୮ ରାଜ୍ୟର PFI କାର୍ଯ୍ୟାଳୟ ଉପରେ ଦ୍ୱିତୀୟ ରାଉଣ୍ତ ଚଢ଼ାଉ; ୮୦ରୁ ଅଧିକ ସଦସ୍ୟ ଗିରଫ

ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ(PFI) ର ବିଭିନ୍ନ କାର୍ଯ୍ୟାଳୟ ଉପରେ ପୁଣି ଦେଶବ୍ୟାପୀ ଚଢାଉ । ଆଜି ଉତ୍ତରପ୍ରଦେଶ, ମହାରାଷ୍ଟ୍ର, କର୍ଣ୍ଣାଟକ, ମଧ୍ୟପ୍ରଦେଶ, ଆସାମ, ଦିଲ୍ଲୀ, ତେଲେଙ୍ଗାନାର ବିଭିନ୍ନ ସ୍ଥାନରେ ରେଡ୍‌ ସହ ୮୦ରୁ ଅଧିକ ପିଏଫଆଇ ସଦସ୍ୟଙ୍କୁ ଗିରଫ କରାଯାଇଛି । 

ବେଆଇନ କାରବାର ନେଇ ମହାରାଷ୍ଟ୍ର ନାସିକ ପୋଲିସ ସଙ୍ଗଠନର ଦୁଇ ସଦସ୍ୟଙ୍କୁ ଗିରଫ କରାଯାଇଛି । ସେହିପରି କର୍ଣ୍ଣାଟକରେ ୭୫ ପିଏଫଆଇ ସଦସ୍ୟଙ୍କୁ ମଧ୍ୟ ଗିରଫ କରାଯାଇଛି । ଗିରଫଙ୍କ ମଧ୍ୟରେ ଅଛନ୍ତି ଏସଡିପିଆଇ ୟାଦଗିରି ଜିଲ୍ଲା ସଭାପତି ।

Also Read

ଟୋକିଓରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି; ସିଞ୍ଜୋ ଆବେଙ୍କ ଅନ୍ତ୍ୟେଷ୍ଟିରେ ଯୋଗଦେବେ

Read More

ବମିଖାଲ ଇ-ସ୍କୁଟର ସୋରୁମ୍‌ରେ ଅଗ୍ନିକାଣ୍ତ

Read More

ଅଶୋକ ଗେହଲଟଙ୍କୁ ମିଳିବନି କଂଗ୍ରେସ ମୁଖିଆ ପଦ 

Read More

ସେହିପରି ମହାରାଷ୍ଟ୍ର ଥାନେ କ୍ରାଇମବ୍ରାଞ୍ଚ ପକ୍ଷରୁ ୪ ଜଣଙ୍କୁ ଗିରଫ କରିଛି । ଗତ ସେପ୍ଟେମ୍ବର ୨୨ ତାରିଖରେ ମଧ୍ୟ ଦେଶବ୍ୟାପୀ ଚଢାଉ କରାଯାଇଥିଲା ।  ଆତଙ୍କୀ କାର୍ଯ୍ୟକଳାପ ଅଭିଯୋଗରେ ବର୍ତ୍ତମାନ ସୁଦ୍ଧା ୨ ଶହରୁ ଅଧିକଙ୍କୁ ଗିରଫ କରାଗଲାଣି ।

ବର୍ତ୍ତମାନ ତଦନ୍ତ ଏଜେନ୍ସିଙ୍କ ରାଡାର୍‌ରେ ରହିଛି ପିଏଫ୍‌ଆଇ। ଏନ୍‌ଆଇଏ ଏବଂ ଇଡି ଅତୀତରେ PFIର ୧୦୦ରୁ ଅଧିକ ସ୍ଥାନରେ ଚଢ଼ାଉ କରିଥିଲେ। ବର୍ତ୍ତମାନ PFI ଉପରେ ବ୍ୟାନ୍‌ର ଖଣ୍ଡା ଝୁଲୁଛି। ସେପ୍ଟେମ୍ବର ୨୨ରେ, ଏନଆଇଏ, ଇଡି ଏବଂ ରାଜ୍ୟ ପୁଲିସ ବିଭିନ୍ନ ସ୍ଥାନରେ ଚଢ଼ାଉ କରି PFI ସହ ଜଡିତ ୧୦୬ଜଣଙ୍କୁ ଗିରଫ କରିଥିଲେ। ଏହାପୂର୍ବରୁ, NIA PFI ସହିତ ଜଡିତ ଲୋକଙ୍କ ବିରୋଧରେ ମାମଲା ରୁଜୁ କରିଥିଲା। ସେପ୍ଟେମ୍ବର 22 ରେ, ସାରା ଦେଶରେ PFI ବିରୋଧରେ କାର୍ଯ୍ୟାନୁଷ୍ଠାନରେ, NIA UAPA ଅଧୀନରେ ୫ଟି FIR ରୁଜୁ କରିଛି।

OTV is now on Whatsapp

Join and get latest news update delivered to you via whatsapp

Join Now