LIVE TV
ଆଗାମୀ ୨ ବର୍ଷ ମଧ୍ୟରେ ପାକିସ୍ତାନ ଅଧିକୃତ କାଶ୍ମୀର ଭାରତର ଏକ ଅଂଶ ହୋଇଯିବ । କେନ୍ଦ୍ରମନ୍ତ୍ରୀ କପିଲ୍ ପାଟିଲ ଏହି ମନ୍ତବ୍ୟ ଦେଇଛନ୍ତି । ଏହାସହ ସେ ଦେଶର ବିକାଶ ପାଇଁ ଉଚିତ୍ ପଦକ୍ଷେପ ନେଉଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହାଙ୍କ ପ୍ରଶଂସା ମଧ୍ୟ କରିଛନ୍ତି ।
Also Read
ସୂଚନା ଅନୁସାରେ, କେନ୍ଦ୍ରମନ୍ତ୍ରୀ କପିଲ୍ ପାଟିଲ ମହାରାଷ୍ଟ୍ର ଠାଣେ ସ୍ଥିତ କଲ୍ୟାଣ ସହରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଏହି ମନ୍ତବ୍ୟ ଦେଇଛନ୍ତି । କାର୍ଯ୍ୟକ୍ରମରେ ସେ କହିଛନ୍ତି ଯେ, “ମୋଦି କେବଳ ଆଳୁ ଓ ପିଆଜ ଦାମ୍ କମାଇବା ପାଇଁ ପ୍ରଧାନମନ୍ତ୍ରୀ ହୋଇନାହାଁନ୍ତି । ପିଆଜ ଦାମ୍ ବୃଦ୍ଧି ହେଲେ ଲୋକମାନେ ଅଭିଯୋଗ କରନ୍ତି ହେଲେ ସେମାନେ ମଟନ ଏବଂ ପିଜ୍ଜାକୁ ଅଧିକ ମୂଲ୍ୟରେ କିଣିବା ପାଇଁ ଆଦୌ ସଙ୍କୋଚ କରନ୍ତି ନାହିଁ । ହେଲେ ଜରୁରୀ ସାମଗ୍ରୀର ମୂଲ୍ୟ ବଢ଼ିଲେ କେହି ସମର୍ଥନ କରନ୍ତି ନାହିଁ” ।
ଏହାସହ ସେ କହିଛନ୍ତି ଯେ, ‘ଦେଶର ନାଗରିକ ସଂଶୋଧନ ଅଧିନିୟକ, ଜାମ୍ମୁ କାଶ୍ମୀରରୁ ଧାରା ୩୭୦ ଓ ୩୫-A ଉଚ୍ଛେଦ ଭଳି ଐତିହାସିକ ପଦକ୍ଷେପ ନେଇଛନ୍ତି । ଆସନ୍ତା ୨୦୨୪କୁ ପାକିସ୍ତାନ ଅଧିକୃତ କାଶ୍ମୀର ମଧ୍ୟ ସମ୍ଭବତଃ ଭାରତର ଅଂଶ ହୋଇଯିବ ।’ କେନ୍ଦ୍ରମନ୍ତ୍ରୀଙ୍କ ଏହି ମନ୍ତବ୍ୟ ସାଧାରଣ ତଥା ଗଣମାଧ୍ୟମରେ ଚର୍ଚ୍ଚା ଜୋର ଧରିଛି ।
ସେ ଆହୁରି ମଧ୍ୟ କହିଛନ୍ତି ଯେ, ‘‘ଲୋକମାନେ ୭୦୦ ଟଙ୍କା ମୂଲ୍ୟରେ କେଜି ମାଂସ ଓ ୬୦୦ -୭୦୦ ଟଙ୍କା ଦେଇ କିଣୁଛନ୍ତି ପିଜ୍ଜା । ହେଲେ ୧୦ ଟଙ୍କାରେ ପିଆଜ ଓ ୪୦ ଟଙ୍କାରେ ବିଲାତି କିଣିବା ଆମକୁ ମହଙ୍ଗା ପଡିଯାଉଛି ଯଦି କୌଣସି ଜିନିଷର ମୂଲ୍ୟ ବୃଦ୍ଧି ପଛର କାରଣ ନ ଜାଣନ୍ତି ତେବେ ତା ପାଇଁ ପ୍ରଧାନମନ୍ତ୍ରୀଙ୍କୁ ଦାୟୀ କରିବୁ ନାହିଁ” ।
