ଲାଡେନ୍‌ଙ୍କୁ ଗୁରୁ ମାନନ୍ତି, ସରକାରୀ ଅଫିସ୍‌ରେ ତାଙ୍କ ଫଟୋ ରଖନ୍ତି ଏହି ଅଧିକାରୀ

ଉତ୍ତରପ୍ରଦେଶର ଫାରୁଖାବାଦରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। ଏଠାରେ ଜଣେ ଅଧିକାରୀ ବିଶ୍ୱର ସବୁଠାରୁ ଭୟଙ୍କର ଆତଙ୍କବାଦୀ ଓସାମା ବିନ୍ ଲାଡେନ୍‌ଙ୍କୁ ତାଙ୍କର ଗୁରୁ ବୋଲି କହୁଛନ୍ତି। କେବଳ ଏତିକି ନୁହେଁ, ସେ ତାଙ୍କ ଫଟୋକୁ ବି ନିଜ ଅଫିସ୍‌ରେ ରଖିଥିବା ଦେଖାଯାଏ।

ଏହି ଘଟଣା ଫାରୁଖାବାଦର ନବାବଗଞ୍ଜର ବିଦ୍ୟୁତ୍ ନିଗମ କାର୍ଯ୍ୟାଳୟରେ ଦେଖିବାକୁ ମିଳିଛି। ଏହି କାର୍ଯ୍ୟାଳୟର ପରିସରରେ ଲାଗିଥିବା ଆତଙ୍କବାଦୀ ଓସାମା ବିନ୍ ଲାଡେନର ଫଟୋ ଭାଇରାଲ ହେବା ପରେ ସେଠାରେ ଉତ୍ତେଜନା ଦେଖାଦେଇଛି। ଅଫିସ୍‌ରେ ଲଗାଯାଇଥିବା ଓସାମାଙ୍କ ଫଟୋ ତଳେ ତଳେ ସମ୍ମାନିତ ଓସାମା ବିନ୍ ଲାଡେନ ଦୁନିଆର ସର୍ବଶ୍ରେଷ୍ଠ ଜୁନିଅର ଇଞ୍ଜିନିୟର ମଧ୍ୟ ଲେଖାଯାଇଛି। ଏହା ତଳେ SDO ରବିନ୍ଦ୍ର ପ୍ରକାଶ ଗୌତମଙ୍କ ନାମ ଅଛି।

ଅଧୀକ୍ଷକ ଇଞ୍ଜିନିୟର ଏସ.କେ ଶ୍ରୀବାସ୍ତବ ଏହା ବିଷୟରେ କହିଛନ୍ତି ଯେ ସେ ମଧ୍ୟ ଏହା ବିଷୟରେ ଜାଣିଛନ୍ତି। ଏହାର ଯାଞ୍ଚ ପାଇଁ ଏକ କମିଟି ଗଠନ କରାଯାଇଛି। କମିଟିର ରିପୋର୍ଟ ପାଇବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଫାରୁଖାବାଦର ନବାବଗଞ୍ଜ ବିଦ୍ୟୁତ୍ ନିଗମ କାର୍ଯ୍ୟାଳୟ କମ୍ପ୍ଲେକ୍ସର ଅପେକ୍ଷା କକ୍ଷର କାନ୍ଥରେ ଲାଗିଥିବା ଓସାମା ବିନ୍ ଲାଡେନଙ୍କ ଫଟୋ ଭାଇରାଲ୍‌ ହେବାରେ ଲାଗିଛି। ଏହି ଫଟୋ ଭାଇରାଲ୍‌ ହେବା ପରେ ଏହାର ସୂଚନା ଅନ୍ୟ ଅଧିକାରୀଙ୍କ ନିକଟରେ ଉପଲବ୍ଧ ହୋଇଛି। ତ୍ୟେବେ ଭାଇରାଲ ହେବା ପରେ ଏହି ଫଟୋକୁ ହଟାଇ ଦିଆଯାଇଛି।

ଅନ୍ୟପକ୍ଷରେ, ସବ୍‌ଡିଭିଜନ୍ ରବିନ୍ଦ୍ର ପ୍ରକାଶ ଗୌତମଙ୍କୁ ଏହି ପ୍ରସଙ୍ଗରେ ପଚରାଯିବାରୁ ସେ କହିଥିଲେ ଯେ ଆତଙ୍କବାଦୀ ଓସାମା ବିନ୍ ଲାଡେନ ତାଙ୍କର ଗୁରୁ। ଯଦି ଫଟୋକୁ ଉଠାଯାଏ ତେବେ ପୁଣି ଗୋଟେ ଲାଗିବ। ଏହି ଫଟୋକୁ ମୋ ଦ୍ୱାରା ହିଁ ଲଗାଯାଇଥିଲା। ଫାରୁଖାବାଦରୁ ଆସିଥିବା ଏହି ମାମଲା ସମଗ୍ର ଅଞ୍ଚଳରେ ଏବେ ଆଲୋଡ଼ନ ସୃଷ୍ଟି କରିଛି।