ପଞ୍ଜାବ କଂଗ୍ରେସ ସଭାପତି ପଦରୁ ଇସ୍ତଫା ଦେଲେ ନବଜୋତ ସିଂ ସିଦ୍ଧୁ

ଚଣ୍ଡିଗଡ଼ : ପଞ୍ଜାବ ସମେତ ପାଞ୍ଚଟି ରାଜ୍ୟରେ ଅନୁଷ୍ଠିତ ବିଧାନସଭା ନିର୍ବାଚନରେ ​​କଂଗ୍ରେସ ଶୋଚନୀୟ ଭାବେ ପରାଜିତ ହୋଇଛି । ପରାଜୟ ପରେ କଂଗ୍ରେସର ଅଧ୍ୟକ୍ଷା ସୋନିଆ ଗାନ୍ଧୀ ପାଞ୍ଚଟି ରାଜ୍ୟର କଂଗ୍ରେସ ମୁଖିଆଙ୍କ ଇସ୍ତଫା ଦାବି କରିଥିଲେ । ଏଭଳି ସ୍ଥିତିରେ ପଞ୍ଜାବ ପ୍ରଦେଶ କଂଗ୍ରେସ କମିଟିର ସଭାପତି ନବଜୋତ ସିଂ ସିଦ୍ଧୁ ବୁଧବାର ଦିନ ନିଜ ପଦରୁ ଇସ୍ତଫା ଦେଇଛନ୍ତି । ଇସ୍ତାଫା ପତ୍ରରେ ମାତ୍ର ପାଞ୍ଚଟି ଶବ୍ଦ ଲେଖିଛନ୍ତି ସିଦ୍ଧୁ । I Hairby Resign as President (PPCC) । ଏହାର ଅର୍ଥ ହେଉଛି କଂଗ୍ରେସ କମିଟିର ସଭାପତି ପଦରୁ ଇସ୍ତଫା ଦେଉଛି । ଏହା ପରେ ସିଦ୍ଧୁ ତାଙ୍କ ଇସ୍ତଫା ପତ୍ର ଦଳର ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ନିକଟକୁ ପଠାଇଥିବା ଟ୍ୱିଟ୍‌ କରି କହିଛନ୍ତି।

As desired by the Congress President I have sent my resignation … pic.twitter.com/Xq2Ne1SyjJ

— Navjot Singh Sidhu (@sherryontopp) March 16, 2022

ପଞ୍ଜାବ ବିଧାନସଭା ନିର୍ବାଚନରେ ​​କଂଗ୍ରେସର ଅପମାନଜନକ ପରାଜୟ ପରେ ପ୍ରଦେଶ ପ୍ରଭାରୀ ଦାୟିତ୍ୱରେ ଥିବା ହରିଶ ଚୌଧୁରୀ ମଙ୍ଗଳବାର ପ୍ରାର୍ଥୀମାନଙ୍କର ଏକ ବୈଠକ ଡକାଇ ଅନୁଧ୍ୟାନ କରିଥିଲେ । ଏହା ପରେ କଂଗ୍ରେସ ହାଇକମାଣ୍ଡ ମତାମତ ନେଇଥିଲେ ଏବଂ ପାଞ୍ଚଟି ରାଜ୍ୟର କଂଗ୍ରେସ ସଭାପତିଙ୍କ ଇସ୍ତଫା ଦାବି କରାଯାଇଥିଲା । ନିର୍ବାଚନ ପ୍ରଚାର ସମୟରେ ମଧ୍ୟ ସିଦ୍ଧୁ ତାଙ୍କ ଇସ୍ତଫା ପତ୍ର ଦାଖଲ କରିଥିଲେ, କିନ୍ତୁ ସେତେବେଳେ କଂଗ୍ରେସ ହାଇକମାଣ୍ଡ ତାଙ୍କ ଇସ୍ତଫା ଗ୍ରହଣ କରିବା ସ୍ଥିତିରେ ନଥିଲେ ।

ତେବେ ପଞ୍ଜାବରେ କଂଗ୍ରେସ ମାଟିକାମୁଡ଼ି ପଡ଼ିବା ପରେ ସିଦ୍ଧୁ କହିଥିଲେ, ପଞ୍ଜାବର ଲୋକେ ସବୁଠୁ ଭଲ ନିଷ୍ପତ୍ତି ନେଇଛନ୍ତି । ଲୋକେ ଆପକୁ କ୍ଷମତା ଦେଇ ଉଚିତ ନିଷ୍ପତ୍ତି ନେଇଥିବା କହିଥିଲେ। ରାଜନୀତିରେ ପରିବର୍ତ୍ତନ ହୋଇଛି । ପଞ୍ଜାବ ଜନତାଙ୍କ ଭଲ ଏବଂ ଉଚିତ ନିଷ୍ପତ୍ତି ନେଇଥିବାରୁ ତାଙ୍କୁ ଶୁଭେଚ୍ଛା ଜଣାଉଛି ବୋଲି ସେ କହିଥିଲେ ।

ସୂଚନାଯୋଗ୍ୟ ପଞ୍ଜାବ କଂଗ୍ରେସର ସଭାପତି ହେବା ପରେ ନବଜୋତ ସିଂ ସିଦ୍ଧୁଙ୍କ ବାରମ୍ବାର ବିରୋଧ ଯୋଗୁଁ କ୍ୟାପଟେନ ଅମରିନ୍ଦରଙ୍କୁ ପଦରୁ ହଟାଇ ଦିଆଯାଇଥିଲା । ଆଉ ଏନେଇ ରାଜ୍ୟରେ ବିବାଦ ଲାଗି ରହିଥିଲା । ଦଳିତ ଭୋଟ୍ ବ୍ୟାଙ୍କର କାର୍ଡ ଖେଳିବାବେଳେ ସିଦ୍ଧୁଙ୍କ ଇଚ୍ଛା ବିରୋଧରେ କଂଗ୍ରେସ ଚରଣଜିତ ସିଂ ଚନ୍ନିଙ୍କୁ ମୁଖ୍ୟମନ୍ତ୍ରୀ କରିଥିଲା । ସରକାରରେ ଅଧିକାରୀଙ୍କ ପଦବୀକୁ ନେଇ ସିଦ୍ଧୁ ଏବଂ ମୁଖ୍ୟମନ୍ତ୍ରୀ ଚନ୍ନିଙ୍କ ମଧ୍ୟରେ ମତଭେଦ ଦେଖାଦେଇଥିଲା ।

OTV is now on Whatsapp

Join and get latest news update delivered to you via whatsapp

Join Now