LIVE TV
ଆରବ ସାଗରର ଗୁଜୁରାଟ ଉପକୂଳରୁ ୨୦୦୦ କୋଟି ଟଙ୍କାର ଡ୍ରଗ୍ସ ଜବତ । ଭାରତୀୟ ନୌସେନା ଓ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ମିଳିତ ଚଢ଼ଉ ବେଳେ ପ୍ରାୟ ୮୦୦ କିଲୋଗ୍ରାମ ଓଜନର ଡ୍ରଗ୍ସ ଜବତ କରାଯାଇଛି । ଏଥିରେ ୫୨୯ କିଲୋଗ୍ରାମ ଚରସ, ୨୩୪ କିଲୋଗ୍ରାମର କ୍ରିଷ୍ଟାଲ ମିଥାଫେଟାମାଇନ୍ ଓ ୧୫ କିଲୋଗ୍ରାମର ହେରୋଇନ୍ ରହିଛି ।
Also Read
ସୂଚନା ଅନୁସାରେ, ଏହି ଡ୍ରଗ୍ସ ପାକିସ୍ତାନରୁ ଆସୁଥିଲା ତେବେ ଏହି ଡ୍ରଗ୍ସ କାହା ପାଖକୁ ଆସୁଥିଲା ଏନ୍ସିବି ତାହାର ତଦନ୍ତ କରୁଛି । ବଡ଼ ବଡ଼ ଅଖାରେ ପ୍ୟାକିଂ ହୋଇଥିବା ଏହି ଡ୍ରଗ୍ସକୁ ଗୁଜୁରାଟର ପୋରବନ୍ଦରକୁ ଅଣାଯାଇଛି ତେବ ଜବତ ଡ୍ରଗ୍ସ ସଂପର୍କରେ ଏନ୍ସିବି ଅଧିକ ତଦନ୍ତ ଜାରି ରଖିଛି ।
ଡ୍ରଗ୍ସ ବିରୋଧରେ ଏନ୍ସିବିର ଅଭିଯାନରେ ଏହା ଅନ୍ୟତମ ବଡ଼ ସଫଳତା ନୋସେନାର ଜାହାଜରେ ସମୁଦ୍ର ମଝିରେ ୪ ଦିନ ଧରି ଜଗି ରହିବା ପରେ ଏତେବଡ଼ ଡ୍ରଗ୍ସ ଚାଲାଣକୁ ଧରାଯାଇପାରିଛି ବୋଲି ଏନ୍ସିବି ମହାନିର୍ଦ୍ଦେଶକ ଏସ୍. ଏନ୍. ପ୍ରଧାନ ସୂଚନା ଦେଇଛନ୍ତି ।
ଡ୍ରଗ୍ସ ନେଇ ଆସୁଥିବା ବୋଟ୍ଟି ଭାରତୀୟ ସାମୁଦ୍ରିକ ସୀମା ଭିତରେ ପ୍ରବେଶ କରିବା କ୍ଷଣି ଚଢ଼ଉ କରାଯାଇଥିଲା । ସବଠୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏନ୍ସିବି ଓ ସୁରକ୍ଷାକର୍ମୀଙ୍କୁ ଦେଖିବା କ୍ଷଣି ବୋଟ୍ଟିକୁ ବୁଡ଼ାଇ ଦେବାକୁ ଚେଷ୍ଟା କରାଯାଇଥିଲା ହେଲେ ନୌସେନା ଟିମ୍ ତତକ୍ଷଣାତ ଏଥିରୁ ଡ୍ରଗ୍ସ ଉଦ୍ଧାର କରିପାରିଥିଲେ ବୋଲି ଏନ୍ସିବି ପକ୍ଷରୁ ସୂଚନା ଦିଆଯାଇଛି ।
