PF Withdrawals Via ATM: EPFO ଗ୍ରାହକଙ୍କ ପାଇଁ ଖୁସି ଖବର; ATMରୁ ଉଠାଇପାରିବେ PF ଟଙ୍କା , ଜାଣନ୍ତୁ କେମିତି...

ଇପିଏଫଓ ଗ୍ରାହକଙ୍କ ପାଇଁ ଖୁସି ଖବର । ଇପିଏଫଓ ହିତାଧିକାରୀଙ୍କ ପାଇଁ ଆସିଲା ବଡ ଖବର । ଏଣିକି ସହଜରେ ଉଠାଇ ପାରିବେ ଟଙ୍କା। ସରଳ ହେବ ବ୍ୟବସ୍ଥା। ଏଥି ପାଇଁ ଶ୍ରମ ମନ୍ତ୍ରଣାଳୟ କରୁଛି ବଡ଼ ଯୋଜନା। ଆସନ୍ତା ବର୍ଷ ଆରମ୍ଭରୁ ପିଏଫ ଖାତାଧାରୀମାନେ ସିଧାସଳଖ ଏଟିଏମ୍‌ରୁ ଉଠାଇପାରିବେ ନିଜର ପିଏଫ୍‌ ଟଙ୍କା । ଶ୍ରମ ସଚିବ ସୁମିତା ଦାୱରା ବୁଧବାର ଏହି ବଡ଼ ଘୋଷଣା କରିଛନ୍ତି। 

ଶ୍ରମ ମନ୍ତ୍ରଣାଳୟ ଦେଶର ଏକ ବୃହତ କର୍ମଚାରୀଙ୍କୁ ଉନ୍ନତ ସେବା ପ୍ରଦାନ କରିବା ପାଇଁ ଏହାର ଆଇଟି ବ୍ୟବସ୍ଥାର ଉନ୍ନତୀକରଣ କରୁଛି । "ଆମେ ସଦସ୍ୟମାନଙ୍କ ଦ୍ୱାରା ଦାଖଲ କରାଯାଇଥିବା ଦାବିଗୁଡ଼ିକୁ ଶୀଘ୍ର ସମାଧାନ କରୁଛୁ ଏବଂ ସହଜ ଜୀବନଧାରଣରେ ଉନ୍ନତି ଆଣିବା ପାଇଁ ପ୍ରକ୍ରିୟାକୁ ସରଳ କରୁଛୁ । ଏଣିକି ଜଣେ ଦାବିଦାର ହିତାଧିକାରୀ ସିଧାସଳଖ ଏଟିଏମରୁ ନିଜର କ୍ଲେମ ଟଙ୍କା ଉଠାଇପାରିବେ। ଏହା ଦ୍ୱାରା ମାନବ ହସ୍ତକ୍ଷେପ ହ୍ରାସ ପାଇବ ଓ ପ୍ରକ୍ରିୟା ସହଜ ହେବ । 

ଅଧିକ ପଢନ୍ତୁ: Viral Video: ମରିଗଲା ମାନବିକତା; ଦୁର୍ଘଟଣା ପରେ ଉଦ୍ଧାର ନକରି କାଢ଼ି ନେଲେ ଗହଣା

