କୁମାର ବିଶ୍ୱାସଙ୍କୁ ମିଳିବ କି ସୁରକ୍ଷା ? ଖଲିସ୍ତାନୀ ବୟାନ୍ ପରେ ଘନେଇଲା ବିପଦ

ଖଲିସ୍ତାନୀ ବୟାନ୍ ପରେ କବି କୁମାର ବିଶ୍ୱାସଙ୍କ ଜୀବନ ପ୍ରତି ଭୟ । ସୁରକ୍ଷା ଯୋଗାଇ ଦେଇପାରନ୍ତି କେନ୍ଦ୍ର ସରକାର । ଗତକାଲି ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଘେରିଥିଲେ କୁମାର । ପଞ୍ଜାବରେ ଆପ୍ କ୍ଷମତା ଦଖଲ କରିବା ସମ୍ଭାବନା ଭିତରେ ଦିଲ୍ଲୀ  ତାଙ୍କ ନାଁରେ ସଂଗୀନ ଅଭିଯୋଗ ଆଣିଛନ୍ତି  । କେଜ୍ରିଓ୍ୱାଲ କେତେ କ୍ଷମତା ଲୋଭୀ, ତାର ଉଦାହରଣ ଦେବାକୁ ଯାଇ କହିଛନ୍ତି ପଞ୍ଜାବର ମୁଖ୍ୟମନ୍ତ୍ରୀ ନଚେତ୍ ସ୍ୱାଧୀନ ରାଷ୍ଟ୍ର ଖଲିସ୍ତାନର ପ୍ରଧାନମନ୍ତ୍ରୀ ହେବା ଲାଗି କେଜ୍ରିୱାଲଙ୍କ ଅଭିଳାଷ ରହିଥିଲା । ଏହାକୁ ନେଇ ବିବାଦ ଉପୁଜିଛି ଏବଂ କୁମାର ବିଶ୍ୱାସଙ୍କ ସୁରକ୍ଷା ପ୍ରତି ମଧ୍ୟ ବିପଦ ରହିଛି । ଏହି କାରଣରୁ ଗୃହ ମନ୍ତ୍ରଣାଳୟ ବର୍ତ୍ତମାନ କୁମାର ବିଶ୍ୱାସଙ୍କ ସୁରକ୍ଷା ଉପରେ ସମୀକ୍ଷା କରୁଛି ।

#WATCH | Poet & former AAP leader Kumar Vishwas alleges AAP chief Arvind Kejriwal was supportive of separatists in Punjab

"One day, he told me he would either become CM (of Punjab) or first PM of an independent nation (Khalistan)," Vishwas says. pic.twitter.com/5ccGs9jNn3

— ANI (@ANI) February 16, 2022

ବୁଧବାର ଦିନ କେଜ୍ରିଓ୍ୱାଲଙ୍କୁ ଟାର୍ଗେଟ କରିଥିଲେ ପୁରୁଣା ସହଯୋଗୀ କୁମାର ବିଶ୍ୱାସ । ଅରବିନ୍ଦ କେଜ୍ରିୱାଲ ତାଙ୍କୁ କହିଥିଲେ, ସେ ପଞ୍ଜାବର ସିଏମ କିମ୍ବା ଖାଲିସ୍ତାନର ପ୍ରଧାନମନ୍ତ୍ରୀ ହେବାକୁ ଚାହୁଁଛନ୍ତି । ତାଙ୍କର ଏହି ବୟାନ ପରେ ରାଜନୈତିକ ଝଡ଼ ସୃଷ୍ଟି ହୋଇଛି । ତେବେ ବିଜେପି ତାଙ୍କ ଏହି ଭିଡିଓ ସେୟାର କରିଛି ।

ସେପଟେ କୁମାର ବିଶ୍ୱାସ ଏତେ ଦିନ ଧରି କାହିଁକି ଚୁପ୍ ଥିଲେ ବୋଲି ପ୍ରଶ୍ନ କରିଛନ୍ତି ଆପ ମୁଖପାତ୍ର ରାଘବ ଚଢା । କେଜ୍ରିୱାଲଙ୍କ ଭଳି ଜଣେ ସଚ୍ଚୋଟ ନେତାଙ୍କ ରାସ୍ତା ରୋକିବାକୁ ଏହା ଅସାଧୁ ଶକ୍ତିଙ୍କ ଷଡଯନ୍ତ୍ର ବୋଲି ସେ ଅଭିଯୋଗ କରିଛନ୍ତି । ପଞ୍ଜାବରେ ଦଳର ବିଜୟ ସମ୍ଭାବନାକୁ ଦେଖି କେଜ୍ରିଓ୍ୱାଲଙ୍କ ନାଁରେ ମିଥ୍ୟାପ୍ରଚାର କରାଯାଉଥିବା ସେ କହିଛନ୍ତି । ତେବେ ସେ ଯାହା କହିଛନ୍ତି ତାହା ସଂପୂର୍ଣ୍ଣ ସତ ବୋଲି କହିଛନ୍ତି କୁମାର ବିଶ୍ୱାସ ।

ଅନ୍ୟପଟେ ଏହି ଘଟଣାକ ନେଇ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନୀ କେଜ୍ରିୱାଲଙ୍କୁ ସମାଲୋଚନା କରିଛନ୍ତି । ଏହା ଆମ ଆଦମୀ ପାର୍ଟିର ପଞ୍ଜାବ ପାଇଁ ଅସଲି ଉଦ୍ଦେଶ୍ୟ ଓ ଯୋଜନା ବୋଲି ଟୁଇଟ୍ କରି କଟାକ୍ଷ କରିଛନ୍ତି । ପଞ୍ଜାବ ରାଜନୀତିରେ କଂଗ୍ରେସ, ବିଜେପି ଓ ଅକାଳୀ ଦଳର ଆଧିପତ୍ୟ ରହିଥିବା ବେଳେ ଆମ ଆଦମୀ ପାର୍ଟି ଏଥର ରାଜ୍ୟରେ କ୍ଷମତା ଦଖଲ କରିବା ସମ୍ଭାବନା ରହିଛି । ତେବେ ତାପୂର୍ବରୁ ପୁରୁଣା ସହଯୋଗୀ କୁମାର ବିଶ୍ୱାସ ଯେଉଁ ବିସ୍ଫୋରକ ବୟାନ ଦେଇଛନ୍ତି ଭୋଟରଙ୍କ ଉପରେ ତାର ପ୍ରଭାବ ପଡୁଛି ନା ନାହିଁ ତାହା ଦେଖିବା କଥା ।