• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ନୂଆଦିଲ୍ଲୀ : ଆଉ ଏକ ଶକ୍ତିଶାଳୀ ମର୍ସିଡିଜ୍-ମାବାକ୍ S650 ବାହୁବଳୀ କାର୍‌ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ସ୍ଥାନ ପାଇଛି। ଏହ ପୂର୍ବର ରେଞ୍ଜ ରୋଭର୍‌ ଭୋଗ୍‌ ଏବଂ ଟୋୟୋଟା ଲ୍ୟାଣ୍ଡ୍‌ କ୍ରୁଜରର ଅପ୍‌ଗ୍ରେଡ୍ ଭର୍ସନ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷାରେ ହାଇଦ୍ରାବାଦ ହାଉସ୍‌ରେ ଏହି କାର୍‌ ପ୍ରଥମେ ଦେଖାଯାଇଥିଲା। ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ ଗସ୍ତରେ ଆସିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ମାବାକ୍ S650 ପ୍ରଥମେ ଦେଖାଯାଇଥିଲା।

ମର୍ସିଡିଜ୍-ମାବାକ୍ ଗତ ବର୍ଷ ୧୦.୫ କୋଟି ଟଙ୍କାରେ ଭାରତରେ S600 ଗାର୍ଡ ଲଞ୍ଚ କରିଥିଲା ​​ଏବଂ S650ର ମୂଲ୍ୟ ୧୨ କୋଟି ଟଙ୍କା ବୋଲି କୁହାଯାଉଛି। ଦେଶର ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ ଦାୟୀ ସ୍ୱତନ୍ତ୍ର ସୁରକ୍ଷା ଗୋଷ୍ଠୀ କିମ୍ବା ଏସ୍‌ପିଜି ସାଧାରଣତଃ ଏପରି ଶକ୍ତିଶାଳୀ କାର୍‌ ପାଇଁ ସୁପାରିଶ୍ କରନ୍ତି। ପ୍ରକାଶଥାଉ ଯେ ଏସ୍‌ପିଜି ସମସ୍ତ ସୁରକ୍ଷା ସମ୍ବନ୍ଧୀୟ ଆବଶ୍ୟକତାକୁ ସମାଧାନ କରେ ଏବଂ ନିର୍ଣ୍ଣୟ କରେ ଯେ ସେମାନେ ସୁରକ୍ଷା ଦେଉଥିବା ବ୍ୟକ୍ତି ଏକ ନୂଆ ଯାନ ଆବଶ୍ୟକ କରନ୍ତି କି ନାହିଁ।

ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷାରେ ରେଞ୍ଜ ରୋଭ୍‌ର ସେଣ୍ଟିନେଲ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଯାନ। ଏହି ଯାନ ପୂର୍ବରୁ ବିଏମ୍‌ଡବ୍ଲୁ ୭ ସିରିଜ୍ ବୁଲେଟ୍‌ପ୍ରୁଫ୍ ଗାଡି ପ୍ରଧାନମନ୍ତ୍ରୀଙ୍କ ସୁରକ୍ଷାରେ ଥିଲା। ରେଞ୍ଜ ରୋଭର୍‌ ସେଣ୍ଟିନେଲ ସଂପୂର୍ଣ୍ଣ ବୁଲେଟ୍‌ପ୍ରୁଫ୍‌। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷାରେ ଅନ୍ତର୍ଭୁକ୍ତ ଏହି ଗାଡିରେ ଅନେକ ପରିବର୍ତ୍ତନ କରାଯାଇଛି। କାର୍‌ରେ ୫.୦ ଲିଟର V8 ଇଞ୍ଜିନ୍ ଅଛି ଯାହା 375bhp ସହିତ ଆସେ। ଏହି ଯାନଟି ମାତ୍ର ୧୦ ସେକେଣ୍ଡରେ ୦ ରୁ ୧୦୦ ବେଗକୁ ଧରିଥାଏ। ଏହାର ମୂଲ୍ୟ ୨ ରୁ ୪ କୋଟି ବୋଲି କୁହାଯାଏ।

ଶକ୍ତି ଦୃଷ୍ଟିରୁ ଟୋୟୋଟା ଫର୍ଚୁନ୍‌ର କୌଣସି ଉତ୍ତର ନାହିଁ। ଯଦି ଆପଣ ଏହି କାର୍‌କୁ ଦେଖିବେ ତେବେ ଏହା କୌଣସି ଏକ ଟାଙ୍କି ପରି ଦେଖାଯାଏ। ଏହି ଯାନଟି ଏସ୍‌ପିଜି ବ୍ୟକ୍ତିଗତ କ୍ଷେତ୍ରରେ ବ୍ୟବହୃତ ହୁଏ। ଏହି ଗାଡିରେ ସ୍ୱତନ୍ତ୍ର ପ୍ରକାରର ଆଣ୍ଟିନା ରହିଛି। ଏହି ଆଣ୍ଟିନା ସାହାଯ୍ୟରେ ପ୍ରତ୍ୟେକ ଯାନ୍ତ୍ରିକ ଆବଶ୍ୟକତା ପୂରଣ ହୋଇପାରିବ ଏବଂ ଉପଗ୍ରହର ସହାୟତାରେ ଏହାକୁ ମଧ୍ୟ ଟ୍ରାକ୍‌ କରାଯାଇପାରିବ।

