LIVE TV
ସ୍ବଚ୍ଛତା ଭାରତ ଅଭିଯାନକୁ ପୁରିଲା ୧୦ ବର୍ଷ । ଦେଶବାସୀଙ୍କ ସହଯୋଗରେ ହିଁ ସ୍ବଚ୍ଛତା ଅଭିଯାନକୁ ୧୦ ବର୍ଷ ପୂରିଲା ବୋଲି ଆଜି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ସହ ସେ କହିଛନ୍ତି ଯେ, ‘ସ୍ବଚ୍ଛ ଭାରତ ମିଶନ’ ସ୍ମରଣୀୟ ହୋଇ ରହିବ ।
ନୂଆଦିଲ୍ଲୀରେ ଆୟୋଜିତ କାର୍ଯ୍ୟକ୍ରମରେ ମୋଦି ଉଦବୋଧନ ରଖି କହିଛନ୍ତି ଯେ, ବିବାହ, ବ୍ରତଘର କାର୍ଯ୍ୟକ୍ରମରେ ସ୍ବଚ୍ଛତାର ସନ୍ଦେଶ ଦେଖିବାକୁ ମିଳୁଛି । ପ୍ଲାଷ୍ଟିକ ବନ୍ଦ ପରେ ଜନସାଧାରଣଙ୍କ ସହଯୋଗ ଅତୁଳନୀୟ ସାବ୍ୟସ୍ତ ହୋଇଛି। ଝୋଟ ବ୍ୟାଗ ଓ କାଗଜ ପ୍ଲେଟ ପ୍ରସ୍ତୁତ କରି ସହଯୋଗ କରିଛନ୍ତି, ଏହି ଅଭିଯାନ କେବଳ ଗୋଟିଏ ଦିନ ନୁହେଁ, ପିଢ଼ିପିଢ଼ି ଧରି ଚାଲିବା ଦରକାର ।
Also Read
କେବଳ ସେତିକି ନୁହେଁ ମୋଦି କହିଛନ୍ତି, ଏ ଶତାଦ୍ଦୀର ସ୍ବଚ୍ଛ ଭାରତ ସବୁଠୁ ବଡ଼ ଓ ସଫଳ ଜନ ସଂକଳ୍ପ ହୋଇପାରିଛି । ୨୧ ଶତାଦ୍ଦୀର ସ୍ବଚ୍ଛ ଭାରତ ମିଶନ ସର୍ବଦା ସ୍ମରଣୀୟ ରହିବ ।
ଏପଟେ ଆଜି ଗାନ୍ଧୀ ଜୟନ୍ତୀ ଅବସରରେ ନେହରୁ ଯୁବ କେନ୍ଦ୍ର ପକ୍ଷରୁ ସ୍ବଚ୍ଛତା ହିଁ ସେବା କାର୍ଯ୍ୟକ୍ରମରେ ପୁରୀ ବେଳାଭୂମି ସଫେଇ କାରାଯାଇଛି। ମହାତ୍ମାଗାନ୍ଧୀ ସ୍ବଚ୍ଛତା ଉପରେ ଗୁରୁତ୍ୱ ଦେଉଥିଲେ। ଉତ୍ତମ ପରିବେଶ ସୃଷ୍ଟି ହେଲେ ଭଲ ମଣିଷ ସୃଷ୍ଟି ହେବେ ଏଭଳି, କିଛି ବାର୍ତ୍ତା ନେଇ ବେଳାଭୂମି ସଫେଇରେ ସାମିଲ ହୋଇଛନ୍ତି ସାଂସଦ ସମ୍ବିତ ପାତ୍ର। ନେହରୁ ଯୁବ କେନ୍ଦ୍ର ଭଲ୍ୟୁଣ୍ଟର ମାନେ ସଫେଇ କାର୍ଯ୍ୟକ୍ରମରେ ସାମିଲ ହୋଇଥିଲେ। କାର୍ଯ୍ୟକ୍ରମରେ ମିଶନ ଓଡିଶା, ଟ୍ରେକିଂ କ୍ଲବ, ସାର୍ସ ଓଡିଶାର ସ୍ବେଚ୍ଛାସେବୀ ମାନେ ମଧ୍ୟ ଯୋଗଦାନ କରିଥିଲେ।
