LIVE TV
"ହେ ମଣିଷ ମୋତେ ବଞ୍ଚାଅ । ସୀମାହୀନ ଆକାଶର ଛାତି ଚିରି ମୁଁ ଆସିଛି । ମୁଁ ଆସିଛି ହିମାଳୟର ଶିଖରରୁ । ମୁଁ ହଜି ଯାଇଛି, ମୋ ବଂଶ ବୁଡ଼ି ଯାଇଛି । ହେଲେ ମୁଁ ବୁଢ଼ା ଶାଗୁଣା ଏବେ ବି ବଞ୍ଚିଛି । ଏବେ ମୁଁ ଏକା, ହେଲେ ବଞ୍ଚିବାକୁ ଚାହେଁ।'' ଏହା ହେଉଛି ଜନବସତି ମୁହାଁ ଚାଲି ଆସିଥିବା ଶାଗୁଣାର କରୁଣ କାହାଣୀ ।
ଦୁନିଆରୁ ଲୋପ ପାଇଯିବାକୁ ବସିଥିବା ଏ ହେଉଛି ଏକ ବିରଳ ପକ୍ଷୀ । ଦାବି କରାଯାଉଛି ଯେ, ଏହା ହେଉଛି ହିମାଳୟ ଅଞ୍ଚଳରେ ବସବାସ କରୁଥିବା ଏକ ଲୁପ୍ତ ପ୍ରାୟ ବିରଳ ପ୍ରଜାତିର ଶାଗୁଣା । ଯାହାର ଚିହ୍ନବର୍ଣ୍ଣ ୨୦୨୩ରେ ଏକ ଆଈମାଆ କାହାଣୀ ଭଳି । ଏବେ ଏହି ପକ୍ଷୀ ଉତ୍ତର ପ୍ରଦେଶର କାନପୁରରେ ଧରା ଦେବା ପରେ ଏହାର ସୁରକ୍ଷା ପାଇଁ ଜଙ୍ଗଲ ବିଭାଗକୁ ହସ୍ତାନ୍ତର କରାଯାଇଛି । ଯାହାର ଭିଡିଓ ଏବେ ସୋସିଆଲ ମିଡିଆ ରେ ନିଆଁ ଭଳି ବ୍ୟାପୁଛି । ଧରା ଦେଇଥିବା ଏହି ବୁଢା ଶାଗୁଣାର ଡେଣାର ଲମ୍ୱ ୬ ଫୁଟରୁ ଅଧିକ ବୋଲି କୁହାଯାଉଛି ।
Also Read
कानपुर के बजरिया में कब्रिस्तान के पास लोगों को एक गिद्ध मिल गया। कुछ बीमार सा। बाद में गिद्ध वन विभाग को सौंप दिया गया। #Kanpur #Vulture #Birds @NBTLucknow pic.twitter.com/kkeSZNvOTi
— Praveen Mohta (@MohtaPraveenn) January 8, 2023
କେବେ ଆକାଶରେ ତ ଆଉ କେବେ ହିମାଳୟର ହିମ ଆଚ୍ଛାଦିତ ପଥର ଉପରେ ମରିବାକୁ ଅପେକ୍ଷା କରିଥିବା ଏହି ବିରଳ ଶାଗୁଣା ଡେଣା ବାଡ଼େଇ ବାଡ଼େଇ ଆସିଛି ଜନବସତି ଆଡ଼କୁ । ସେ ହିମାଳୟରୁ ଆସିଛି, ଗଙ୍ଗାର ମିଠା ପାଣି ପିଇଛି, ଉତ୍ତର ପ୍ରଦେଶର ହାଡଭଙ୍ଗା ଶୀତରେ ଥରିଛି । ଏବେ କିନ୍ତୁ ସେ ଧରା ଦେଇଛି ମଣିଷ ହାତରେ । ଆଉ ମଣିଷକୁ କାକୁତି ମିନତି ହେଉଛି । ମୋ ବଂଶ ବଢାଅ, ପ୍ରକୃତିକୁ ସନ୍ତୁଳନ କର... ନଚେତ ଆଗକୁ ବଡ଼ ବିପର୍ଯ୍ୟୟ ନିଶ୍ଚୟ ।
ଏବେ କିନ୍ତୁ ଏହି ସ୍ୱଳ୍ପ ଆୟୁଷକୁ ନେଇ ପ୍ରଶ୍ନ ଉଠଛି । କାହିଁକିନା ସାଧାରଣତଃ ୪୦ରୁ ୫୦ ବର୍ଷ ଯାଏ ବଞ୍ଚୁଥିବା ଏହି ପ୍ରଜାତି ପ୍ରାଣୀର ଇଏ ଶେଷ ସନ୍ତକ ନା ଏବେ ବି ବଞ୍ଚିଛି ଶାଗୁଣା ବଂଶ ତାକୁ ନେଇ ଆଶା ଓ ଆଶଙ୍କାରେ ପକ୍ଷୀ ପ୍ରେମୀ ।
