ମୁମ୍ବାଇର ଇଷ୍ଟ ସାଇବର ଡିଭିଜନର ଇମେଲ ଆଇଡି ହ୍ୟାକ୍ କଲେ ପାକିସ୍ତାନୀ ହ୍ୟାକର୍ସ

ମୁମ୍ବାଇ : ଭାରତର ସାଇବର୍ ଡିଭିଜନ୍ ଉପରେ ଶତ୍ରୁ ଦେଶ ହ୍ୟାକର୍ସଙ୍କ ଆଖି । ପାକିସ୍ତାନୀ ହ୍ୟାକରମାନେ ମୁମ୍ବାଇର ଇଷ୍ଟ ସାଇବର ଡିଭିଜନର ଇମେଲ ଆଇଡି ହ୍ୟାକ୍ କରିଛନ୍ତି । ହ୍ୟାକିଂ ପରେ ତଥ୍ୟ ଚୋରି କରିବାକୁ ଚେଷ୍ଟା କରାଯାଇଛି । ଏକ ଇମେଲ ଆଇଡିରୁ ପୋଲିସ ଅଧିକାରୀଙ୍କୁ ଫିସିଂ ମେଲ ପଠାଯାଉଛି, ଆଉ ତଥ୍ୟ ଚୋରି କରିବାକୁ ଚେଷ୍ଟା କରାଯାଇଛି । ହ୍ୟାକିଂ ଉଦ୍ୟମ ପରେ ପରେ ମହାରାଷ୍ଟ୍ର ସାଇବର ବିଭାଗ ରାଜ୍ୟର ସମସ୍ତ ପୋଲିସ କମିଶନର ଏବଂ ପୋଲିସ ଅଧୀକ୍ଷକଙ୍କୁ ଏ ବାବଦରେ କୌଣସି ଇମେଲ ନଖୋଲିବାକୁ ନିର୍ଦ୍ଦେଶ ଦେଇଛନ୍ତି ।

ପାକିସ୍ତାନୀ ହ୍ୟାକରମାନେ ଏକ ଗୁପ୍ତ PDF ରିପୋର୍ଟ ଫାଇଲକୁ ଇମେଲରେ ପଠାନ୍ତି । ଆପଣ ଏହି ଫାଇଲ୍ ଡାଉନଲୋଡ୍ କରିବା ମାତ୍ରେ ଡାଟା ଚୋରି ହୋଇଯାଏ । ମହାରାଷ୍ଟ୍ର ସାଇବର ବିଭାଗ ଏଭଳି ଇମେଲ ନଖୋଲିବାକୁ ରାଜ୍ୟର ସମସ୍ତ ପୋଲିସ କମିଶନର ତଥା ପୋଲିସ ଅଧୀକ୍ଷକଙ୍କୁ ନିର୍ଦ୍ଦେଶ ଦେଇଛି ।

ସାଇବର ଅଧୀକ୍ଷକ ସଞ୍ଜୟ ସିନତ୍ରେ ଏହି ନିର୍ଦ୍ଦେଶ ଦେଇଛନ୍ତି । RAJESH SHIVAJIRAO NAGAVADE ps.eastcyber.mum@mahapolice.gov.in ଇମେଲ id ରୁ ପଠାଯାଉଥିବା ଇମେଲ ନ ଖୋଲିବାକୁ ସମସ୍ତ ପୋଲିସ କମିଶନର ଏବଂ ପୋଲିସ ଅଧୀକ୍ଷକମାନଙ୍କୁ ସତର୍କ କରାଯାଇଛି ।

Also Read

୨୪ ଘଣ୍ଟାରେ ରାଜ୍ୟରେ ୬୧୫ କରୋନା ସଂକ୍ରମିତ ଚିହ୍ନଟ

ଶୋଇଥିବା ବେଳେ ଛାତ ଚିରି ମହିଳାଙ୍କ ବେଡ୍ ଉପରେ ଖସି ପଡ଼ିଲା ଉଲକାପିଣ୍ଡ

ହାତରେ ଲୋଟା ଧରି ଦୌଡ଼ିଲେ ବୟସ୍କା ମହିଳା, ଜୋରଦାର ହେଲା ରେସ୍‌

ଏହା ଇମେଲ ସ୍ପୁଫିଙ୍ଗର ଏକ ରୂପ । ଏଥିରେ ଜଣେ ବ୍ୟକ୍ତିଙ୍କ ନାମ ବ୍ୟବହାର କରି ଏକ ଇମେଲ ପଠାଇ ଥାଅନ୍ତି ହ୍ୟାକର୍ସ । କିନ୍ତୁ ପ୍ରକୃତ କଥା ହେଲେ ଏହି ଇମେଲ୍ ସେହି ବ୍ୟକ୍ତିଙ୍କ ଦ୍ୱାରା ପଠାଯାଏ ନାହିଁ । ମହାରାଷ୍ଟ୍ର ସାଇବର ବିଭାଗ ଏହି ଘଟଣାର ତଦନ୍ତ କରୁଛି ।

OTV is now on Whatsapp

Join and get latest news update delivered to you via whatsapp

Join Now