ ପ୍ରତାପ ଯାଦବ ତାଙ୍କର ଅନନ୍ୟ ଶୈଳୀ ପାଇଁ ସବୁବେଳେ ଚର୍ଚ୍ଚାରେ ଥାନ୍ତି। କେତେବେଳେ ତାଙ୍କୁ ଭଗବାନ ଶ୍ରୀକୃଷ୍ଣଙ୍କ ବେଶରେ ଦେଖିବାକୁ ମିଳିଛି ତ ଆଉ କେତେବେଳେ ସାଇକେଲ ଚଲାଇ ନିଜ କାର୍ଯ୍ୟାଳୟରେ ପହଞ୍ଚିଥିବା ଦେଖିବାକୁ ମିଳିଛି। ଏବେ ତେଜ ପ୍ରତାପ ସୋସିଆଲ ମିଡିଆରେ ଏମିତି ଏକ ଭିଡିଓ ଶେୟାର କରିଛନ୍ତି, ଯାହାକୁ ନେଇ ଚର୍ଚ୍ଚା ଜୋର ଧରିଛି।
ଭିଡିଓରେ ସେ ଶୋଇଥିବା ବେଳେ ସ୍ୱପ୍ନରେ ମହାଭାରତ ଯୁଦ୍ଧ ସମୟରେ ଭଗବାନ ଶ୍ରୀକୃଷ୍ଣଙ୍କ ରୌଦ୍ର ଅବାତାର ଦେଖୁଥିବା ନଜର ଆସିଛି। ସ୍ୱପ୍ନରେ ଭଗବାନଙ୍କ ବିଶ୍ୱରୂପ ଦେଖି ତେଜ ପ୍ରତାପ ଆଶ୍ଚର୍ଯ୍ୟ ହୋଇ ଉଠି ପଡ଼ିଥିଲେ। ଟ୍ୱିଟରରେ ସେ ଏହି ଭିଡିଓ ଶେୟାର କରିଛନ୍ତି।
विश्व रूप दर्शन योग मैं मुकुट से सुशोभित चक्र और गदा से सुसज्जित शस्त्रों के साथ सर्वत्र दीप्तिमान लोक के रूप में आपके रूप को देख रहा हूँ। इस चमचमाती अग्नि में आपके तेज को देख पाना कठिन है जो सभी दिशाओं से प्रस्फुटित होने वाले सूर्य के प्रकाश की भांति है। pic.twitter.com/tqcrkKH5Qo
— Tej Pratap Yadav (@TejYadav14) March 22, 2023
ସୂଚନାଥାଉ କି, କିଛିଦିନ ପୂର୍ବେ ମନ୍ତ୍ରୀ ଜେଜ ପ୍ରତାପ ସାଇକେଲ୍ ଚଲାଇ ଅଫିସ୍ରେ ପହଞ୍ଚିଥିଲେ। ଏନେଇ ସେ କହିଥିଲେ, ସକାଳ ୯ଟାରେ ଯେତେବେଳେ ସେ ଶୋଇଥିଲେ, ସେହି ସମୟରେ ସମାଜବାଦୀ ପାର୍ଟି ନେତା ମୁଲାୟମ ସିଂ ଯାଦବଙ୍କୁ ସେ ସ୍ୱପ୍ନରେ ଦେଖିଥିଲେ। ଏହି ସମୟରେ ମୁଲାୟମ ତାଙ୍କୁ ଅନେକ କଥା କହିଥିଲେ। ଏପରିକି ତାଙ୍କୁ ଆଲିଙ୍ଗନ ମଧ୍ୟ କରିଥିଲେ। ଖାଲି ଏତିକି ନୁହେଁ ଏପରିକି ମୁଲାୟମ ସିଂ ତାଙ୍କ ସହ ସାଇକେଲ ମଧ୍ୟ ଚଲାଇଥିଲେ। ଏଥିରୁ ତାଙ୍କୁ ସାଇକେଲ୍ ଚଲାଇ ଅଫିସ୍ ପହଞ୍ଚିବାର ପ୍ରେରଣା ମିଳିଥିଲା।
ସୂଚନାଥାଉ କି, ଗତବର୍ଷ ଅକ୍ଟୋବର ୧୦ରେ ମୁଲାୟମ ସିଂ ଯାଦବଙ୍କ ପରଲୋକ ହୋଇଥିଲା। ଗୁରୁଗ୍ରାମର ମେଦାନ୍ତ ହସ୍ପିଟାଲ୍ରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।
