LIVE TV
ସାହସ ଥିଲେ ସବୁ କିଛି ସମ୍ଭବ । କୁନି ଝିଅର ଉଗ୍ରରୂପ ଦେଖି ଚେନ୍ ଲୁଟେରା ଫେରାର୍ । ମହାରାଷ୍ଟ୍ରର ପୁଣେ ସହରର ଏପରି ଏକ ଦୃଶ୍ୟ ଦେଖିବାକୁ ମିଳିଛି । ଜେଜେ ମାଆଙ୍କ ସୁନା ଚେନ୍ ଲୁଟ୍ ବେଳେ ସାହସ ଦେଖାଇଛି ୧୦ ବର୍ଷିୟ ନାତୁଣି । ସାହସିକତାର ସହ ଲୁଟେରା ସହ ଲଢ଼ିଛି, ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି ।
ମହାରାଷ୍ଟ୍ର ପୁନେ ସହର ମଡେଲ କଲୋନୀ ଅଞ୍ଚଳରେ ଗତ ମାସ ୨୫ ତାରିଖରେ ଏହି ଘଟଣା ଘଟିଛି । ଭିଡିଓରେ ଦେଖିବାକୁ ମିଳୁଛି, ଦୁଇ ନାତୁଣି ଜେଜେମା’ଙ୍କ ସହ ରାସ୍ତାରେ ଯାଉଛନ୍ତି । ଏହି ସମୟରେ ଜଣେ ବ୍ୟକ୍ତି ବାଇକରେ ଆସି ବୃଦ୍ଧାଙ୍କ ବେକରୁ ସୁନା ଚେନ୍ ଝାମ୍ପିବା ପାଇଁ ଚେଷ୍ଟା କରିଥିଲା । ତେବେ ୧୦ ବର୍ଷୀୟା ନାତୁଣି ଏହା ଦେଖି ଲୁଟେରାକୁ କାବୁ କରିବା ପାଇଁ ଚେଷ୍ଟା କରିଥିଲା ।
Also Read
ଲୁଟେରାକୁ ଦେଖି ଭୟଭୀତ ନହୋଇ କୁନି ଝିଅଟି ତା’ ଉପରକୁ ଝାମ୍ପି ପଡ଼ିଥିଲା । ହାତରେ ଧରିଥିବା ପଲିଥିନ୍ ବ୍ୟାଗରେ ଜୋରରେ ଲୁଟେରାକୁ ମାରିବାରେ ଲାଗିଥିଲା । ଝିଅର ଏପରି ଅତର୍କିତ ଆକ୍ରମଣକୁ ସହ୍ୟ ନକରି ପାରି ଘଟଣାସ୍ଥଳରୁ ଚମ୍ପଟ ମାରିଥିଲା ଅଭିଯୁକ୍ତ ।
#WATCH | A 10-year-old girl foiled an attempt by a chain snatcher to snatch her grandmother's chain in Maharashtra's Pune City
— ANI (@ANI) March 10, 2023
The incident took place on February 25 & an FIR was registered yesterday after the video of the incident went viral.
(CCTV visuals confirmed by police) pic.twitter.com/LnTur7pTeU
ତେବେ ଏହି ଭିଡିଓ ଭାଇରାଲ ହେବା ପରେ ସିସିଟିଭି ଫୁଟେଜ୍ ଆଧାରରେ ମାମଲା ରୁଜୁ କରି ପୋଲିସ ତନାଘନା ଚଳାଇଛି । ତେବେ ସାହସୀ ଝିଅର ଲୁଟେରା ସହ ମୁକାବିଲା କରିବା ଭିଜୁଆଲ ଏବେ ଭାଇରାଲ ହେଉଛି । ଭିଡିଓ ଦେଖି ଲୋକେ ଝିଅର ସାହସିକତାକୁ ପ୍ରଶଂସା କରୁଛନ୍ତି ।
