Pak Misleads With Edited Video: ଲୋକଙ୍କୁ ଦେଖାଉଥିଲା ଏଡିଟେଡ୍ ଭିଡିଓ, ଖୋଲିଲା ମିଛୁଆ ପାକିସ୍ତାନର ପୋଲ୍

ପୁଣି ଖୋଲିଲା ମିଛୁଆ ପାକିସ୍ତାନର ପୋଲ୍ । ଭାରତ ବିରୋଧରେ ମିଛ ଖବର ପ୍ରସାରଣ କରୁଥିଲା ପାକିସ୍ତାନ । ଫଲସ ପ୍ରୋପାଗଣ୍ଡା ଚଳାଇଥିଲା । ସତ କଥାକୁ ମୋଡ଼ି ମକଚି ଫେକ୍ ନ୍ୟୁଜ୍ କରୁଥିଲା । ଭାରତୀୟ ସେନା ପୂର୍ବରୁ ଏହାର ପୋଲ୍ ଖୋଲି ସାରିଥିବା ବେଳେ ଏବେ ପୁଣିଥରେ ସାମନାକୁ ଆସିଛି ପାକିସ୍ତାନର ଆଉ ଏକ ମିଛ ଏଜେଣ୍ଡା । ପାକିସ୍ତାନ ସରକାରଙ୍କ ପକ୍ଷରୁ ଇଣ୍ଟର ସର୍ଭିସେସ୍ ପବ୍ଲିକ ରିଲେସନ୍-ISPR ଡିଜି ଜେନେରାଲ୍ ଅହମ୍ମଦ ସରିଫ ଚୌଧୁରୀ କିଭଳି ପ୍ରେସମିଟରେ ଭାରତ ଏୟାରବେସ୍‌ ଉପରେ ଆଟାକ୍ କରିବାର ମିଛ ଓ ଏଡିଟେଡ୍ କ୍ଲିପିଂ ଦେଖାଉଥିଲେ ତାହା ସାମନାକୁ ଆସିଛି । 

ପାକିସ୍ତାନୀ ସେନା ଅନ୍ତର୍ଜାତୀୟ ଗଣମାଧ୍ୟମକୁ ବିଭ୍ରାନ୍ତ କରିବାକୁ ଭାରତୀୟ ଏୟାରବେସ୍ ଉପରେ ହମଲା କରିଥିବା ନେଇ ଭାରତ ସରକାରଙ୍କ ପ୍ରେସ ବ୍ରିଫିଂର ଏକ ଭିଡିଓକୁ ଏଡିଟ୍ କରି ଦେଖାଉଥିଲେ । ସେଇଠି ନିଜେ ISPR ଡିଜି ଜେନେରାଲ୍ ଅହମ୍ମଦ ସରିଫ ଚୌଧୁରୀ ଉପସ୍ଥିତ ଥିଲେ । ଭାରତୀୟ ବାୟୁସେନା ଅଧିକାରୀ ୱିଙ୍ଗ କମାଣ୍ଡର ବ୍ୟୋମିକା ସିଂଙ୍କ ପ୍ରେସ ବ୍ରିଫିଂକୁ ଏଡିଟ୍ କରି ଦେଖାଇଥିଲା ପାକିସ୍ତାନ ସେନା । ଯାହାକି ବାସ୍ତବରେ ଭାରତୀୟ ସେନା ଦ୍ୱାରା ପାକିସ୍ତାନ ଏୟାରଫିଲ୍ଡ ଧ୍ୱଂସ ହେବାର ଫୁଟେଜ୍ ଥିଲା ।

ଅଧିକ ପଢ଼ନ୍ତୁ: ଅପରେସନ ସିନ୍ଦୂରରେ ଘାଇଲା ପାକ୍, DGMO ଦେଲେ ସବିଶେଷ ତଥ୍ୟ

କିନ୍ତୁ ନିଜ ଦୁର୍ବଳତା ଓ ବିଫଳତା ଲୁଚାଇବାକୁ ପାକିସ୍ତାନ ମିଛ ପ୍ରୋପାଗଣ୍ଡାର ସାହାରା ନେଇ ଭାରତକୁ ବଦନାମ କରିବାକୁ ଚେଷ୍ଟା କରିଥିଲା । ଗତ ୧୦ ତାରିଖରେ ଗ୍ରୁପ କ୍ୟାପଟେନ୍ ବ୍ୟୋମିକା ସିଂଙ୍କ ଅନ ଏଡିଟେଡ୍ ପ୍ରେସ ବ୍ରିଫିଂ ଦେଖିଲେ ଏକଥା ସଫା ସଫା ସ୍ପଷ୍ଟ ହୋଇଯାଇଛି । ଏନେଇ ପିଆଇବି ପକ୍ଷରୁ ଉଭୟ ଏଡିଟେଡ୍ ଓ ଅରିଜିନାଲ ଭିଡିଓ ପୋଷ୍ଟ କରି ମିଛୁଆ ପାକିସ୍ତାନର ପୋଲ୍ ଖୋଲାଯାଇଛି ।