LIVE TV
ନୂଆଦିଲ୍ଲୀ : ଥମୁନି ପେଗାସସ୍ ବିବାଦ । ମଙ୍ଗଳବାର ଦିନ ପୁଣି ଥରେ ପେଗାସସ୍ ମାମଲାକୁ ନେଇ ସୁପ୍ରିମକୋର୍ଟରେ ଶୁଣାଣି ହୋଇଛି । ସରକାରଙ୍କୁ ଆବେଦନ ପିଟିସନର ଏକ ନକଲ ପ୍ରଦାନ କରାଯାଇଥିବା ସୁପ୍ରିମକୋର୍ଟରେ ସୂଚନା ଦେଇଛନ୍ତି ଆବେଦନକାରୀ । ଶୁକ୍ରବାର ପରେ ହିଁ ଏହି ମାମଲାର ଶୁଣାଣି କରାଯାଉ ବୋଲି କେନ୍ଦ୍ର ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହେଟ୍ଟାଙ୍କ ଦ୍ୱାରା ଏକ ଆବେଦନ କରାଯାଇଥିଲା । ଆବେଦନକାରୀ ଯଶୱନ୍ତ ସିହ୍ନାଙ୍କ ବ୍ୟତୀତ ଅନ୍ୟ ସମସ୍ତଙ୍କ ଆବେଦନ ମିଳିଥିବା ସୂଚନା ଦେଇଛନ୍ତି ସରକାର । ଏହି ମାମଲାରେ ଆବେଦନକାରୀମାନେ କୋର୍ଟରେ ଆବେଦନ କରିଥିଲେ ଏବଂ କେନ୍ଦ୍ରକୁ ବିଜ୍ଞପ୍ତି ଜାରି କରିବାକୁ କହିଥିଲେ । ତେବେ ସୁପ୍ରିମକୋର୍ଟ ବିଜ୍ଞପ୍ତି ପ୍ରକାଶ କରିବାକୁ ମନା କରିଦେଇଥିଲେ ଏବଂ ସୋମବାର ପର୍ଯ୍ୟନ୍ତ ଶୁଣାଣି ସ୍ଥଗିତ ରଖିଥିଲେ ।
ଶୁଣାଣି ସମୟରେ କୋର୍ଟ ମଧ୍ୟ କିଛି କଠୋର ଆଭିମୁଖ୍ୟ ଗ୍ରହଣ କରିଛନ୍ତି। କିଛି ଆବେଦନକାରୀ ସୋସିଆଲ ମିଡିଆରେ ଏହି ପ୍ରସଙ୍ଗରେ ଯୁକ୍ତିତର୍କ କରୁଛନ୍ତି, ସମସ୍ତ ବିତର୍କ କୋର୍ଟରେ କରାଯିବା ଉଚିତ । ଆବେଦନକାରୀମାନେ ସୋସିଆଲ ମିଡିଆରେ ନିଜେ ଯୁକ୍ତି କରିବାକୁ ଚାହୁଁଥିଲେ, ଏହା ସେମାନଙ୍କ ଉପରେ ନିର୍ଭର କରେ । ଆଡଭୋକେଟ୍ କପିଲ ସିବଲ ମଧ୍ୟ କୋର୍ଟର ଏହି ପ୍ରସଙ୍ଗରେ ସହମତି ପ୍ରକାଶ କରିଥିଲେ । ପ୍ରଧାନ ବିଚାରପତି ସମସ୍ତ ଆବେଦନକାରୀ ଏବଂ ଓକିଲଙ୍କୁ କୋର୍ଟ ଉପରେ ବିଶ୍ୱାସ ରଖିବାକୁ କହିଛନ୍ତି । ଯଦି କୌଣସି ମାମଲାକୁ ବୁଝିବା ପାଇଁ ପ୍ରଶ୍ନ କରୁଛନ୍ତି, ତେବେ ଏହାର ଭୁଲ ବ୍ୟାଖ୍ୟା କରନ୍ତୁ ନାହିଁ । ଏହା ଏକ ଗମ୍ଭୀର ପ୍ରସଙ୍ଗ, ତେଣୁ ଏହାକୁ ଗମ୍ଭୀରତାର ସହ ନିଆଯିବା ଆବଶ୍ୟକ ।
Also Read
ସୂଚନାଯୋଗ୍ୟ ପେଗାସସ୍ ମାମଲାକୁ ସଂନେଇ ସଂସଦରୁ ସଡ଼କ ପର୍ଯ୍ୟନ୍ତ ହଙ୍ଗାମା ସୃଷ୍ଟି ହୋଇଥିଲା । ଆଉ ଏହା ପରେ ମାମଲା ସୁପ୍ରିମକୋର୍ଟ ପର୍ଯ୍ୟନ୍ତ ପହଞ୍ଚିଥିଲା । ପେଗାସସ୍ ମାମଲାରେ ପ୍ରାୟ ନଅଟି ପିଟିସନ ଦାଖଲ କରାଯାଇଛି, ଯେଉଁଥିରେ ଘଟଣାର ତଦନ୍ତ ପାଇଁ ଏକ ଆବେଦନ କରାଯାଇଛି । ଇସ୍ରାଏଲର ସ୍ପାଇୱେୟାର ପେଗାସସ୍ ବ୍ୟବହାର କରାଯାଇ ସରକାର ବଡ଼ ବଡ଼ ହସ୍ତୀଙ୍କ ସମ୍ପର୍କରେ ଗୁଇନ୍ଦାଗିରି ଚଳାଇଥିବା ଅଭିଯୋଗ ହୋଇଥିଲା । ଏଥିରେ କଂଗ୍ରେସ ସାଂସଦ ରାହୁଲ ଗାନ୍ଧୀ, ଅନେକ ବଡ଼ ବଡ଼ ନେତାଙ୍କ ସମେତ ଦେଶର ଅନେକ ସେଲିବ୍ରିଟିଙ୍କ ନାମ ସାମିଲ ରହିଛି । ସଂସଦର ମୌସୁମୀ ଅଧିବେଶନରେ ବିରୋଧୀଦଳ କ୍ରମାଗତ ଏହି ପ୍ରସଙ୍ଗ ଉଠାଇ ଗୃହରେ ହଙ୍ଗାମା କରୁଥିଲେ । ତେବେ ସରକାର ସଂସଦରେ କହିଛନ୍ତି ସେମାନଙ୍କ ପକ୍ଷରୁ ଏଭଳି ଗୁପ୍ତଚର କାର୍ଯ୍ୟ କରାଯାଇ ନାହିଁ ।