ଟୋୟୋଟା ଲ୍ୟାଣ୍ଡ୍‌ କ୍ରୁଜ୍‌ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ତ ଅଛି, କିନ୍ତୁ ଏହା କେବଳ ବେଳେବେଳେ ବ୍ୟବହୃତ ହୁଏ। ଟୋୟୋଟା ଲ୍ୟାଣ୍ଡ୍‌ କ୍ରୁଜର୍‌ ମଧ୍ୟ ଅନେକ ଆଧୁନିକ ବୈଶିଷ୍ଟ୍ୟ ସହିତ ଆସିଥାଏ। ଟୋୟୋଟାର ଏହି ବାହୁବଳୀ ଯାନରେ ଏକ V8 ଇଞ୍ଜିନ୍ ବ୍ୟବହାର ହୋଇଛି ଯାହାକି 260bhpର ଶକ୍ତି ପ୍ରଦାନ କରେ। ଏହି ଗାଡିର ପ୍ରାଥମିକ ମୂଲ୍ୟ ୧.୪୭ କୋଟି ଟଙ୍କା ରହିଛି।

ମର୍ସିଡିଜ୍ ମେବାକ୍ ଏସ୍-୬୫୦ରେ ଆଉ କ’ଣ ବୈଶିଷ୍ଟ୍ୟ ରହିଛି:

  • ପ୍ରଧାନମନ୍ତ୍ରୀଙ୍କ ଏହି ନୂଆ ଗାଡ଼ି ଘଣ୍ଟା ପ୍ରତି ୧୬୦ କିଲୋମିଟର ବେଗରେ ଗତି କରିପାରିବ। ଗାଡ଼ିଟି ସମ୍ପୂର୍ଣ୍ଣ ବୁଲେଟ୍ ପ୍ରୁଫ୍। ଏହା ୨୦୧୦ରେ ବିସ୍ଫୋରଣ ନିରୋଧୀ ଗାଡ଼ିର ମାନ୍ୟତା ପାଇଥିଲା।
  • ସବୁଠାରୁ ବଡ଼ କଥା ହେଲା ଗାଡ଼ିଟି ୨ ମିଟର ଦୂରରୁ ୧୫ କିଲୋ ଓଜନର ବିସ୍ଫୋରକ ବିସ୍ଫୋରଣକୁ ସମ୍ଭାଳି ପାରିବ। ଗାଡ଼ିର ତଳଟି ସମ୍ପୂର୍ଣ୍ଣ ଭାବେ ବିସ୍ଫୋରଣ ନିରୋଧୀ।
  • ଭିତରପଟେ ଗାଡ଼ିର କାଚ ଓ ଡୋର୍ ଗୁଡ଼ିକ ସୁରକ୍ଷା ଦେବା ଭଳି ତି‌ଆରି ହୋଇଛି।
  • ଗ୍ୟାସ୍‌ ଆକ୍ରମଣକୁ ମଧ୍ୟ ଏହି ଗାଡ଼ି ପ୍ରତିହତ କରିପାରିବ। କ୍ୟାବିନ୍‌ ଭିତରେ ଥିବା ସ୍ୱତନ୍ତ୍ର ଏୟାର ସପ୍ଲାଏ ବ୍ୟବସ୍ଥା ଥିବାରୁ ଗ୍ୟାସ୍‌ ଆକ୍ରମଣ ହେଲେ ଏହା ସୁରକ୍ଷା ଦେଇପାରିବ।
  • ଗାଡ଼ିର ତେଲ ଟାଙ୍କିକୁ ସୁରକ୍ଷା ଦେବା ଲାଗି ଏହା ଉପରେ ଏକ ପ୍ରକାର ପ୍ରଲେପ ଦିଆଯାଇଛି। ବୋଇଂ ହେଲିକପ୍ଟର ଏଏଚ୍-୬୪ ଆପାଚିରେ ଯେଉଁ ପ୍ରକାର ପ୍ରଲେପ ଦିଆଯାଇଛି, ଏହି ଗାଡ଼ିରେ ମଧ୍ୟ ସମାନ ପ୍ରଲେପ ରହିଛି।
  • ଗାଡ଼ିର ଚକ ମଧ୍ୟ ସ୍ୱତନ୍ତ୍ର ଶୈଳୀରେ ତିଆରି ହୋଇଛି।