LIVE TV
ଦୁର୍ଘଟଣା, ମୃତ୍ୟୁ, ବୀଭତ୍ସ ଓ ଭୟଙ୍କର ଦୃଶ୍ୟ ପରିବେଷଣକୁ ନେଇ ଗତକାଲି କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରାଳୟ ଟିଭି ଚ୍ୟାନେଲ ଗୁଡ଼ିକ ଉପରେ ପ୍ରବଳ ବର୍ଷିଛି । ବର୍ତ୍ତମାନର ସ୍ଥିତିକୁ ନଜରରେ ରଖି ମନ୍ତ୍ରାଳୟ ପକ୍ଷରୁ ଟିଭି ଚ୍ୟାନେଲଗୁଡିକ ପାଇଁ ଏକ ଆଡଭାଇଜାରି ଜରି କରାଯାଇଛି । ମହିଳା, ଶିଶୁ ଏବଂ ବୃଦ୍ଧଙ୍କ ପ୍ରତି ହିଂସା, ମୃତ୍ୟୁ, ରକ୍ତାକ୍ତ ,ଭୟଙ୍କର ତଥା ବିବ୍ରତ ଚିତ୍ର ଏବଂ ଭିଡିଓ ପ୍ରସାରଣ ନକରିବାକୁ ଚେତାବନୀ ଦିଆଯାଇଛି ।
ମନ୍ତ୍ରାଳୟ ପକ୍ଷରୁ କୁହାଯାଇଛି, ଟିଭିରେ ବିଭତ୍ସ ଚିତ୍ର ଏବଂ ଭିଡିଓ ଗୁଡିକୁ ଏଡିଟିଂ ତଥା ବ୍ଲର୍ ନକରି ପରିବେଷଣ କରିବା ଦ୍ୱାରା ପିଲାଙ୍କ ଉପରେ ମାନସିକ ସ୍ତରରେ ପ୍ରଭାବ ପକାଉଛି । ଏହା ସହିତ ପୀଡିତଙ୍କ ଗୋପନୀୟତା ମଧ୍ୟ ଉଲ୍ଲଂଘନ ହେଉଛି । ନିକଟରେ କ୍ରିକେଟର ଋଷଭ ପନ୍ତଙ୍କ ଦୁର୍ଘଟଣା ଖବରକୁ ଯେଭଳି ପ୍ରସାରଣ କରାଯାଇଥିଲା, ତାହା ପ୍ରୋଗ୍ରାମ୍ କୋଡ୍ର ଉଲ୍ଲଂଘନ କରିଥିବା ଦର୍ଶାଯାଇଛି ।
Also Read
Ministry of I&B cautions TV channels against broadcasting disturbing footages, distressing images. Gory images of blood, dead bodies, physical assault are distressful, against Programme Code. No editing being done of violent videos being taken from social media by channels. pic.twitter.com/TZQyY6U0pE
— ANI (@ANI) January 9, 2023
ଏଥିପାଇଁ ଟିଭି ଚ୍ୟାନେଲ୍ ଗୁଡ଼ିକ ପାଇଁ ଦିଶାନିର୍ଦ୍ଦେଶ ଜାରି କରି ଦୁର୍ଘଟଣା, ହତ୍ୟା ପରି ଘଟଣାର ରିପୋର୍ଟିଂ କରିବା ସମୟରେ ସତର୍କ ରହିବାକୁ କୁହାଯାଇଛି । ଆଡଭାଇଜରି ଏଭଳି ସମୟରେ ଜାରି କରାଯାଇଛି, ଯେତେବେଳେ ଟିଭି ଚ୍ୟାନେଲ ଗୁଡ଼ିକ ବାରମ୍ବାର ନିୟମ ଉଲ୍ଲଂଘନ କରି ଫଟୋ ଏବଂ ଭିଡିଓ ଗୁଡ଼ିକୁ ଏଡିଟ୍ ନକରି ରିପୋର୍ଟ କରୁଛନ୍ତି । କ୍ରମାଗତ ଭାବରେ ମୃତ ଦେହ ଏବଂ ଆହତଙ୍କ ଚିତ୍ର ଏବଂ ଭିଡିଓ ଟିଭିରେ ସ୍ପଷ୍ଟ ରୂପରେ ଦେଖିବାକୁ ମିଳୁଛି । ଏପରିକି ସୋସିଆଲ ମିଡିଆରୁ ଆଣି ରକ୍ତ ଜୁଡୁବୁଡୁ ଶିଶୁ, ମହିଳା ଏବଂ ବୃଦ୍ଧ ବ୍ୟକ୍ତିଙ୍କ କ୍ଲୋଜ ଅପ୍ ଫଟୋ ମଧ୍ୟ ଦେଖାଯାଉଛି ।
ଫଳରେ ଏହା ଅନେକ କ୍ଷେତ୍ରରେ ପ୍ରୋଗ୍ରାମ କୋଡ୍ ଉଲ୍ଲଂଘନ କରୁଛି । ଅଧିକାଂଶ କ୍ଷେତ୍ରରେ ପ୍ରସାରିତ ବିଷୟବସ୍ତୁ ଶିଶୁଙ୍କ ମାନସିକ ସ୍ଥିତି ଉପରେ ପ୍ରଭାବ ପକାଉଛି, ତେଣୁ ଏଥିପ୍ରତି ଧ୍ୟାନ ଦେବା ଜରୁରୀ ।
