ମାର୍କେଟ୍‌କୁ ସର୍‌ପ୍ରାଇଜ୍‌ ଦେଲା RBI

ମାର୍କେଟ୍‌କୁ ସର୍‌ପ୍ରାଇଜ୍‌ ଦେଲା ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ(RBI)। ଆଜି ଘୋଷିତ ହୋଇଥିବା ମୁଦ୍ରାନୀତିରେ ରେପୋ ରେଟ୍ ଓ ରିଭର୍ସ ରେପୋ ରେଟ୍‌କୁ ଅପରିବର୍ତ୍ତିତ ରଖାଯାଇଛି। ଏବେ ରେପୋ ରେଟ୍ ୪% ରହି ଥିବାବେଳେ ରିଭର୍ସ ରେପୋ ରେଟ୍ ୩.୩୫% ପ୍ରତିଶତ ରହିଛି।

RBI ଗଭର୍ଣ୍ଣର ଶକ୍ତିକାନ୍ତ ଦାସ ଆକଳନ କରିଛନ୍ତି, ଆର୍ଥିକ ବର୍ଷ ୨୦୨୨-୨୩ରେ ଭାରତର ରିଅଲ ଜିଡିପି ଅଭିବୃଦ୍ଧି ୭.୮% ରହିବ। ସେହିପରି ମୁଦ୍ରାସ୍ଫୀତି ହାର ୨୦୨୧-୨୨ରେ ୫.୩% ଓ ୨୦୨୨-୨୩ରେ ୪.୫% ରହିବ ବୋଲି ଆକଳନ କରାଯାଇଛି।

କରୋନା ସ୍ଥିତି ପରେ ଧୀରେ ଧୀରେ ଦେଶର ଆର୍ଥିକ ସ୍ଥିତି ସୁଧୁରୁଛି। ଏପରିକି ଅନ୍ୟ ଦେଶ ଅପେକ୍ଷା ଭାରତର ଅଭିବୃଦ୍ଧି ହାର ଅଧିକ ରହିଛି ବୋଲି RBI ଗଭର୍ଣ୍ଣର କହିଛନ୍ତି।