ଶ୍ରମ ସଚିବ ଆହୁରି କହିଛନ୍ତି ଯେ, "ଏହି ବ୍ୟବସ୍ଥାକୁ କ୍ରମାଗତ ଭାବେ ଉନ୍ନତ କରାଯାଉଛି। ପ୍ରତି ୨ରୁ ୩ ମାସରେ ଉଲ୍ଲେଖନୀୟ ଉନ୍ନତି ଦେଖିବାକୁ ମିଳିବ। ମୋର ବିଶ୍ୱାସ ଯେ ଜାନୁଆରୀ ୨୦୨୫ରୁ ଏକ ବଡ ପରିବର୍ତ୍ତନ ଆସିବ ଯେତେବେଳେ ଆମପାଖରେ ଇପିଏଫଓରେ ଆଇଟି ୨.୧ ଭର୍ସନ ରହିବ । ସେ କହିଥିଲେ ଯେ ଆମର ଲକ୍ଷ୍ୟ ହେଉଛି ଇପିଏଫଓର ଆଇଟି ଭିତ୍ତିଭୂମିକୁ ଆମର ବ୍ୟାଙ୍କିଙ୍ଗ ବ୍ୟବସ୍ଥାର ସ୍ତରକୁ ଆଣିବା । ଇପିଏଫ୍ଓ ଅର୍ଥାତ୍ କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନରେ ପ୍ରାୟ ୭୦ ନିୟୁତ ସକ୍ରିୟ ଯୋଗଦାନକାରୀ ଅଛନ୍ତି। ସହଜ ଜୀବନଧାରଣକୁ ବୃଦ୍ଧି କରିବା ପାଇଁ ଇପିଏଫଓ ସେବାରେ ଉନ୍ନତି ଆଣିବା ଦିଗରେ ସରକାରଙ୍କ ପ୍ରୟାସକୁ ଶ୍ରମ ସଚିବ ପ୍ରଶଂସା କରିଥିଲେ ।

କେମିତି ଏହା କାମ କରିବ ? 

ବ୍ୟାଙ୍କ ଏଟିଏମ୍‌ କାର୍ଡ଼ ପରି ପିଏଫ୍‌ ଟଙ୍କା ମଧ୍ୟ ସମାନ ଭାବରେ ଆପଣ ଉଠାଇ ପାରିବେ। ତେବେ, ଆପଣଙ୍କର ମୋଟ PF ବାଲାନ୍ସର ୫୦% ଟଙ୍କା ଉଠାଇ ପାରିବେ। 

ଶ୍ରମ ସଚିବ ସୁମିତା ଦାୱରାଙ୍କ ସୂଚନା ଅନୁଯାୟୀ, ଏବେ କ୍ଲେମ୍‌ ପ୍ରୋସେସିଂ ବହୁତ୍‌ ଜଲଦି ହେଉଛି। ଆଇଟିରେ ଅନାବଶ୍ୟକ କାମ ହଟା ଯାଉଛି ।

ଏହି ସୁବିଧାଗୁଡିକ କାର୍ଯ୍ୟକାରୀ କରିବା ପାଇଁ ଏକ ସମୟସୀମା ନିର୍ଦ୍ଦିଷ୍ଟ କରାଯାଇ ନଥିବାବେଳେ, ଉନ୍ନତ ପର୍ଯ୍ୟାୟରେ ଉଦ୍ୟମ ହୋଇଥିବା ସୂଚନା ଦେଇଛନ୍ତି ଶ୍ରମ ସଚିବ।

ବର୍ତ୍ତମାନ, EPFO​​ର ୭୦ ମିଲିୟନରୁ ଅଧିକ ସକ୍ରିୟ ହିତାଧିକାରୀ ଅଛନ୍ତି । ପ୍ରତ୍ୟାହାର ନିୟମ ଅପରିବର୍ତ୍ତିତ ରହିଛି: କର୍ମଚାରୀମାନେ ଚାକିରୀ କରୁଥିବା ସମୟରେ PF ପ୍ରତ୍ୟାହାର କରିପାରିବେ ନାହିଁ ।

ଯଦି ଗୋଟିଏ ମାସ ପାଇଁ ବେକାର ରହନ୍ତି, ସେମାନେ ସେମାନଙ୍କର ବାଲାନ୍ସର ୭୫% ପ୍ରତ୍ୟାହାର କରିପାରିବେ ଏବଂ ଦୁଇମାସ ପରେ ପୂରା ଟଙ୍କା ମଧ୍ୟ ଉଠାଇ ପାରିବେ। 

ଅଧିକ ପଢନ୍ତୁ: ୱାନ୍ ନେସନ, ୱାନ୍ ଇଲେକ୍ସନ ବିଲ୍‌କୁ କେନ୍ଦ୍ର କ୍ୟାବିନେଟର ମଞ୍ଜୁରୀ!