ମ୍ୟାଡମ୍ ଦ୍ରୌପଦୀ ମୁର୍ମୁଙ୍କ ଅତ୍ୟାଧୁନିକ ମର୍ସିଡିଜ୍ ବେଞ୍ଜ S400 କାର୍‌

ରାଷ୍ଟ୍ରପତି ଭାବେ ଦାୟିତ୍ୱ ନେବା ପରେ ଏବେ ଦ୍ରୌପଦୀ ମୁର୍ମୁଙ୍କୁ ମିଳିଛି ଏକ ଅତ୍ୟାଧୁନିକ ଓ ସୁପର ପ୍ରୋଟେକ୍ଟେଡ୍ କାର୍। ଏହା କଳା ରଙ୍ଗର ମର୍ସିଡିଜ୍ ବେଞ୍ଜ S400 କାର୍‌। ବିଶ୍ୱର ଗୁରୁତ୍ୱପୂର୍ଣ୍ଣ ବ୍ୟକ୍ତି ବିଶେଷଙ୍କ ପାଖରେ ଥିବା ଅତ୍ୟାଧୁନିକ କାର୍ ଭଳି ଏଥିରେ ରହିଛି ଅନେକ ଅତ୍ୟାଧୁନିକ ଫିଚର୍। ଯାହା ଦେଶର ରାଷ୍ଟ୍ରମୁଖ୍ୟଙ୍କୁ ସମସ୍ତ ପ୍ରତିକୂଳ ପରିବେଶରେ ସୁରକ୍ଷିତ ରଖିଥାଏ।

ଜାଣନ୍ତୁ, ଏହି ଅତ୍ୟାଧୁନିକ କାର୍‌ରେ କ’ଣ ରହିଛି ବିଶେଷତ୍ୱ...

• ମର୍ସିଡିଜ୍ ବେଞ୍ଜ S400-କଷ୍ଟମାଇଜ୍ କାର୍, ଯାହାର ମୂଲ୍ୟ ୧୦ କୋଟି ଟଙ୍କା
• ଏହାକୁ ନିର୍ମାଣ କରିବାକୁ ପ୍ରାୟ ୧ ବର୍ଷ ଲାଗିଛି
• ଏହି କାର୍ ବୁଲେଟ୍ ଓ ବମ୍ ପ୍ରୁଫ୍
• ଖାଲି ଏତିକି ନୁହେଁ ଏହି କାର୍‌ ବାଲେଷ୍ଟିକ୍ ପ୍ରୋଟେକସନ୍ ମଧ୍ୟ। ଗୁଳି, ବୋମା, ଗ୍ୟାସ୍ ଆଟାକ୍ ହେଲେ କୌଣସି ବିି ଫରକ ପକାଇବ ନାହିଁ।
• କାର୍‌ରେ ରହିଛି ଅଟୋମେଟିକ୍ Hand Gun
• ଏଥରେ ଅଟୋମେଟିକ୍ ଲିକ୍ କଣ୍ଟ୍ରୋଲ ସିଷ୍ଟମ୍ ବି ରହିଛି
• କାର୍‌ରେ ରହିଛି ଏୟାର ପ୍ୟୁରିଫାଏର ସିଷ୍ଟମ୍‌।  ପ୍ରଦୂଷିତ ବାୟୁକୁ ସଫା କରି କାର୍ ଭିତରକୁ ସୁଦ୍ଧ ବାୟୁ ପହଞ୍ଚାଇଥାଏ।

ଯଦି, କୌଣସି ପରିସ୍ଥିତିରେ କାର୍‌ର ଚକ ଲିକ୍ ହୋଇଯାଏ, ତେବେ ବିନା ବାଧାବିଘ୍ନରେ କାର୍ ଚାଲି ପାରିବ। ପ୍ରଥମ ଥର ଲାଗି ଜଣେ ଆଦିବାସୀ ମହିଳା ଭାବେ ଦ୍ରୌପଦୀ ମୁର୍ମୁ ଦେଶର ରାଷ୍ଟ୍ରପତି ହୋଇଛନ୍ତି। ଦେଶର ପଞ୍ଚଦଶ ରାଷ୍ଟ୍ରପତି ଭାବେ ଓଡ଼ିଆ ଝିଅ ଦ୍ରୌପଦୀ ମୁର୍ମୁ ଆଜି ଶପଥ ନେଇଛନ୍ତି। 

OTV is now on Whatsapp

Join and get latest news update delivered to you via whatsapp

Join Now