LIVE TV
ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବହୁ ପ୍ରତିକ୍ଷୀତ ବାରାଣାସୀର କାଶୀ ବିଶ୍ୱନାଥ କରିଡର୍ ପ୍ରକଳ୍ପର ଲୋକାର୍ପଣ କରିବେ । ଏଥିପାଇଁ ବ୍ୟାପକ ପ୍ରସ୍ତୁତି କରାଯାଇଛି ବାରଣାସୀରେ ପହଞ୍ଚିବା ପରେ କାଳଭୈରବ ମନ୍ଦିରରେ ପୂଜାର୍ଚ୍ଚନା କରିଥିଲେ ପ୍ରଧାନମନ୍ତ୍ରୀ ମୋଦି । ଏହା ପରେ ସେ ଗଙ୍ଗା ନଦୀର ଖିରଖିରା ଘାଟରୁ ଲଳିତା ଘଧାଟକୁ ଷ୍ଟିମରରେ ଯାଇଥିଲେ । ଲଳିତା ଘାଟରେ ପବିତ୍ର ଗଂଗା ନଦୀରେ ସ୍ନାନ କରିବା ସହ ବୁଡ ପକାଇଥିଲେ ପ୍ରଧାନମନ୍ତ୍ରୀ ମୋଦି । ତା ସହିତ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଅନୁଧ୍ୟାନ କରିଛନ୍ତି ।
ଲୋକାର୍ପଣ ପୂର୍ବରୁ କାଶୀ ବିଶ୍ୱନାଥ ଧାମରେ ଏକ ବିଶାଳ ଅନୁଷ୍ଠାନ କରାଯାଇଥିଲା । ଜଳ ଅର୍ପଣ କରିବା ପରେ ପ୍ରଧାନମନ୍ତ୍ରୀ ମୋଦି ବାବା ଭୋଳାନାଥଙ୍କ ପୂଜା କରିଥିଲେ । ଦିନ ଗୋଟାଏରେ ଅର୍ଥାତ ଏବେ କାଶୀ ବିଶ୍ୱନାଥ କରିଡର ପ୍ରକଳ୍ପର ଲୋକାର୍ପଣ କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ବିଭିନ୍ନ ଧର୍ମ ସହ ଜଡିତ ୩ ହଜାରରୁ ଅଧିକ ସନ୍ଥ ଓ ବ୍ୟକ୍ତିତ୍ୱ ଯଜ୍ଞରେ ବସିଛନ୍ତି । କାଶୀ ବିଶ୍ୱନାଥର ପ୍ରସାଦ ପୂରା କାର୍ଯ୍ୟକ୍ରମର ସିଧା ପ୍ରସାରଣ କରାଯିବ । ଏ
ହି କରିଡର ହେବା ଫଳରେ କାଶୀ ବିଶ୍ୱନାଥ ମନ୍ଦିରରୁ ଗଙ୍ଗା ନଦୀକୁ ଯୋଡି ହେବ । ବିନା ଟ୍ରାଫିକ୍ ଓ ଭିଡରେ ଶ୍ରଦ୍ଧାଳୁ ପହଞ୍ଚି ପାରିବେ ଗଙ୍ଗା ନଦୀ କୂଳରେ । ମନ୍ଦିର ପାଖରେ ଫଟୋ ଗ୍ୟାଲେରୀ, ମ୍ୟୁଜିୟମ୍, ଅଡିଟୋରିୟମ୍ ଏବଂ ଶ୍ରଦ୍ଧାଳୁଙ୍କ ପାଇଁ ସ୍ୱତନ୍ତ୍ର ସ୍ଥାନ ତିଆରି ହୋଇଛି । କାଶୀ ବିଶ୍ୱନାଥ ମନ୍ଦିର ଛକରେ ମରାଠା ରାଣୀ ମହାରାଣୀ ଅହଲ୍ୟାବାଇଙ୍କ ପ୍ରତିମୂର୍ତ୍ତି ବି ଶୋଭା ପାଉଛି ।
୨୦୧୯ ମାର୍ଚ୍ଚ ମାସରେ କାଶୀ ବିଶ୍ୱନାଥ କରିଡର୍ ପ୍ରକଳ୍ପର ଶିଳାନ୍ୟାସ କରିଥିଲେ ପ୍ରଧାନମନ୍ତ୍ରୀ ପ୍ରକଳ୍ପ ପାଇଁ ୮୦୦ କୋଟି ଟଙ୍କା ଖର୍ଚ୍ଚ ହୋଇଛି । ମେଗା ପ୍ରୋଜେକ୍ଟର ଉଦଘାଟନ ପାଇଁ ଆଜି ସକାଳେ ପ୍ରଧାନମନ୍ତ୍ରୀ ମୋଦି ବାରାଣସୀ ବିମାନ ବନ୍ଦରରେ ଅବତରଣ କରିଥିଲେ ।
