୪୩ କୁଖ୍ୟାତ ଅପରାଧୀଙ୍କ ତାଲିକା ଜାରି କଲା ଏନଆଇଏ, ସୂଚନା ଦେଲେ ମିଳିବ ୧୦ ଲକ୍ଷ

ଖଲ୍ଲିସ୍ତାନୀ ଆତଙ୍କବାଦୀ ହରଦୀପ ନିଜ୍ଜରର ମୃତ୍ୟୁକୁ ନେଇ ଭାରତ-କାନାଡା ସଂପର୍କରେ ତିକ୍ତତା ଆସିଥିବା ବେଳେ ବଡ଼ ପଦକ୍ଷେପ ନେଇଛି ଏନଆଇଏ। କାନାଡାର ଆତଙ୍କୀ ଗ୍ୟାଙ୍ଗଷ୍ଟର ସହ ସଂପର୍କରେ ଥିବା ୪୩ କୁଖ୍ୟାତ ଅପରାଧୀଙ୍କ ତାଲିକା ଜାରି କରିଛି ଏନଆଇଏ। ଏଥିସହ ଭାରତରେ ଖଲ୍ଲିସ୍ତାନୀ ମୁଭମେଣ୍ଟକୁ ରୋକିବା ଲାଗି ଏନଆଇଏ ଆଉ ଏକ ବଡ଼ ପଦକ୍ଷେପ ନେଇଛି। ୱାଣ୍ଟେଡ୍ ଆତଙ୍କବାଦୀଙ୍କୁ ଧରାଇଦେଲେ ୧୦ ଲକ୍ଷ ଟଙ୍କାର କ୍ୟାସ୍ ପ୍ରାଇଜ୍ ଘୋଷଣା କରିଛି ଏନଆଇଏ।

ଆତଙ୍କବାଦୀ ହରୱିନ୍ଦର ସିଂ ସାନ୍ଧୁ ଓରଫ ରିଣ୍ଡା ଏବଂ ଲଖବୀର ସିଂହ ସାନ୍ଧୁ ଓରଫ ଲାଣ୍ଡାକୁ ଧରାଇବା ଲାଗି ୧୦ ଲକ୍ଷ ଟଙ୍କା ଲେଖାଏଁ କ୍ୟାସ୍ ପ୍ରାଇଜ୍ ଘୋଷଣା କରିଛି ଜାତୀୟ ତଦନ୍ତକାରୀ ସଂସ୍ଥା। ସେହିପରି ଏମାନଙ୍କର ଅନ୍ୟ ୩ ସହଯୋଗୀଙ୍କ ନାଁରେ ମଧ୍ୟ ୫ ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ଘୋଷଣା କରିଛି ଏନଆଇଏ। ଅପରାଧୀମାନଙ୍କର ଫଟୋ ସହ ତାଲିକା ଜାରି କରିଛି ଜାତୀୟ ତଦନ୍ତକାରୀ ସଂସ୍ଥା। ଏଥିସହ ଏ ସମସ୍ତ ଅପରାଧୀଙ୍କର ସଂପତ୍ତି ବିଷୟରେ ଜଣାଇବାକୁ ଲୋକଙ୍କୁ ଅନୁରୋଧ କରିଛି ଏନଆଇଏ।

#ସୂଚନା_ଦେଲେ_ମିଳିବ_୧୦_ଲକ୍ଷ_ଟଙ୍କା
ଭାରତରେ ଖଲ୍ଲିସ୍ତାନୀ କାର୍ଯ୍ୟକଳାପ ରୋକିବାକୁ ବଡ଼ ପଦକ୍ଷେପ। ୱାଣ୍ଟେଡ୍ ଆତଙ୍କବାଦୀଙ୍କ ସଂପର୍କରେ ସୂଚନା ଦେଲେ ମିଳିବ ୧୦ ଲକ୍ଷ ଟଙ୍କା...#NIA#WantedTerrorists#Canadapic.twitter.com/UasvZJXSiH

— ଓଟିଭି (@otvkhabar) September 21, 2023

ଯଦି କୌଣସି ବ୍ୟକ୍ତି ଏହି ଏନଆଇଏ ଜାରି କରିଥିବା ଅପରାଧୀଙ୍କର ସଂପତ୍ତି ବିଷୟରେ କୌଣସି ତଥ୍ୟ ପାଆନ୍ତି ତେବେ ଜଣାଇବାକୁ ଅନୁରୋଧ କରିଛି ଏନଆଇଏ। ତଥ୍ୟ ପ୍ରଦାନ ଲାଗି ଏନଆଇଏ ଏକ ହ୍ୱାଟସଆପ୍ ନମ୍ବର ମଧ୍ୟ ସେୟାର କରିଛି। ଏଥିସହ ସୂଚନାଦାତାଙ୍କ ପରିଚୟ ଗୋପନ ରଖାଯିବ ବୋଲି ଏନଆଇଏ ସ୍ପଷ୍ଟ କରିଛି । ଏନଆଇଏର ଏହି ଲିଷ୍ଟରେ ଟପରେ ରହିଛି ଲରେନ୍ସ ବିଷ୍ନୋଇ । ସେହିପରି ଯଶଦୀପ ସିଂହ, କାଲା ଜଠେରୀ ଓରଫ ସନ୍ଦୀପ, ବୀରେନ୍ଦ୍ର ପ୍ରତାପ ଓରଫ କାଲା ରାଣା ଏବଂ ଯୋଗୀନ୍ଦର ସିଂହର ଫଟୋ ସହ ଲିଷ୍ଟ ଜାରି କରିଛି ଏନଆଇଏ। ଏନଆଇଏ କହିଛି ଯେ ଏମାନଙ୍କ ମଧ୍ୟରୁ ଅନେକ ଗ୍ୟାଙ୍ଗଷ୍ଟର କାନାଡାରେ ରହୁଛନ୍ତି। ...

ଖଲିସ୍ଥାନୀ ଆତଙ୍କବାଦୀ ହରଦୀପ ସିଂହ ନିଜ୍ଜର ହତ୍ୟାକାଣ୍ଡ ପଛରେ ଭାରତୀୟ ଗୁଇନ୍ଦା ସଂସ୍ଥାଙ୍କ ହାତ ଥିବା କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡ୍ୟୁ କାନାଡା ସଂସଦରେ ଜଣାଇବା ପରେ ଭାରତ-କାନାଡା ମଧ୍ୟରେ ତିକ୍ତତା ଦେଖା ଦେଇଛି। ...